"📌الحـلقــه الاحدى عشـر📌 "
📌🔥 روايـــه ضــحايــا الـحــربـيـن📌 🔥
🔥 للـكـاتـبـه ميـــرو الشــــرقـــاوي 🔥
مالك:أول شي......
مالك:شن رايك؟!
مآزن:تعرفني نموووت فى الحجات هيا أني🌚
مالك:باه هيا بنمشي لمحلي أنا
مآزن:عيونه ف تليفونه..إي برا أمشي
مالك:طلع من دار مآزن متجهه لداره غير ملابسه لبس سروال أسود وبلوزه حمراء وجاكيت جلد صوف أسود وكويش أسود ساوى شعره ولحيته وبخ عطره وطلع وكلعاده نظراته الجامده واللي تقتل وتوخف فى إي حد يخطم مجرد التخطيم من جنبه 🔥
————————————————————————–
سالم:زعما شن صار فى بنغازي؟!زعما شن صار فى شارعنا؟! زعما شن صار فى الحرب اساسآ؟!
سعيد:تنهد بقوه...ربي يستر تعرف رايفت على مدينتي واصحابي شارعنا وحوشي وكل الحجات الحلوه اللي فيها 💔
سالم:المشكله الاخبار كلها تجيب الهم والنكد نحسها مطوله الحرب هاذي
سعيد:تنهد..أنا خايف
سالم:خايف؟!من شنو
سعيد:خايف نكونو ضحايا 💔
سالم:تنهد..يقولو كل حرب ليها ضحايا زعما يجي يوم ونكونو ضحيه من ضحايا الحربين؟!
سعيد:هي حرب وحده إي حربين؟!
سالم:مش عارف حاسس في حرب تانيه أخطر من الحرب هاذي قاعده مبدتش😂
سعيد:تفألو بلخير تجدوه 🙂
سالم:اوباااا هوا إحني بدينا نتفلسلفو ونقولو فى حكم وأقوال؟!
سعيد:العكس صحيح* أقوال وحكم 😂*
سالم:تليفونه رن مشى بسرعه من جنب سعيد وبدا يحكي بصوت واطي ❤
سعيد:شكله رد على الحب متاعه 😒امتى نحب ونكبد حتى أنا؟!😂🙂
مجرد دقايق بس وخشو الاتنين كل واحد لحوشه رقدو
"حل هدوووء غريب فى الشارع والمنطقه لين كسر الهدوء هاذا صوت شخص مش غريب على المدينه ولاغريب على الشارع صوتي أنا عمر🔥 اها عمر تحسابوني مخطوف صحح؟! أنا كنت مخطوف ومن أقرب الناس ليا بس للأسف الشخص لقريب ليا كان غبي وواجد معرفش انه أنا نعرف ككككل أفكاره وحقده! حقد وخبث الاصحاب تعرفوه؟!هوا بلزبط اللي حسيت بيه ومريت بيه خيانه الناس القريبه ليا قتلتني بس رجعتني أقوى من قبل بمليون مررره أنا قدرت نطلع من خطفي وانتصرت على ناس كانو من أعز ناسي💔،خشيت لحوشنا حكيت مع أمي وبوي وخواتي اللي كانو عارفين كل حاجه صارت وخذيت شويه حجات مهمه وطلعت لمكاني المجهول اللي مش لازم يعرفه حد😒
🔥✔روايـــــات كــاتبـــه ورفـــليــــه✔🔥
📌🔥مــــيــــرو الـــــشـــرقـــــاوي 📌🔥
روان:مشت تجري لمحل..ينعلي 🤤😂
ريماس:لحقتها...خيرك بسم الله
روان:قربت من زجاج المحل...شوفي الجاكه هاذي تهبللل🤤
ريماس:هلباااا ذوقك والله 💛🤤كانت جاكه شتويه صفراء طويله اكمامها منفوخات وفيها خيط أسود من الوسط كانت حلوه وملفته للنظر بكل معنى الكلمه💛
مالك:مقعمز ويتصفح فى الفيس لاحظ بنتين قدام المحل يشبحو لجاكه وشكلهم بيهبلو عليها تجاهلم وكمل تصفح😂
{{الكــاتبــه ميــرو:مالك هوا نفسه صاحبنا اللي نعرفوه 😂💕}}
روان:بنخش نسأل على سعرها❤
ريماس:كم معاك انتي؟!
