⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 34 ||
حست وقت يديه تحطو على يدها .. طلعت راسها تخزر فيه .. نظرتها تفسر بزاااف عفايس .. نظرتها هاديك لي خلاتو يدخل فدوامة .. لي خلاتو يشك و ميصدقش لحكاية .. نظرتها نظرة مكسورة .. نظرة مظلوم ..
هزلها براسو بلعقل كأنو قاعد يهدي فيها .. ماشي عارف علاش قاعد يعمل معاها هاكا .. اما كل لي عارفو انو هو تحت سيطرة قلبو حاليا ..
تقدمو فيزوج و يديهم فيدين بعض .. رؤيا قاعدة تخزر فيهم و تتوعد فلينة .. لثانية تبسمت بشر و رجعت محات تبسيمتها وقت لي هدر باباها .. ( يااادرا علاش واش ناوية .. وارثة الشر من عند باباها سبحان الله ) ..
عزيز : درت كامل الاجراءات حتا الدفتر العايدئلي و جبتو بقا توقيعكم برك ..
رفد عماد الدين ستيلو .. و وقع بسرعة ..
اما لينة .. تقدمت بلعقل .. خايفة .. اما المرة هادي خوفها مكانش من عزيز .. خوفها كان من عماد الدين و على عماد الدين ..
رفدت ستيلو .. نفسها متسارع .. يدها يرجفو .. حس عليها عماد الدين .. زير يدو على يدها .. فكل مرة تخاف يثبت وجودو معاها .. ( اه يا ربي راجل كيما هادا ليا و لكل وحدة راهي تقرا كرونيكاتي و خاااصة اوبالات ) ..
حست عليه .. بين هاداك الضغط كامل ترسمت تبسيمة صغيرة على شفافها .. ووقعت ..
وقت شاف تبسيمتها .. فرح لدرجة انو فرحتو بانت من عينيه ..
بعد ما وقعو عزيز رفد العقد و داه .. و هوما قعدو كيفكيف فصالون ..
رؤيا نظرتها متركزة معا لينة و حركاتها .. غايرة منها .. عماد الدين قاعد قدام جدو يهدرو فأمور لقرايا و الخدمة .. اما وردة قاعدة تقصر معا نورا ..
اما لينة .. عينها مركزين معا الجد حكيم .. و مرة على مرة تبقا تخزر فعماد الدين و حركاتو بلا متحس ..
بعدها وقف عماد الدين طالع لدارو .. لينة محستش عليه تالمون كانت تعس فحكيم ..
مشا شوية .. محسش عليها موراه .. وقف فبلاصتو و دار ليها .. خزر فيها يحاول يفسر نظراتها اما مقدرش .. عيطلها بلعقل ..
عماد الدين : لينة ..
اما مرجعتلوش .. قعدت فنفس وضعيتها ..لدرجة الجد ستغرب من نظرتها ليه ..
رجع عماد الدين عيطلها اما هاد المرة على صوتو اكثر ..
عماد الدين : لينة ..
قفزت فبلاصتها و فاقت على روحها .. وقفت بسرعة ..
لينة : انعم ..
عماد الدين : اطلعي معايا نسحقك ..
طلع هو و طلعت هيا موراه .. وصلو لدارهم دخلو .. وقفت مقابلاتو تسنا فيه يهدر .. دار خزر فيها ..عينيها يهبلوه .. نظرتها تقتلو ..
صرااع كبيير بينو و بين قلبوو .. ماشي حاب يعترف فلي قاعد يحس فيه .. اما لينة .. عينيها كانو فاضحينها .. تشوف فيه كلش .. امانها الوحيد هو .. والديها و سمحو فيها و هو ميعرفهاش و قاعد يحمي فيها ..
فيقو من سرحتو صوتها لحنين ينادي باسمو ..
لينة : عماد الدين ..
هدر بلعقل بينو و بين روحو و بلا ميحس ..
عماد الدين : عيمادوش افضل ....
〰️〰️〰️〰️〰️〰️〰️〰️〰️〰️
اوبالاتي 🔥
بدااا الحب يا خووويا يا خويا .. بصح نضمنلكم بلي رؤيا دك تخرجلهم بخرجة عيانة .. واش توقعاتكم لخطتها .. و لينوش راح تنجح فمهمتها ولا يصرا مشكل .. خلولي توقعاتكم طوااال عرااااض ..
و جمجمووو الحلقاات كااامل كبيداتي
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
