ادم بصوت عالي: نيراااا سيبك من الكدب ده وقولي الحقيقه
نيره ببكاء لم تعد تستطيع التماسك: يعني انت عايز الحقيقه مش كده
ادم: بالضبط كدا
نيره بغضب وبكاء: الحقيقه يا حضره الظابط اني مش عايزه اشوف وشك تاني ومتعديش عليا ولا تحاول تشوفني تاني انت فاهم
ادم بصدمه: نيره ايه اللي حصل لده كله
نيره:مفيش حاجه حصلت وياريت تلتزم باللي قولته يا ادم ده لمصلحتك ولمصلحتي
ادم بشك: علي اتصل عليكي تاني يانيره مش كدا
نيره ببكاء شديد وصدمه: لا.. لا متصلشي انا اصلا عملاله بلوك
ادم وهو ادرك كذبها فهي لاتستطيع الكذب: متأكده
نيره:ايوا متأكده
ادم : ماشي يانيره يعني ده اخر كلام عندك
نيره بخوف من غضبه: ايوا اخر كلام
ادم: تمام متلوميش غير نفسك بعد كدا يا نيره
واغلق ادم الهاتف وذهب لمكتب معتز يعيد له هاتفه
ادم وهو يرمي الهاتف علي مكتب معتز: تلفونك اهو
معتز :ها ردت
ادم بتعب: اه ردت
معتز: وقالتلك ايه
ادم وهو يجلس علي الكرسي بضعف: قالت انها كانت نيمه بس انا عارف انها بتكدب ولما سألتها علي اتصل عليها ولا لا اتوترت شويه فأكيد الزفت علي ده اتصل بيها
معتز بصدمه: طب هو عرف منين وقالها ايه
ادم: مش عارف... مش عارف
معتز :طب اهدي كدا عشان نعرف نفكر
ادم وهو يضرب المكتب بيده بشده: مهي لو تصرحني وتقولي قالها ايه بضبط كنت عرفت هعمل ايه
معتز: طب هي مقلتلكشي اي حاجه يدل علي كدا
ادم بتذكر: هي كانت بتعيط وبعدين في نص الكلام قالت ده لمصلحتك ومصلحتي
معتز: يبقي هي مرغوبه انها تقولك كدا
ادم: يبقي اكييد علي اتصل بيها
معتز بهدوء: اكييد
ادم بغضب: والله لقتله الزفت ده
معتز : اهدي يا ادم بس بلاش تهور
في وقت غضب ادم من نيره كانت نيره....
نيره بعد انتهاء مكالمتها مع ادم
نيره ببكاء شديد ودموع: ااااااه انا اسفه انا اسفه ياادم مش هقدر اشوفك بتموت زي ما شوفت ايويا مش هقدر اكون سبب في موتك مش هقدر اتخيل انك مبقتشي موجود حتي لو انت بعيد عني يكفي انك موجود في الدنيا وممكن اشوفك مره صدفه ايوا انا كدا بتعذب وانت زعلان مني اكيد بس دا عشانك والله عشان ميقتلكشي زي ماقتل بابا م هقدر يا ادم انا اسفه سمحني
ونامت نيره من شده البكاء
ستووووب كدا ايه اللي حصل قبلها عشان متهوش
Flash back
شخص ما: اوبا دا البت اللي كانت خطيبه علي بيه... وامسك الهاتف ليرن علي الزفت علي اقصد علي بيه😂
علي وهو يرد بغضب: عاوز ايه يا زفت
الشخص بضحك: طب متسمع الخبر الاول وتبقي تحكم زفت ولا بفكر في مصلحتك
علي بتركيز: خبر! خبر ايه؟
الشخص: البت اللي انت قتلت ابوها وكنت خطبها ده
علي: اه مالها الزفته ده
الشخص:كنت معدي من قدام بيتها بالصدفه لقيتها نزله والظابط اللي كان جارها ده بيوصلها
علي بغضب شديد: اييييه انت بتقول ايه
الشخص: اه والله ياباشا
علي: انت متأكد
الشخص : ايوا ياباشا والله هي
علي بغضب: طب اقفل انت دلوقتي
الشخص: ماشي ياباشا
علي وهو يمسك الكأس الذي كان بجواره ويحدفه ليقع منكسر امام عيونه
علي بغضب: بنت ال****** والله لوريكي... انا تستغفليني انااااا ماشي.. ماشي يا نيره
وقام ليأخذ هاتفه ويرن علي....
