الصندوق الاسود

الحلقه 1🔥

#الصندوق الاسود ١🔥

#الكاتبه سومه الزاويي 🔥

_  _ _ _ _ _ _ _ _ _ _ _ _ _ _ _ _ _ _ _
البدايه مع  يوم جديد🌤️
في حفله في حوش أيلول )

الكل:يضحكو ويهدرزو مع بعض ومتجمعين ع طاوله كبيره فيها اي نوع تشتهي من الاكل الضحك والهدرزه  والاضوويه وكل وحده تهدرز مع تانيه....!!
كانت أيلول وياسمين وميس يهدرزو مع بعض
ميس:شن المناسبه ي أنسه أيلول❤️
ياسمين:شن مناسبة اللمه الحلوه هادي ❤️
أيلول بثقه:مش مهم  ح تعرفو بس مش اليوم   !😊
ميس وياسمين :اممم😒
أيلول بأستفزاز: خيركم بنات في شيء؟😏
ياسمين:لا والله
ميس : حطت ايديها ع بطنها اخخخ بطني راح نخش الحمام ونجي أسفه ....!
أيلول:تلفتلها وشفت باستغراب...؟؟
ياسمين:خيرها ميس..شفتي كيف خشت بسرعه للحمام غريبه بصراحه..؟؟
أيلول :اءءءءءءء...اي اي شفتها زعما حامل معتقدش تكوون حامل...!
ياسمين: مش عارفه لكن واضح انها حامل مع انها كيف تزوجت مليهاش اسبوعين صح ولاه...؟

أيلول بخبث: ايي و الله كلامك رسمي بسرعه هادي حملت بديت نشك  فيها😈؟؟
ياسمين بلعت رقيها بخوف:انهار اسود زعما لي في بالك وبالي صح ..!؟
أيلول:يلا مدخلناا بيه ... خلي الخلق للخالق...
ياسمين :شربت رشفة من العصير وبدت الافكار دور في رأسه وشكوك....!
_ _ _ _ _ _ _ _ _ _ _ _ _ _ _ _ _ _ _ _
عند ميس  في الحمام :.
تسفرغ في الحمام وحطها ايديها ع بطنها من الوجع ..... اخخ ياربي شن صايرلي!

طق طق
أيلول:ميس حبيبتي خيرك عطلتي صايرتلك حاجه؟؟
ميس:بتعب وعيط ... مافياش شي أيلول  تعبانه شويه نغسل وجهي ونجيك...!
أيلول: استغربت من صوته وجاها فضول تعرف خيرها   وشن صاير معاها ... تمام  خوادي راحتك بس لو تبي شي قوليلي .. اوكي
ميس:رفعت شعرها بقلت صبر .. هفف ياربي صبرني😤
أيلول:مششت  وفاتتها وهي في أسئلة وشكوك في رأسه ...؟؟

_ _ _ _ _ _ _ _ _ _ _ _ _ _ _ _ _ _ _
بعد مرور ساعات 🍃
روحو المعازيم كلهم ما قعدا خد غير ياسمين وميس...!

أيلول:ميس حبيبتي شن فيك ليش عطلتي

ميس:اااااءءءء ... غير بس بطني وجعتني كترت في الأكل هلبا 😂 ..!!
أيلول بعدم تصديق:اممم اي يلا سلامتك حبيبتي ❤️..!
طق طق
حاتم:اهلا أيلول ممكن تنديي ياسمين وميس
أيلول:تمام تفضلل ادخلل
حاتم :اهلا ميس كيف حالك
ميس:تمام الحمدالله
حاتم:يلا ياسمين هي بنروحو شكرا دكتورة أيلول عبد العزيز على هذه اللفته الجميلة...
أيلول: ولو هاد واجبي..❤️
حاتم:اووو حيدر كيف حالك
حيدر:تمام والله
حاتم:كويس شن رايك تجو عندن  نشربوا قهوه ومنها نهدرزو معاكم في موضوع
أيلول: اااااءءءء... واني راح نجي قطعها حاتم
حاتم:نحنا اسفين على الازعاج بجد تعبناك معانا توا تأخر الوقت اصلا...هي خلونا نتوكلوا احني...!
أيلول: وجها ولا أشكال الوان:اااااء ... اوكي ي حبايبي تصبحو ع خير و زورن مره تانيه نحنا جيران عاد ههههه.....!