اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
"عانقيني يا ميلينا، عانقيني فالكلام لم يعد كافياً, أخاف الأشياء التى تلامس قلبي يا ميلينا لذا أهرب منها دائماً وأهرب منكِ."
من كافكا الى ميلينا. .
.
.
.
♚أعرفكم عن نفسي...أروى. ♚عــــراقــــيــــة. ♚من مواليد جيل العشرينات . يعني من المعمرين أخذوا بركات مني مثل الهنود.
.
.
.
.
حنبدي سوة بهذا الكتاب الي راح يكون بيت يجمعنة وحتمر الأيام وتصير لحظة دخولكم للكتاب ذكرى حلوة أعتزو بيهة وحاولو متنسوهة لأن يجي فد يوم وأسئلكم عن أول لقاء النة.
.
.
.
خبروني شوية عنكم ؟.
♚الأسم ؟.
♚السن ؟.
♚المحافظة؟ .
.
.
.
خلي نبدي بشي بسيط وهي سالوفة عشگ ماتنتهي حصلت لآشخاص من محيط حياتي الواقعية ،راح أحچيلكم قصتهم بشكل مختصر ••❀••
السالفة تجري أحداثها بزمن صدام بوقت الحرب العراقية الأيرانية ،چان أكو شاب يروح لبيت خالتة ويبقى يمهم أيام، يعني قبل چان الوضع يختلف عن وضع هسة أنفتاح وهيج أمور بس ناس من أهل الله ،المهم خالتة چانت عدهة بنات وهو تعلگ گليبة ببنتهة الچبيرة وحبهة حب نضيف ضل ينمو من أيام الطفولة وكبرو وترعرع بمرور السنين ،البنية چانت هادئة ورقيقة بحيث تطب للگلب رأستاً ،البنية ماچانت ترفضة لو يتقدملهة لأن هي أصلاً ما خالة شخص أبالهة بس بنفس الوقت ماچانت تحبة يعني حاسبتة أبن خالتهة وبس،فهو أتخذ القرار وأتقدم لخطبتهة بس أبوهة رفض هذا الشي وسبب رفضة بوقتهة للشاب چان بسبب تطوعة للجيش ومن حقة يرفظ لأن يگلك هذا يومين ويروح يتأسر لو يموت وتضل بنتي أرملة ،يعني الرجال فكر بيهة للبعيد وصدگ الشاب اول ماتطوع أتأسر وأنقطعت أخبارة،فتقدم أبن عمتهة لخطبتهة بهذي الفترة،هم الولد چان شاب مايتجاوز العشرين سنة وهية بذاك الوقت چانت أصغر منة بثلاث سنوات ومثل ماگلتكم هي ماچانت عدهة مشاعر لأبن خالتهة فوافقت وتزوجت لأنهة فكرت تستقر وبس ،بقت سنة وي أبن عمتهة وحملت من عندة ببنية،فچان حيل يحبهة ومعاملتة وياهة كلش حلوة حتى من يطلع لمكان چان يجيبلهة حاجة بجيبة ويتذكرهة وچن شاءت الأقدار وصار عندة فشل كلوي بحيث توقفت كلاتة وتوفة بمدة وجيزة بحيث طفلتهة بالگماط .
ضلت وي عيالهة فترة من الزمن لحد ما صار عمر بتهة سنتين فرجعت عاشت وي أهلة لأن حكمهم چان حكم ،ناس هسة جوة التراب والموتى الهة حرمتهة فمانگدر نحچي عليهم بس المهم هي چانت مدللة أبيت أبوهة وحياتهم ماچانت تگدر تطيقهةوهنا تقدم لخطبتهة حماهة لأن گالوا بت أخونة ما تروح للغريب بس هية رفضتة وگالت آني ماأخذ زعطوط لأن حماهة چان أصغر منهة بهواي ،تحديداً المدة ماأعرفهة شگد الي بقت عند أهلهة بس المهم رجع أبن خالتهة من الأسر بعد سنوات ولگة أبوحبيبتة متوفي وهي متزوجة وصايرة أرملة وعدهة بنية، بس كل هالأمور ماأثرن بي وگال لو هية لو ماأريد آني أحبهة .
بتهة أخذوهة عيالهة وهي تزوجت أبن خالتهة الي يحبهة وياسبحان الله گاموا يحبون بعضهم حب ماموصوف ،صار عدهم ولد وبنات وكبروا ابنائهم وتزوجوا وبتهة الي أخذوهة عيالهة كبرت وتزوجت ورجعت لأمهة وماأنقطعت عنهة وهسة بعد مرور 30 سنة من زواجهم أي شخص يروحلهم يگول چنهم عصافير الحب بالضبط بعدة ذاك الحب والتقدير موجود وماتغير بل زاد عن قبل وأكثر .
صورة شبيهة للبنت صاحبة القصة بأيام شبابهة.
👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ضيفوا الكتاب للمكتبة علمود يوصلكم أشعار كل ماأنزل فقرة جديدة .
