🎍الحلقـــــ29ــة "القسـ2ــم " 🎍
💚✴💚
حاسة بهمومها الكل عالقة في جفونها ، تالمون رزان مانجمت تحلهم كان بالسيف ، حلتهم دوبلاش وعاودت سكرتهم وقت جهرها الضو ...تقول جات من عالم ظلام ...شوية شوية بدات توعى بايلي صار ...التصويرة الوحيدة ايلي تعاودت ترسمت قدامها هي منظر اركان وهو يرمي روحو من فوق القنطرة ...حست بسكينة ماضية تحل قلبها شطرين ...خزرت لاجنابها وين شافت السيروم المعلق ...بارشا زنزانة في راسها لزمت عليها تكبس بيدها عليه ...قامت من بلاصتها بعد ماسلت الخيوط المركبة في ذراعها وخرجت تجري في الكلوار ...ساعة ساعة تترهوج تضطر تتكى شوية ع الحيوط ترجع نفسها وقوتها وبعد تكمل ..قابلتها في الكلوار نزهة جايتها تزرب ،سندتها باش مااطيحش ولامتها بنبرة قاسية" علاش تعمل هكا فيا يا بنيتي منين نشدها توا . .ع الاقل قعدت لين رتاح بدنك كيف مالازم "
سألتها"سيلين ...ويني !؟ "
طمنتها " لاباس عليها خيطولها جرح جبينها وخليتها مع الطبيبة النفسية "
رعشت شفايفها " و ...و ...أركان "
تنهدت نزهة " مازالت عمليتو "
رمشت متوترة " هي ...شنوة قالو ...فمة امل يقعد عايش"
هبطت نزهة راسها وبدلت الموضوع " ارجع تمد شوية يعيش بنتي وبعد تو نمشاو انا وانت نطلو على سيلا "
فمة كلام تحت لسان امها وظاهر انها تعرف حاجة ومخبيتها عليها وها الحاجة تخص حياة اركان ،بلعت ريقها تعدي في غصتها ومن بعد تحاملت على ضعفها وجرات على طول الكلوار ...خلطت عليها نزهة وهي تحاول تخليها ترجع لبلاصتها " تولين اعمل عقلك ...وين ماشية "
اول ما وصلت للصال داتونت وين واقف عبد الجليل ومكتف يدو يستنى ،مسحت وجها بكفها وجاهدت تظهر مرا قوية ...ماتحبوش يشوف مرت اركان ضعيفة ماتقاومش المصايب ...تلفتلها بكلو وقت شلق بحثلة ساقيها ،دق قلبو بخوف عليها وهو يشوف في وجها شاحب ليمونة " علاه قمت من سريرك ؟! "
تجاهلت سؤالو " اركان ...شنوة احوالو "
هبط راسو "مازال تحت ااعملية "
زمت شفايفها بحزم " شنوة قالو الطبة ...فمة امل !؟ "
شاور براسو ايه وقرر يسكت ،خزرت لنزهة لقاتها تداري في وجها عليها ومالقات حتى سبة تتسبب بيها باش تهرب من خزرة عين تولين غير سبة سيلين "نمشي نتفقد سيلا ..."
شاورت لعبد الجليل بحواجبها وزربت خارجة
لعقت تولين شفايفها وبعدت شعرها الهابط على عينيها " شنوة مخبين عليا ؟! "اعترفت موجوعة " عندي مايكفيني اسرار في حياتي ..."
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