نيره: الو... مين
علي بصوت عالي وغضب: كابوسك الاسود يا نيره
نيره بصدمه وخوف : ع... علي
علي بغضب: انا يا نيره انا تستغفليني اناااااا مش قولتلك متكلميش الظابط دا
نيره ببكاء: صدقني مقولتلوش حاجه
علي بصوت عالي مخيف: وانا لسه هستني لما تقوليله اعملي حسابك جثه حبيبك دا هتوصل لبيتك زي جثه ابوكي بالظبط
نيره بصوت عالي وبكاء وخوف: لااااا ارجوك ياعلي ابوس ايدك بلاش ادم ابوس ايدك يا علي بلاش اقتلني انا بس متقتلهوش ابوس ايدك
علي بغضب: انا حذرتك قبل كدا والمره ده هنفذ
نيره بخوف علي ادم: ارجوك يا علي بلاش ادم ارجوك
علي بخبث: امممم قدامك حل واحد بس ولو منفزتهوش اقسم بالله لكون قاتلك وقاتل حبيبك دا مفهوم
نيره بخوف: مفهوم مفهوم
علي بخبث: تبعدي عنه زي السنين اللي فاتت ومتحاوليش تقبليه تاني انتي سامعه
نيره بخوف وبكاء: حاضر حاضر
علي بغضب: وانا هفضل مراقبك يا حلوه متفكريش تستغفليني تاني
نيره بخوف: حاضر حاضر بس بلاش تأذي ادم عشان خاطري
علي: لو منفذتيش اللي بقوله هأذيه وهأذيكي اكتر منه... سلام يا.. يا حلوه
كانت نيره تبكي بشده وقررت ان تبعد عن ادم مثل السنين التي مضت
نعوووود للواقع
صباح: نيره نيره اصحي ياحبيبتي قومي
نيره وهي تفتح عيونها وتتذكر ما حدث وكيف غضب عليها ادم
نيره بحزن: معلشي يا ماما سيبيني انام
صباح بأستغراب: نيره انتي نايمه من الصبح قومي انتي تعبانه ولا ايه
نيره: يا ماما مش تعبانه والله
صباح بشك: انتي حد كلمك يا نيره
نيره بتردد: لا... اه.. اقصد يعني ادم كلمني وانا قولتله م؛ هروح الشغل
صباح بشك: ماشي لو عوزتي تكلي الاكل جوا في المطبخ
نيره: ماشي يا ماما
غادرت صباح الغرفه وقررت الاتصال بأدم
ادم: ازيك ياطنط عامله ايه
صباح: الحمدلله ياحبيبي انت فاضي اكلمك ولا وراك شغل
ادم: لا فاضي ياطنط خير حصل حاجه
صباح: بص يابني انا شكه ان علي كلم نيره لانها اتغيرت النهارده ولما دخلت اصحيها دلوقتي لقيتها معيطه هي بتقول انها كلمتك
ادم : ايوا هي كلمتني... طب ياطنط انتي سمعتيها بتكلمه مثلا
صباح: لا بس هي كانت كويسه امبارح وبعدها نزلت اشتري حاجات ورجعت لقتها متغيره ودخلت قوضتها وانهارده مخرجتشي من قوضتها برضه
ادم بغضب من علي : ماشي ياطنط انا عايزك ترقبيلي نيره وتقوليلي علي كل اللي بتعمله
صباح: انت ناوي علي ايه
ادم بغضب: ناوي علي كل شر لعلي
صباح بخوف: ادم عشان خطري متعرضتشي حياتك للخطر
ادم: متقلقيش رقبيلي نيره بس وانا هتصل بيكي بكره او بعده بالكتير انا كده كده مكلف ناس ترقبها بره بس انتي عليكي ترقبيها جوا البيت
صباح: ماشي يابني سلام
ادم: سلام
ادم بغضب بعد غلق الهاتف: ورحمه ابويا منا سيبك يا علي وانتي يانيره برضاكي او غصب عنك هعمل اللي في دماغي مش هصبر عليكي اكتر من كده
وبعد مرور اسبوع ادم يعد لشئ ما ونيره شارده في عملها بحزن وتذهب لدكتور وحالتها ترجع سئ كما قبل وعلي مستمر بمراقبه نيوصباح تحزن علي ابنتها وشيماء حزينه علي نيره التي كانت تتمناها زوجه ابن لها ولكن هل للقدر رأي اخر.......
ادم ببرود: ماما
شيماء وهي تجلس علي الريكه تشاهد فيلم: نعم
ادم: انا خطبت
شيماء بنتباه وعدم تصديق: ايه!