روان:معايا 250 جنيه
ريماس:واضح عليه المحل راقي وفخم أكيد غالي🔥
روان:منعرفش خلي نشوفو الولد بالك ناخذها، المهم المقاس بسس
ريماس:بري أني بنرجاك هنايا
روان:تمام
روان:خشت للمحل وبصوت هادي وناعم... السلام عليكم
مالك:عيونه فى التليفون...وعليكم السلام
روان:..تشوف للجاكه كانت فوق وهي قصيره ،معليش خويا ممكن الجاكه هيا👆
مالك:أما لون؟!
روان:الصفراء هاذي 👆
مالك:عطهالها تفضلي بدون مايقيم عيونه فيها
روان:شكرآ شافتلها كانت كبيره مقاس xl... وخيي في مقاس أصغر من هكي؟!
مالك:كم مقاسك انتي؟!
روان:Mاو L
مالك:قام عيونه فيها قعد يشوفلها للحضات كأنها لفتت نظره من بين البنات اللي فى المكان كأنها كانت مختلفه وملفته❤؟!
روان:ارتبكت
مالك:تفضلي شوفي هذا أصغر مقاس معاش في أصغر من هكي 😂
روان:شكرآ قستها وفعلآ كانت مقاسي شفت لروحي فى المرايه طالعه طرف يحليلي😂
مالك:يشوفلها من بعيد بنظرات تذوب❤ بس كان حريص على أنه روان متنتبهالاش
روان:كم سعرها؟!
مالك:150د
روان:فرررحت لانها تقدر تاخذها بدون ماتتردد من السعر❤
روان:تفضل 💵
مالك:شكرآ تفضلي مدلها الكيسه..تلبسيها بالهني انشاءالله
روان:تسلم يارب
جت بتمشي بعدين ردت ترددت بعدين سألت..اوخيي بنسألك
مالك:تفضلي
روان:هوا عندكم جامعات خاصات للناس اللي مسيبين قرايتهم من زمان مواليد ال60 يعني؟!
مالك:رفع حاجبه..كيف انتي مش طرابلسيه؟!
روان:لالا أنا شرقاويه بس الظروف خلتني نتغرب هنا
مالك:اي بجوده بيك ..اي في جامعه فى قصر بن غشير
روان:قصر غيشر فى لندن هاذي؟!
مالك:ضحك ضحكه طالعه من قلبه كأنه ليه زمان مضحكش بلطريقه هاذي!❤
روان:تعقدت..بصوت واطي كنه هذا؟!
مالك:جاب ورقه كتب رقمه فيها..تفضلي
روان:شن هذا؟!
مالك:شكلاطه 🌚رقمي شن يعني 😒
روان:نعرف رقمك شن بندير بيه أنا😒؟!
مالك:خوذيه باش نقولك على قصر بن غشير
روان:مناخذش في أرقم ولاد أنا
مالك:أيه براحتك أني بندير عمل خير بس
روان:عمل خير؟!😒
مالك:خوذيه مش ح تندمي
روان:خذاته بعد تردد كبيير وقعدت تسأل فى نفسها عليش
مسألتش ريماس ليش سألت الولد اللي حتى أسمه متعرفاش؟! كأن تصرفها غريب ومش معروف سببه!أما مالك قعد يلوم فى نفسه على حركته اللي مش معروف سببها أو غرضها وقعد يسأل فى روحه هوا أنا أمتى عمري عطيت وجه وريق حلو للبنات أساسآ؟!مش طول عمري نكره جنس حواء؟!اوووف شن درت يامااالك شن درت 🤦🏻♀
️————————————————————————–
سعيد:نضت من وسط نومي فى وسط مكالمات وتهديدات مش عارف ليش حطيت روحي فى قصص مع ناس أنا مش قدها اساسآ؟!ولاعارف أنا ليش درت هكي شن بنستفاد؟!بس لاا أنا بنستفاد حجات واجده واللي درته كان لازم نديره قبل 10سنين فاتو💁 رد كمل نومته ولاكأنه كانت صايره كارثه أو مصيبه قبل خمس دقايق بس؟!!ولاكأن هامه شن بيصير فى بكرا؟ اساسآ هوا فكر في بكرا؟!ممكن أكثر حاجه حلوه في سعيد أنه عايش كل يوم كأنه أخر يوم ليه بارد يعني؟!وبرضو البرود الصفه الشينه اللي فيه؟!
