رواية........ لبوة ثائر
"البارت الرابع"
مو قصدي اذكرك بالجرح
وابدي العتب مو قصدي ..
بس انت تدري من اختنك
غير الدمع ما عندي !
مو قصدي ارد اقره الرسايل وافتح سنين القهر
ومو قصدي اتذكر ضحكتك ويَ روجات النهر
من طيفك اشرد للسهر ..
والگاك تالي انت السهر!
وهالليلة طفيت الضوة ، وبينت لمعة بخدي
وانخاك من ليل الجفى
لا شتا يكزبر جلدي ..
علمني ما احن ..
لو شفت ورد الربيع بلونك
مو قصدي امون اعله الزعل
وارجع واگول شلونك
والمشكلة بروحي زعل ..
وحالف عتب ما اودي
وصياد ياليل الشتا :
وما أعرف اطير لوحدي
جابت عبايه خلتها على راسي و طلعت ركبت سيارة اني و الحجيه و رجال يمكن واحد من اخوتها وصلنا اخدتها من ايد الحجيه و ركضت بيها للطورائ اجتي دكتورة باوعت عليها كالت بسرعة اخدوها للخدج الطفله ضعيفه كلش اخدنها وكعدنا على كراسي كعدت الحجيه يمي
حسام ـ يمه محتاجين شيء اروح اجيبها
ام حسام ـ لا يمه اذا تريد ارجع انته انشوف شوكت تصير زينه نخابر عليك تجي تاخدنه
كتلها ـ حجيه اذا تردين ارجعي ترا وضعها مو كلش يمكن تبقى شيء اسبوع هنا
ام حسام ـ لا حبيبه شلون اعوفج هنا وحدج
دك موبايل رجال ابتعد شوية رد و رجع يمنه ركض
كال ـ يمه ريحانه راح يجيبوها لهنا
ام حسام ـ سوده عليه ليش يمه
حسام ـ مادري خابرلي ثائر كال بيه مستشفى انتم راح اجيب ريحانه
كعدت الحجيه على كرسي و تضرب بيدها على رجليها
تكول ـ كله مني اني مخليتهم يجيبوها للمستشفى حتموت بنتي حتروح من اديه
لبوه ـ فدوه حجيه مو هيج ان شاءالله مابيها شيء
حسام ـ يمه كافي رحمه لبوج منه الناس
تبجي وتكول ـ ماعدها حظ هل بنيه يا بعد امج انتي
حسام ـ يمه اسكتي ترا ارجعج للبيت
صارت تبجي بدون حجي وصوت بقيت لازمه ايدها
شويه دك موبايل هذاك رجال رد و رجع
كال ـ يمه امشي خل اخذكم يمها
ام حسام ـ وينها
حسام ـ بطابق ثاني يله امشي
مسكت ايدها و هيا سندت نفسها عليه صعدنا للطابق ثاني شفت العسكري جان واكف يم الباب لابس دشداشه سوداء و لاف على راسه غتره سوداء وبيها نقش بلون بني وصلنا يمه من شافني نزل راسه
حسام ـ ها ثائر وينهم
اشر على غرفة كال ـ هناك
مشيت الحجيه ودخلت على غرفة جان اكو ولد كاعد يمها و امي كاعده على كرسي اول مشافت الحجيه كامت هيه وكعدنه الحجيه خطيه تعبت من مشي
سمعت ولد يكول ـ انه حطلع لا تعبين روحج اي
هيه تهز راسها و تبجي مسح دموعها بيده و باس عيونها كللها ـ كافي يمه فدوه اروحلج
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