ادم: مسمعتيش ولا مش مصدقه
شيماء بصدمه: يعني اللي سمعته صح
ادم ببرود: اه
شيماء بغضب : امتي وازاي ومين ومقولتيش ليه
ادم: امتي فده انهارده وازاي ومين فأنا كنت قبلت صديقه ليا زمان وتقريبا نيره عرفاها المهم قعدت معاها وكنا بنتقابل وارتحنا لبعض فحددت معاها معاد وخطبتها انهارده بس هي يتيما عيلتها ماتو في حادثه اسمها داليا ياسر ومقولتيش ليه فالموضوع جه بسرعه وانا قولتلك اهو
شيماء بصدمه وغضب: وانا فين من كل ده مش المفروض تقولي وانا اسأل عن البنت ده واجي معاك اخطبهالك ولا انت اعتبرت امك ماتت ومليش لازمه
ادم وهو ينظر لها بحده: ماما قولتلك الموضوع جه فجأه وانا هحدد معاها معاد عشان نروحلها
شيماء : انت ازاي كدا
ادم بملل: ماما شوفي المعاد اللي ينسبك عشان نروح
شيماء بسخريه:لا فيك الخير انك تيجي تسأليني عن معاد ينسبني بصراحه مكنت تروحلها عادي لوحدك وتتجوزو وتخلفو وانا مليش علم برضه عادي
ادم بخبث: خلاص نروحلها واقنعها نعمل خطوبه وتعزمي صحابك وخلاص
شيماء بشك: انا نفسي اشوفك عريس وكل حاجه بس.. ونيره
ادم وهو يتصنع عدم الفهم: مالها نيره
شيماء : ادم متستعبطشي منين كنت تعبان ومش قادر تعيش من غيرها ومنين خطبت انا مش فهماك
ادم: ده نصيب وانا نصيبي مع داليا ونيره هتلاقي نصيبها دلوقتي او بعدين
شيماء بصدمه: انا مش فهماك... انت عايز تفهمني ان حبك لنيره كدا خلاص
ادم بغضب: مامااااا هي اللي خلتني اعمل كدا هي اللي كل لما اقرب منها تبعد هي اللي اختارت تتحمل مسئوليه اختيارها
شيماء بغضب: يعني ايه... يعني انت روحت تخطب عشان تعقبها
ادم وهو يمسك اعصابه: لا مش عشان كدا انا بس اكتشفت ان نيره مش نصيبي وزي مقولتلك ارتحت مع داليا وهي نصيبي
شيماء : انت بتضحك عليا ولا علي نفسك
ادم: ولا بضحك عليكي ولا علي نفسك قولتي بئا المعاد امتي عشان نروح لداليا
شيماء بصدمه واستغراب: بئا كدا طيب... اي زفت معاد ميهمنيش بس اعرف الخطوبه اللي هتعملها مش هعرف نيره بيها عشان متتعبشي ولا هعزمها مع ان انا شايفه ان انت اللي مريض مش هيا
ادم بحزن علي نيره استطاع اخفائه: احسن برضه متجيش مش عايز كئابه يوم خطوبتي ده هي بت كئيبه
شيماء بسخريه: ماشي يا.. يا فرفوشه عارف انت خساره في نيره هي تستاهل احسن منك
ادم ببرود: بكره هنروح لدليا الساعه7 عن اذنك عايزه اريح
شيماء : ماشي ماشي يا ادم مترجعشي تعيط وتقول يارتني
ادم: متخفيش انا عارف انا بعمل ايه كويس عن اذنك
وترك ادم شيماء وهي حزينه علي وضع ابنها وعلي نيره التي ستحزن بالتأكيد عند معرفتها هذا الخبر
......
جيهان بقلق: مالك ياحبيبي
معتز بإبتسامه: مفيش ياحبيبتي
جيهان: مفيش ازاي ده انت مكلتش حلو وزعلان من ساعتها وشكلك قلقان
معتز: شويه مشاكل في الشغل يا حبيبتي متشغليش بالك انتي عشان البيبي
جيهان وهي تتحس بطنها: البيبي زعلان عشان انت زعلان
معتز بإبتسامه ويتحسس مكان وجود ابنه: متزعلشي يا روح بابا كله تمام تعال انت بس بسلامه
جيهان بإبتسامه : انا فرحانه اوي يامعتز اني قدرت احققلك امنيتك واحمل في البيبي اللي نفسك فيه من زمان
معتز وهو يقبل جبينها : ربنا يفرحك كمان وكمان ياحبيبتي ويخليكو ليا انتي والبيبي
جيهان بحب: ويخليك لينا يا احلا زوج واحلا اب في الدنيا
معتز بعشق: تعرفي ياجيهان رغم كل المشاكل اللي بمر بيها بس انتي بتفرحيني وبتهوني عليا
جيهان بحب: ياحبيبي كل المشاكل ان شاء الله هتعدي متقلقشي
