"📌الحـلقــه الـثامـنــه📌 "
📌🔥 روايـــه ضــحايــا الـحــربـيـن📌 🔥
🔥 للـكـاتـبـه ميـــرو الشــــرقـــاوي 🔥
عمر:فتح ونصدمت لما رفعوني اثنين ملثمين حطوني فى سياره سوده مظلمه ورشو عليا ريحه لين اغمى عليا
سعيد:عمر طول
سالم:شوفه ترا
سعيد:سااالم تعالااا
سالم:شن في
سعيد: هاك اقرى الورقه لقيتها على الباب
سالم:الورقه مكتوب فيها ((جيبو مليون جنيه والا صاحبكم اقرو عليه الفاتحه ياشاطرين ومكتوب الرقم ومهدد بلو قلنا لشرطه ح يقتلونا التلاته 😱))
سالم:سعييييد هي ورااااي
سعيد:هي هي
فـ السياره 👇
سعيد:سالم أنت عارف عمر وين أصلآ؟!
سالم:يسوق بسرعه جنونيه..لالا
سعيد:باهي خفف السرعه شوي
سالم:كأنه قاله زيد السرعه علاها اكتر واكتر 😂💔💔
سعيد:سااااااالم أعقل ياسااالم😱
سالم:وقف السياره وشافله...متبيش تمشي على طريقتي ومش متحمل سرعتي أنزل😒
سعيد:لابنمشي معاك مش عشانك عشان صاحبي وخوي بس نقص السرعه منبوش نموتو حتى نحنا كان متنا منو بيساعده؟!
سالم:مش ح يموت عمر بروحه 😒
سعيد:يانموتو مع بعضنا ياعيشتنا بلاها بلكل❤
————————–————————————————
المجهول:شنو مازال راقد؟!
المجهوله:مازال مفعول المخدر ما أنتهى
المجهول:اففف امتى ينوض بننتقم منه على أيامات الجامعه
المجهوله:عليش شن دارلك مش على أساس قصه فلوس بس؟!
المجهول:أكيد خاطي قصه لفلوس في حاجه تانيه في بالي بنصفي كلللل حسباتي معاه بننتقم على كل شي 💁
المجهوله:تنتقم وحسباتي وكل شئ كيف فهمني أكثر؟!
المجهول:أيامات الجامعه كنت نحب بنت والبنت هاذي كانت أخت صاحب عمر المقرب((سالم)) في يوم تعاركنا أنا وعمر عليها و
المجهوله:وشنو؟!
المجهول:وحكينا لسالم خو البنت
المجهوله:باه ومنو أختار نقصد الاتنين منو اختارو الاخ واخته أختارو عمر صح؟!
المجهول:اها سالم اختار عمر ومخلاش فرصه حتى يسأل البنت وافق على عمر طول عشان سبب واحد بس💔
المجهوله:وشنو السبب؟!
المجهول:السبب مش لانه صاحبه وميبيش يرفضه 💔
المجهوله:امالا شنو؟!
المجهول:سبب أحقر من هكي ومش ح نقوله لحد توا😔
المجهوله:والبنت كانت على علاقه معاك؟!
المجهول:اها 💔
المجهوله:باه شن بدير توا؟!
المجهول:لااااازم عمر..........وبعده.. سكت
المجهوله:بلعت ريقها بخوف...وبعدين؟!ق قصدي منو بعده؟!
المجهول:كل شي فى وقته حلو متستعجليش على رزقك😉وطلع للخارج
المجهوله:شن يقصد؟!😱😱
🔥✔روايـــــات كــاتبـــه ورفـــليــــه✔🔥
📌🔥مــــيــــرو الـــــشـــرقـــــاوي 📌🔥
"الـساعـه 10 فـ الليل"
طق طق طق ✊
الدكتور:تفضل
مآزن:يزيد فضلك...شنو يادكتور قاعد ماناضش؟!
الدكتور:قاعد مفعول البنج ماتمش
مآزن:باه امتى ينوض؟!
الدكتور:المفروض ينوض بعد ثلاث ساعات
مآزن:باه تمام أسف تعبتك
الدكتور:تعبك راحه ولايهمك
طلع مآزن من غرفه الدكتور ومشى لكمال
كمال:شن صار؟!شن قالك؟!! شيرله بيده على وجه مآااازن الووو👋👋
مآزن:فاق على روحه...هاااا شن فيك
كمال:لاالواضح أنك مش معايا بلكل في شن تفكر مآزن
مآزن:ولاحاجه هي أنا بنمشي للمزرعه بعدين للحوش شويا ونرد خليك انت
كمال:تمام برا روح ❤
مآزن:تبي حاجه قبل مانمشي
كمال:لاسلامتك
مآزن:تمام هي أوكي
كمال:تشاو 😂
مآزن:نزلت وفعدت نفكر فى البنت اللي شفتها الايام اللي فاتن وبزعت عليها القهوه زعما شرقاويه صح؟! محلاها جميله وحتى أسلوبها حلو ومحترمه واضح من طريقه كلامها ولبسها ❤اليوم الصبح حالتها حاله زعما شن دارت توا؟!تي أنا علاش نفكر فيها أصلآ🤔 اصحى مآااازن اصحى هاذي شرقاويه يعني مستحيل يقبلو بيها عيلتك ركز مآزن ركززز💁😤
مآزن:نزلت وطول مشيت للمزرعه بنشوف الاتنين اللي قبل ضيعو خوي وقتلوه 💔
————————————————————————–
هديل:كيييف محمد أنت فى شن تقووول مفهمتش عليك وربييي
محمد:اللي سمعتيه
هديل:شن سمعت اشرحلي من جديد 😭(في عقلي، يااارب اللي سمعته يكون فيه غلط ياربي ياااارب💔)
محمد:أنا ميشرفنيش نأخذ وحده زيك هه زيك يابنت خالتي 😒
هديل:كيييف علييييش شن درت أنااا
محمد:أنا ميشرفنيش ناخذ وحده تحكي مع غيري وتاخذ منه ف فلوس زيااده،
زعما بنات الشرق كلهم زيك؟!
