ماضي لا ينتهي

الحلقة ٩١

#ماضي_لا_ينتهي
#بوسي_مصطفى
_____________

الحلقة ٩١

استكمالاً لمشهد الحلقة الماضية.
في التليفون.. 📞
سليم : ليلى ردي عليه
حبيبتي انتِ روحتي فين؟
ليلى... ليلاااااااا.
ليلى و هي منهاره و بتبكي : سليم انت وحشتني اوي أرجع بقى علشان خاطري.
سليم : حاضر يا حبيتي بس هاتي ماما اكلمها.
ليلى : يا طنط... طنط فريال سليم على التليفون.. يا طنط.
و دخلت ليلى لـ والدة سليم...
فريال : في حاجه يا ليلى؟
ليلى : سليم عايز يكلم حضرتك.
فريال : سليم!!... سليم ابني؟
هزت ليلى راسها و هي بتبكي من الفرح..
فريال قامت بسرعه و خطفت التليفون من ليلى.
فريال و ايدها بتترعش : سليم
ابني.. انت سليم صح؟
ليلى بتقولي سليم معاكي على التليفون..حقيقي انت
و لا مين؟
سليم و هو بيبكي : ماما وحشتيني اوي.
فريال : و أنت كمان يا نور عيني
انت فين... مبتكلمناش ليه وتطمنا عليك؟
سليم : حقك عليه يا ماما بس هي ظروف كده..
إن شاء الله
نتجمع قريب.
فريال : حقيقي هترجع.. طيب امتى؟
سليم : هرتب اموري بس الأول و بعدين هكلمكم و اقولكم نازل امتى.
فريال : طب انت فين و عامل ايه طمني؟
سليم : أنا كويس كنتوا واحشني بس و عايز اسمع صوتكم.
فريال : و أنت كمان واحشني اوي.
ليلى اخدت التليفون من حماتها.
سليم : فيه ايه يا ليلى ماما مالها؟
{كانت فريال وقتها بتبكي}.
ليلى : اصلك واحشنا اوي يا سليم.
سليم : حبيبتي و انتِ اكتر
وحشاني اوي يا ليلى الولاد عاملين ايه؟
ليلى : الحمد لله
بخير.. ارجع بقى يا سليم احنا محتاجينلك و أنا تعبت اوي من غيرك.
سليم : عارف يا حبيبتي.. ادعيلي يا ليلى.
ليلى : بدعيلك يا سليم ترجع بالسلامة ليه و لولادك..
سليم : هقفل معاكي دلوقت و هبقي اكلمك لما تبقى
في فرصة.
ليلى : مش فاهمه انت فين الأول؟
سليم : بعدين هبقى اقولك كل حاجه مش وقته دلوقت لما نتقابل يا حبيبتي.
ليلى : امتى؟؟
سليم : قريب يا ليلى.. ادعيلي.
{و بعدها الخط قطع}.
فريال : قالك ايه يا ليلى؟
ليلى : قالي هينزل قريب يا طنط.
فريال : نفس الكلام اللي قالهولي بس مفهمتش هو فين حتى مطمنيش عليه حاسه إنه بيتكلم و هو خايف.
ليلى : مش عايز يقول حاجه و يمكن المكان اللي هو فيه متراقب بس هو قالي هيتكلم تاني.
فريال : طب اتصل بـ مروان و ريان و افرحهم.
ليلى : و أنا هطلع اطمن على الولاد بعد اذنك يا طنط.
فريال : اتفضلي يا بنتي.
_________

في المستشفى.
حنان بتتألم : آآآآآآه يا اني
مبقاش فيه حته سليمه
رجلي و ايدي و ضهري
آآآآآآه مش قادرة احركهم.
يحيى : استريحي بس يا ماما
الدكتور قال مفيش حركه و لا تدوسي على رجلك قبل ما الجبس دا يتفك.
حنان : و أنا هفضل كده يا ابني و بعدين سمعت منه إن حتى بعد كده مش هرجع امشي تاني زي الأول و هحتاح جلسات علاج طبيعي آآآآآآه يا اني
كله منك يا ميار انا ايه بس اللي طلعني فوق و انا رجلي تعباني كده؟؟
اهو دلوقت مش قادرة احركها ولا ادوس عليها.
يخبط هيثم و يدخل...
هيثم : سلام عليكم
{ويقرب من مامته يطمن عليها}.
هيثم : ألف سلامة عليكي يا ماما.
حنان بحزن : شوفت اللي حصلي يا هيثم؟؟
هيثم : معلش يا حبيبتي بكره تقومي بالسلامة.
حنان : اقوم !! انا حاسه خلاص مش هقدر امشي على رجلي تاني و ضهر تاعبني اوي كلم الدكتور يا يحيى يديني مسكن ضهري هيموتني.
يحيى : حاضر.
{و خرج يحيى يكلم الدكتور}.
هيثم : ادخلي يا رانيا تعالي.
رانيا : الف سلامة عليكي يا طنط.
حنان : شكراً.
هيثم : رانيا أول ما كلمتني جيت جري.
حنان : رجلي اتزحلقت يا ابني لاقيت نفسي تحت و محستش بقى الا و هما بـ يقوموني لاقيت عضمي متكسر.
هيثم يُقبل رأس والدته : ألف سلامة عليكي يا ست الكل.