غربال الروح

البارت الثالث والخمسين

الروايه "غربال الروح "
بقلم /رحيل القوافي .....
Ghadeer-1997
# وهاا قد بدا أبطالنا بتجهيز امتعتهم للرحيل
.......
ميلن... لاتنكطن كحل فوك الدم
ميلن ... وردة الخزامه تنكط سم
جرح صويحبتي بعطابه مايلتم
صاحب  من يموت المنجل يداعي
احاا شوسع جرحك
مايسده الثار
ياصحبتي من بعدج مناجل غيظ ايحصدن نار
شيل بيارغ الدم فوك يلساعي
الصاحب من يموت المنجل ايداعي. 
.......
جواهر •••

حلم لو حقيقه ...؟؟؟

انه راح ازوج واخلص من زوج خالتي ماجاي اكدر اصدك رغم العرس صار غصب عن عباس بس انه كلش فرحانه.

جنت اتمنئ ساره موجوده وتعاين بعينها شلون اخلص من الظلم.
طول هذا الاسبوع انه اشبه بالجثه بسبب تعذيب زوج خالتي الي

حار شلون يأذيني عبن رفضته ورضيت بعباس چا اكو واحد يرفض حبيب الكلب ويختار چتاله.

رضيت بغسمتي ودعيت الله ايتممها الي على خير
بس الجروح بجسمي جثير وخاصة بيوم الخبطه شبعت
كتله حتى وجهي ازورك.

رغم كل هذا الفرحه لبكلبي محد يكدر يهدمها حتى چلمات عباس الغاسيه جانت تنزل على كلبي احله من العسل.

جان يكفيني انو اعيش تحت اجناحه وحنانه امه
وخوفهم عليها هذا كله تارس عيني ومكفيني.

انه موش مثل البنات الي طلبات وشروط لاع انه بس اريدن ستر ،تعبت من حجي الوادم عليه كلها تعاين عليه بعين الصغيره ويعاينوني عليه جني كاوليه وامشي بينهم.

ولو اتصح بيدم اينهشون جسمي.

اجتي امي حالها من حال الغريبه لاتحش ولاتنش وفوكاها كعدت تشرط هذا قليل وهذا موش حلو.

خاله ام عباس ونازك اخذوني اشترولي الجهاز ويانه خالتي وعباس.
الي طول الطريچ مايعاين بوجهي.

وتكول چتالة ابوه وانه مادري لو يزمخ بيه لو يرزلني حتى نازك حجت عليه ماجاز مني اذكر من دشينه محل ملابس هو هم دش ويانه.

اجه وكف چدامي وكال ... عدلي عبايتج لو تحبين الزلم تعاين عليه ذيل الچلب ماينعدل.

... عدلت عبايتي والدمعه بطرف عيني نازك جانت تحاول تغير من مزاجي حجتلي حجايه وضحكت انه هو عايني وانكلب طنطل عليه.

اجاني يرعد رعيد.

كرصني من زندي حيل وكال ... وروحه ابوي اذا عاينتج اضحكين اله اخلي دمج بطولج بربوك.

... لطمت حلكي وسكتت وشيسئلوني اهز براسي فزيت من ذكرياتي المهدمه حتى موش مثل الوادم اشتري اجهاز.

على دشت ريحان فرحت بجيتها اجتي حضنتي بعد الحزن بعيونها صح هي ماتحجيلي اسرارها بس عيونها فاضحتها.