🎍الحلقــ29ــة "القســــ3ـم " 🎍
💚✴💚
الحرب ايلي بينها وبينو ...موش عارفة من وقتاش كساحت وتسدت المنافذ بيناتهم...شكون قال ...اول راجل يخلي قلبها يدق يكون هو جروحها و خيبتها ...ياريت حكاياتنا توفى كيف ما بدات ...ياريت بعد نهاياتها ماتقعدش ندوب لا انجمو نغطوها ولا ننسوها ...في ها الحرب كانت تلعب بيها الارياح وموش عارفة ترصي على بر ...لكن ها المرة وفي وسط هاك العاصفة نجمت تختار صف تاقف فيه ...صف اركان ...ايلي من لحظة كان يقلها هو ايلي خطف بنتها ...وهي حتى ذرة شك ماشكتش ...ممكن ماتعرفهوش كيف ما يلزم ...لكن اركان ...كان سندها من غير ماتشلق...خرجو كلماتها من بين سنونها مليانين تحدي " كل حد في ها الدنيا ياخو ايلي يستحقو ...واركان ...رجعلي بنتي ....تنجم تقلي انت يالي خايف على قدرك يطيح شنوة عملت ؟!! "
كان ظاهر انها معاد تكنلو حتى مشاعر ...معادش تشوف الدنيا بيه ...ظاهر انها بعدت عليه مسافات وباش يرجعها لازمو صبر طويل ...سؤال واحد خوفو لكن تحبر يغامر ويسألو .
"تحبو !؟ "
سؤال كان ملخص لكن بالنسبة ليه مصيري ومهم لدرجة انو روحو معاه يا تتعلق في الهواء وتبقى محكومة بالقيود يا تجنح و تطير عالي تجوب السماء ...استناها تجاوب ...تعطي حكمها ...كيف المسجون يستنى في قاضيه ...ظللت عيونها الدامعة بجفونها و ضمت شفايفها لبعضهم ...فركت صوابعها بعصب ...بتوتر ...بضياع ...كان ضروري يعاود يسألها ،يشد صحيح باش يسمع جوابها " سألتك ...جاوبني "
بللت شفايفها وخزرتلو ...طول في عينيه ...دقات قلبها ...كيف حبات المطر ...يقطرو ...القطرة والقطرة ...نجمت تسمع صوتهم ...وتحفظ ايقاعهم بين ضلوعها ...كيفاش تفهمو ...كيفاش تفسرلو ...كيفاش توضحلو ...حقيقة مشاعرها ...؟!...
نفخ بقلة صبر ...طاقة التحمل متاعو وفات ...ومعادش عندو القدرة يزيد يستناها " سؤالي ماهوش صعيب ...انت ...تحبو ..."
وقف قدامها ...مقابلها طول ...بيناتهم خطوة والا اقل ...لعل قربو وانفاسو يفكروها في ماضيهم ...مال ناحيتها وخلى عينيه تعوم في بحر عينيها ...تلمس اكتافها بكفوفو ايلي حط فيهم كل حنيتو ومحبتو " تولين ...انا لحد ها اللحظة نعشقك...حتى اكثر من قبل ...انت عايلتي ...وسيلين فرحتنا ...انت متاعي ...حد ماعندو الحق فيك...انت ليا ...من قبل موش من تو ..." خلى صوابعو تطلع لرقبتها وتتحسسها ، رعش بدنها بكلو معاه وكاينو تفكر لمساتو عليه " انا وانت ...عرفنا الحب مع بعضنا ...اكتشفناه وعشناه وتعلمناه مع بعضنا ...كنت مني وكنت ليك ...نفس في نفس ...روح ساكنة روح ...شطر يكمل شطر ...كنت حياتي وفرحتي والعالم ايلي نهربلو و نتخبى فيه ...انت يا تولين موش مجرد مرا مرا في حياتي ...انت ..."
"نحبوو 💚"
من غير مقدمات ولا حتى استناتو يكمل ، موش مستوعب ايلي قالتو ...استخايل للحظة انو سمع بالغالط والا يتخيل ...وهي فهمتو هاكي علاه أكدتلو " ايه...انا ...نحب اركان "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Conto★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
