ماضي لا ينتهي

الحلقة ٩٢

#ماضي_لا_ينتهي
#بوسي_مصطفى
_______________
الحلقة ٩٢

و فجأة يشاور الطرف الثاني لـ فراس ببتسامة و يصفق
على يديه.
سليم واقف مش فاهم حاجه.
نزل فراس و مسد على كتف سليم.
فراس ببتسامة : يلا بينا يا آدم.
سليم : مش فاهم!!
يلا بينا فين؟؟
مش لسه هنستلم البضاعة؟
فراس : لا مش هنستلم البضاعة هنا يلا بينا.
ركب سليم معاهم و هو مش فاهم حاجه وصلوا لـ المكان المطلوب و نزل فراس و معاه سليم استلموا البضاعة و بعدها رجعوا فيلا عدنان..

بعد شوية.. و سليم قاعد في الجنينه.
مرام : كانوا ناويين يخلصوا عليك لو كنت غدرت بيهم.
سليم : مش فاهم!!
مرام : انت فاهم إن فراس خلاص عطاك الأمان يبقى بتحلم
العملية دي كانت مجرد جس نبض يا سليم فراس مش بالغباء ده.
سليم : قبل كده كنت موجود معاه و هو بيستلم بضاعه يعني مش اول مرة علشان يختبرني!!
مرام : حتى المرة اللي قبل دي كانت مجرد جس نبض اسمع يا سليم انت كده و لا كده مش هتكمل في الشغل ده فالاحسن إنك توافق على العرض اللي عرضته عليك و اللي هو تحافظ على حياتك وتخرج من هنا بسلام و أنا هساعدك.
سليم : ازاي؟؟
مرام : مش قبل ما تقولي انك وافقت اني اساعدك.
سليم : اعتبريني وافقت.
مرام : مفيش حاجه اسمها اعتبرك وافقت ما هو لا كده لا كده.
سليم : اوك.. موافق يا مرام.
مرام : تمام تسمع كل اللي هقولهولك و تنفذه بالحرف الواحد و أي حركة نداله انت عارف ايه اللي ممكن يحصلك.
سليم : اوك.. سامعك.
_______________

في فيلا مازن...
ندى قاعدة مع ولادها بتحاول تقنعهم بفكرة الإقامة في اسكندرية.
يوسف : برضه مش فاهم احنا ليه نسيب بيتنا ده و نروح نعيش في مكان تاني منعرفش فيه حد؟
ندى : علشان دا المكان اللي بابي اتنقل ليه.
فريدة : مش بابي صاحب الشركة يا مامي ليه بقى يتنقل مكان تاني غير دا طب احنا مش عايزين نعيش هناك حاولي بقى تقنعيه.
ندى : اولا دي مش شركة بابي علشان جدو صاحب الشركة.
تاني حاجه بقى احنا مفروض نقعد مع بابي في المكان اللي هو يختاره مش العكس.
يوسف : تمام اوي جدو صاحب الشركة يعني بابي ممكن يحاول يقنعه او انا و فريدة نكلمه
احنا لو قولنا لجدو عايزين نعيش هنا و مش حابين ننتقل اسكندرية اكيد اكيد هيوافق.
فريدة : ايوه صح.. جدو بيحبنا و مستحيل يرفض لينا طلب.
ندى : و لو قولتلكم إن دا قرار جدو و مش هيرجع فيه و متتعبوش نفسكم وتتعبوني معاكم وافقوا بقى و الا نسيبكم ونسافر احنا.
يوسف : خلاص سافروا مفيش مشكلة احنا هنقعد هنا مع آنه
و عرفنا انها كمان مش موافقه
ايه رأيك يا فريدة هتقعدي هنا و لا هتسافري مع بابي و مامي؟
فريدة : لا هقعد هنا أنا مش مسافره لأ.
ندى نظرت لهم بحده : و بعدين بقى معاكم تعبتوني لما انتم صغيرين كده و مش عارفه امشي كلامي عليكم هتعملوا فيه ايه لما تكبروا؟!
يوسف : احنا مش صغيرين يا مامي صح يا فريدة؟
فريدة : ايوه احنا كبرنا خلاص مبقناش صغيرين.
ندى : انا قايمه انام علشان تعبت.
يوسف : تصبحي على خير يا مامي.
فريدة : تصبحي على خير يا مامي.
ندى بتنهيده : و أنتم من اهل الخير اتفضل يا استاذ يوسف قدامي.
يوسف : سلام يا فريدة اشوفك الصبح.
فريدة و هي بتغطي نفسها : اوك مع السلامة.
__________