هديل:سكررررر فمك بنات الشرق منهم أمك ياحقييير
محمد:اذكر امه انها من الشرق وسكت 😓
أما هديل سكرت في وجهه وبدت تبكي بطريقه غريبه لدرجه صارلها أنهيار عصبي وأغمى عليها هوا صح هديل كانت متاعت فلوس وهكي بس كانت تحب محمد بجديات حب كبييير بس للأسف كانت ضحيه حرب!💔
الكاتـبـه ميــرو:عارفه أن المفروض منكتبش الفاظ زي هكي بس للأسف أنا نكتب فى الواقع وهذا واقعنا وعشان محدش يخشلي خاص ويفهمني غلط أنا وحده من بنات الشرق ❤)
🔥✔روايـــــات كــاتبـــه ورفـــليــــه✔🔥
📌🔥مــــيــــرو الـــــشـــرقـــــاوي 📌🔥
لبنى:لااازم يموتو الزوز لاااازم
ياسين:ايه لازم وخليها عليا هادي
لبنى:كيف شن بدير؟!
ياسين:أول شي بنصفي مآزن لانه هوا أكبر خطر وذكي هلبااا مستحيل يفوتوه حاجات زي هكي
لبنى:امتى بتصفيه؟!
ياسين:ما
مآزن:بصوت عالي...أنا اللي بنصفيكم ياكلااااب
ياسين:بلع ريقه بخووف
مآزن:هدأ شويا جاب كرسي ووجه لاتنين، بتضرات حقد لـ لبنى..تحسابيني بنسكتلك ونفوتلك حقارتك ونذالتك طول الفتره اللي فاتت؟!
لبنى:أ أنا أنا
مآزن:انتي شنووووو هاااا شنووو متحسيش؟!معندكش ضمير؟!شن تحسي بالله
لبنى:أنت قلتلي أنك بتقتلها وأنا كنت بنساعدك بس خنتني
مآزن:من كل عقلك تحكي انتي تي بنت خوووي هاذي وقبل ماتكون بنت خوي بنت أختك أختك اللي قتلتيها بدم باااارد💔 أختك اللي حطمتيها وكسرتيها ووهمتيها بنت أختتتتك زي ماهي بنت خوي اصحييييي يااسرك غيره وحسسد ياااسر خلااص
لبنى:أختي اختي اللي تزوجت حبيبي خانتني وغدرت بيا وقاااعد تقول اختي؟!اختي خانتني معااااه اختي غدرت بيااااا
مآزن:ياااسرك كدب كدب حبيبك مااالك حبيبك تي مالك محبش ف حياته الا اختك اللي قتلتيها انتيييي، تي انا عااارف وفاااهم منو الكداب والخاين هنااا ياسرررك كدب😒
لبنى:سكتت
مآزن:بنضرات تقتل من الخوف لـ ياسين...وأنت شن بنقول عليك ولاشن بنحكي ولاشن بنديييير بسسس زعما نقتلك ولا نخليك عبره لولاد الحرام اللي زيييك؟!
ياسين:أنا مادرت شييي كل شي درته كان تخطيط من لبنى ومحمد
مآزن:بأستغراب..اي محمد؟!
ياسين:بلع ريقه..مح محمد
مآزن;بصوت عالي ويخوف...اي محمممممممد
ياسين:م محمد و ولد ع عمك 😫
مآزن:بصدمه..ولد عمي😨
ياسين:ايه 😷
مآزن:كيف اشرحلي 😱
ياسين:يوم الخميس الساعه12 ف الليل جاني محمد و......
————————————————————————–
روان:مرو يومين على عزاء بابا قاعده مش مستوعبه فراااقه واااعر وربي وااعر 💔
كللل شي فـ حياتي تغير 180 درجه صفيت ناسي واشخاصي اي حد معزانيش معاش بنعبره نهائي انا خسرت شخص غالي ومفيش اغلى منه الله يرحمك ي بابا 💔صارلي حجات وااجد وصدمااات واااجد بس مش توا نحكيلكم عليهن خلي ميرو ترتبهم قبل ح تنصدمو وربي 😭💔💔
🔥✔روايـــــات كــاتبـــه ورفـــليــــه✔🔥
📌🔥مــــيــــرو الـــــشـــرقـــــاوي 📌🔥
سالم:انزللل
سعيد:كيف شن نزل شن تحكي انت
سالم:انزززل ولا نصفيك ف مكانك؟!نزل سالم ووهجه المسدس لجه سعيد 💔
سعيد:لاااااسااالم شن ادير....يتبــع مازال في حلقه تانيه بعد شويا
