💕أنت قلبي٢💕

الحلقة ٨٤

#انت_قلبي٢
#بوسي_مصطفى
______________
الحلقة ٨٤

في فيلا اسر..
بعد سماع صراخ منه تجري سهر ناحية الغرفة
و اسر كان جاي من بره يجري هو كمان..
سهر : اهدي بس يا منه و قوليلي ايه اللي حصل لكل دا؟
منه و هي منهارة و بتبكي : باعني خلاص يا سهر قالهالي بقلب جامد إنه موافق يخلص كل حاجه عند المأذون..
مفتكرش أي حاجه حلوة كانت بينا مفتكرش سنين عمري اللي عيشتها معاه و انا معتبراه كل حياتي بابا و اخويا وابني و جوزي كل حاجه يا سهر
كان لسه عندي امل و بكدب نفسي قولت يمكن حن ليه
ايوه ما هو ابن أصول و مستحيل يبيع العشرة بس باعها خلاص يا سهر دا شاف دموعي مصعبتش عليه
مكتفاش بكده لأ جاب سكينه كمان و ضربها في قلبي..
اسر واقف عند باب الغرفة مدمع و حزين على الحالة اللي فيها منه.
منه ببكاء شديد : شوفت يا اسر إياد عمل فيه ايه؟
مش قولتلي طالما كلمك يبقى لسه بيفكر هو فعلا كان بيفكر بس بيفكر ازاي يجيبهالي بـ اسلوب شيك كده علشان ميوجعنيش بس انا اتوجعت اوي
ياريتني ما روحت.. آآآآآآه.
احتضنها اسر و هو بيحاول يهديها.
اسر : كوباية مياة يا سهر.
قامت سهر تجيب كوباية مياة.
ملك : هو فيه ايه يا مامي؟!
سهر و هي بتمسح دموعها : عمتو تعبانه شوية.
ملك : هي زعلانه علشان خالو إياد مش عايز يرجعلها؟
سهر : ملك يا حبيبتي بلاش نتكلم في الموضوع ده.
ملك : هو ليه يا مامي قاسي عليها كده هو مبيحبهاش؟
سكتت سهر و ملقتش رد.
ملك : اصل اللي بيحب حد بيخاف يزعله و لو زعلان بيصالحه.
سهر : ادخلي اوضتك يا حبيبتي
اخواتك لسه مجوش من بره؟
ملك : لأ لسه.
_____________

في شقة سيف...
حمزة : يومي كله بقضيه في الشغل بروح بقى مش شايف قدامي و يوم ورا يوم الايام بتعدي.
سيف : ابقى خلي بالك من نفسك يا حمزة.
حمزة : سيف انت عندك مشوار مهم واضح من بصتك كل شوية في الساعة.
سيف بـ ارتباك :  احنا قعدين مع بعض هروح فين يعني؟
كان عُمر بيتصل يطمن على نادين و لو سيف مش جاي يجي هو علشان ياخد نادين.
سيف قام علشان يتكلم بعيد شوية عن حمزة.
وبعدها رجع لـ حمزة.
حمزة : طيب استأذن انا بقى.
سيف : ما انت قاعد يا حمزة وراك ايه و لا لسه مجهزتش شنطتك؟
حمزة : لسه.. الشنط دي بتتقفل قبل ما انزل من البيت
على طول اصل ولاد صحابي طالبين مني اجيبلهم شوية حاجات كده و دي هتتحط في التلاجه
و هخرجها قبل ما انزل على طول.
سيف : اوعي يكون فسيخ؟
حمزة : هههههههههههه
لا مش فسيخ متقلقش.
سيف : علشان متتقفش بيه هناك.
حمزة : يا ابني رغم ريحته بس بموت فيه.
سيف : هههههههههههه
أنا بقى استحاله بعد ما اتجوزت هدخله بيتي.
حمزة : لا انت معاك عذرك
ههههههههههههه
دي فيها حالة إغماء على طول و انت مش ناقص.
سيف : هههههههههههه
انت فاهمني اهو..
حمزة : اشوف وشك بخير.
سيف : هتوحشني خلي بالك من نفسك.
حمزة : ابقى طمني عليك دايماً و متقفلش تليفونك عايز
وقت ما احب اكلمك الاقي تليفونك شغال.
سيف : حاضر يا حبيبي توصل بالسلامة.
حمزة : سلام عليكم.
سيف : و عليكم السلام.
وصل سيف حمزة لعند باب الشقة و رجع تاني كانت نادين خارجه من جوه.
سيف : اقعدي يا نادين.
نادين : معلش اصل بابا عمال يتصل و قالي لو خالك مش جاي انا هاجي اخدك.
سيف : طيب ثواني اغير هدومي.
نادين : اوك.
مليكة : اقعدي يا نادين.
نادين و هي مرتبكه و قلقانه : حاضر.
___________