🔥✔روايـــــات كــاتبـــه ورفـــليــــه✔🔥
📌🔥مــــيــــرو الـــــشـــرقـــــاوي 📌🔥
"الساعـه 2 ونص الليل "
ريماس:روان
روان:عيونها فى التليفون...شنو
ريماس:عادي نسألك سؤال!
روان:قفلت تليفونها وركزت مع ريماس...اسألي
ريماس:عمرك فكرتي تحبي ولد مش من مدينتك؟!وفي نظرك الحب هذا ناجح ولا 🤔
روان:مش من مدينتي كيف يعني؟! وضحي سوألك أكثر 🙆
ريماس: من هنايا غرباوي يعني
روان:عمري مافكرت فيها الحق
ريماس:يعني عادي عندكم تاخذو وتعطو من هنايا؟!
روان: مش عارفه مش عارفه 🤦🏻♀️🤦🏻♀️
ريماس:كساااد 😫
روان:بكللل أنا جيعااانه 😫
ريماس:ترا انزلي خلينا نكسدو تحت أني ح نطيب فشار وعندي فلم شن رايك نسهرو عليه؟!
روان:هيي 🙏🙏😂
ريماس:رواان نوضي طيبي فشاار كمل هذا
روان:اوووف باهي
روان:مشيت حطيت الفشار فى الطنجره وقعدت نفكر فى الولد اللي شفته اليوم زعما نرن عليه؟!شفت للساعه لقيتها 2 ونص زعما قاعد نايض؟!كتبت الرقم وسجلته بـ قصر بن غشير😂درت رنه بعدين سكرت اففف شن قاعده ندير أنا بسس معقوله الحركات البايخه هياا 🤦🏻♀️🤦🏻♀️فكرت وفكرت لين شميت ريحه الفشار انحرق حي علياا حيه 😂
️————————————————————————–
مآزن:مقعمز فى الصاله يتفرج على الاخبار
مالك:روح للحوش حط مفاتيحه على الطاوله ورقد على الكنبه جنب مآزن
مآزن:وين وين على التأخير ياحوش مافيك حاكم 😂
مالك:😂خدمه والله
مآزن:شفت الكوارث اللي فى بنغازي
مالك:ركز فى التلفزيون..ميستاهلوش الحرب هاذي ناس بنغازي
مآزن:رسمي والله
مالك:ربي يعينهم شفت اليوم على الفيس أغلب الشوارع مدمرات دمار مش طبيعي
مآزن:ربي يعينهم مش عارف لامتى بيقعدو هك💔
مالك:المشكله قاعده فى بدايتها الحرب مازالت ماقوتش هلبا
مآزن:منو قالك المعلومات هاذي كلها؟!
مالك:أنور صاحبي اللي من شارع الحدائق
مآزن:ربي يعينه هوا التاني💔
مالك:ناض يارب هي تصبح على خير بنرقد اني
مآزن:تلاقي الخير
مالك:مشى لداره غير ملابسه وهووب لسرير فتح تليفونه لقي مكالمه من رقم غريب طول أذكر روان دارلها مكالمه بس مردتش (كانت راقده😂)سكر فكر في يلسين ولبنى وفي ولد عمه اللي بيقتله وفكر في روان وفي جمالها ورقد ❤
"ثانـي يـوم الصـبح "
ريماس:روااان هياا تأخرناااا
روان:اهو جيتت هيا
ريماس:هي
روان:ركبت السياره وتراجع فى الشيت
ريماس:خيرك متوتره
روان:مش عارفه اليوم أول يوم ليا فى الكليه هاذي
ريماس:متخافيش أنا معاك هي انزلي توا نلحقك
روان:باه كان عقلي مشتت فى حجات واجده نزلت وصلت لوسط الطريق سمعت صوت سياره خبطتني💔
روان: محسيتش على روحي إلا وصوت ريماس تعيط وأنا غارقه فى دمي منعلم بشي 💔
ريماس:لااا رواااان 💔...يتبــع أسفه طولت عليكم انشاءالله معاش نتأخر مره تانيه ابدآ ❤
