💕أنت قلبي٢💕

الحلقة ٨٥

#انت_قلبي٢
#بوسي_مصطفى
_______________
الحلقة ٨٥

في المساء.. في فيلا آسر.
جاي من بره بيركن العربية في الجنينه يلمح عربية وليد راكنه.
يدخل جوه و ببتسامة يسلم عليه كانت سهر و معاها علي
و مجدي قاعدين مع عمهم قامت سهر دخلت المطبخ تعمل حاجه ليهم يشربوها.

وليد : اتكلمت مع منه؟
آسر : اتكلم معاها اقولها ايه؟
و بعدين ما انت شايفني اهو لسه داخل البيت!
مجدي : بعد اذنك يا بابي بعد اذنك يا عمي تعالي يا علي عايزك في موضوع مهم.
علي : اوك بعد اذنكم.

آسر : أنا جاي و في دماغي اكلمها و افهم منها ايه الموضوع بالظبط بس الحوار كده شكله كبير.
وليد : هي بس اتخانقت مع ماما.
آسر : ايوه وبعدين؟
وليد : بس كده انا جاي بقى علشان اصالحها.
آسر : اهي عندك فوق اطلعلها.
وليد : اطلعلها ازاي يعني؟
ابعتلها حد من الولاد يقولها تنزل تكلمني.
آسر : و لو مارضيتش؟
وليد : خلاص هروح هعمل ايه يعني؟
_________

في شقة إياد على السفرة.
إياد : مبتاكليش ليه يا سهر؟
سهر : الحمد لله
يا بابي شبعت.
إياد : ايه يا عمار مالك؟
عمار : مفيش.
إياد : عملت ايه النهاردة؟
عمار : في ايه يا بابي؟
عمار : في المشوار اللي كنت رايحله يا ابني مش كان عندك انترفيو النهاردة؟
عمار : اه قدمت السي في بتاعي وسألوني كام سؤال كده
و قالوا هيتصلوا يعني لو قبلت و كده.
إياد : طيب كويس و انتِ يا سهر هتبدأي دروسك امتى
يا حبيبتي؟
انتِ ثانويه عامة و لازم تركزي علشان تجيبي مجموع كويس.
سهر : في الوضع ده يا بابي؟
إياد : مش فاهم؟!
سهر : مامي وحشتني اوي ومتقوليش اروح اقعد معاها
شوية و ارجع علشان انا زهقت من الوضع دا
انا عايزة مامي معانا هنا
حضرتك ليه قررت فجأة كده تنفصلوا طب مش تاخدوا
رأينا الأول؟!
إياد : حبيبتي في حاجات مش هتفهميها دلوقت بس بعدين هتعرفي إن دي طاقتي و مقدرش اتحمل أكتر من كده.
عمار : بس احنا فعلاً يا بابي محتاجين مامي جدا مش مامي بس احنا محتاجين نرجع أسرة مستقرة زي زمان احنا تعبانين اوي و مش قادرين نمارس حياتنا بشكل طبيعي.
إياد : أنا داخل انام تصبحو على خير ابقى ساعد اختك
و شيل الأطباق.
نظر عمار لـ سهر : الظاهر مفيش فايدة.
سهر : انا قررت اعمل اضراب عن الطعام كوسيلة ضغط.
عمار ببتسامة : انتِ فاكره نفسك في المعتقل و لا ايه؟!
و لما يحصلك حاجه بقى احنا هنستفيد ايه؟!
سهر : لا يمكن يعرفوا إننا تعبنا.
عمار : يعني بابي مش عايش معانا و عارف كل دا بطلي التفكير بتاعك ده قال تعملي إضراب عن الطعام قال!!
قومي يلا خلينا نروق المكان علشان ننام.
_____________

في فيلا آسر...
منه : ايه يا بشمهندس مستغرب ليه هو حضرتك فاهم
إن إياد مش هيقدر ياخد بتاره؟!
وليد : بس تاره مش معاكي يا منه و لا مع ولاده!!
منه : ما هو دا كان نتيجة اللي عملته ماما ياريت تبقى فرحانه و مبسوطه دلوقت.
وليد : ماما تعبانه اوي يا منه.
منه : تعبانه من ايه؟!
خليها تروح لجوزها و هي هتخف.
وليد : الظاهر الواد دا نصب عليها و خلع.
منه : طب كويس.
وليد : فرحانه في مامتك؟!
منه : لأ بس مش فارقه يخلع و لا ميخلعش الموضوع ميخصنيش اصلا و بعدين مالك مستغرب رد فعلي كده؟!
هي مش ماما فرحت برضه لما إياد طلقني و كانت هي السبب كمان.
وليد : انا خايف يحصلها حاجه هي متكلمتش معايا و راجعه ساكته خالص بكلمها مردتش و طلعت اوضتها و طبعاً راجعه بشنطة هدومها ففهمت إنه اما مرضيش يدخلها عنده أو حصلت مشكلة ما بينا و سابته و جات.
منه : ايه المطلوب مني دلوقت مش فاهمه؟!
وليد : انا بس جاي اصالحك و اقولك متزعليش
منه : ازعل و لا مزعلش يا وليد هتفرق معاكم في ايه؟!
______________