⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 36 ||
دخلت تمشي على اطراف رجلها .. تحاول متعمل حتا حس ..
قاعدة تتفقد الدار بلعقل تحوس على ضحيتها .. اما ملقاتهاش .. وصلت لغرفة عماد الدين ..
دخلت بلعقل .. سمعت صوت المرش .. عرفت انها راهي دوش .. تبسمت بخبث .. دخلت فوقتها و سهالت عليها المهمة ..
تقدمت للباب تاع دوش .. عارفة انها راح تلقاه مغلوق .. اما راح تحاول ..
رمات يدها للباب تفتحو و هي متأكدة انو مغلوق .. و اووووب تفتح .. تفتحو عينها معاه مالفرحة .. قريب ولات تعيط ..
اما تمتم عدلت روحها .. دارت شقة صغيرة فالباب .. هزت تيليفونها .. دخلت للكاميرا .. و دخلت تيليفونها مشقة هاديك .. خذات شحال من صورة باش تتأكد انها صورتها مليح ..
خرجت تيليفونها .. و رجعت غلقت باب الدوش و خرجت بسرعة مالدار .. حبطت تجري و دخلت لغرفتها ..
رفدت تيليفون و عيطت لوحدة من معارفها ..
رؤيا : الو نهى .. وشراكي حبيبتي ..
نهى : سافا حمدلله و نتي ..
رؤيا : حمدلله .. نهى محتاجتك فعفسة .. و نظن انك عارفة العفسات ديالي واش يجي من وراهم .. ( تقصد دراهم ) ..
نهى : اكيد عارفة .. اتفضلي فهميني و راح نقوم بالواجب اذا قمتي نتي تان بالواجب ..
ضحكت رؤيا معا نهى من فوق القلب .. عارفة انو هاد الطفلة همها غير دراهم و برك ..
رؤيا : راح نبعتلك صور تاع وحدة دك .. و محتاجتك تحطيهالي معا راجل لدوش و تغيري كلش .. يعني بالمختصر ادي جسدها برك مالصورة و اعملي فيه لي قتلك ..
نهى : هههه ساهلة .. منا الغدوة يكونو عندك .. نبعتهملك فالايمايل ولا معا البريد ..
رؤيا : لالا نحتاجهم فايمايل .. و راح نبعتلك نص المبلغ لعنوان داركم دك .. و كي يوصلني واش حابة نزيدلك النص الثاني ..
نهى : اوكي متفاهمين .. ايا سلام ..
رؤيا : سلام ..
و قصت لابال .. حطت تيليفون فوق طابلة قدامها .. طلعت فوق بونكها و رجعت تسوطي مالفرحة .. و هدرت بكل شر ..
رؤيا : راح نتهنا منك للابد ياا روحي ..
خرجت لينوش مالدوش .. لافة الفوطة على لحمها .. شعرها مسبسب .. لحمها لبيض .. عينيها لي يهبلووو .. شفايفها لموردين ..
لينة : يا يما راني عيااانة و حابة نرقد ..
تقدمت لسرير و قعدت و حطت راسها على لمخدة تنحي تعب و بعدها تنوض تلبس ..
بلا متحس داتها عينها و رقدت هكاك .. عدااو سوايع و هي راقدة ..
تفتح باب .. دخل لدارو بلعقل .. عارف انو راح يلقاها راقدة ..
حط مفاتحو بكل هدوء .. و راح لبيتو يتفقدها .. غير فتح لباب .. عمل صوت صغير .. هاداك الصوت كان كفيل باش يفيقها من نومها ..
شهقت و وقفت تجري تحت نظراتو ليها .. شعرها داخل فبعضاه .. عينها مزالهم مغمضين مالنوم .. فوطو قصيرة محاوطة جسمها ..
منظر هادا خلاه يتخدر .. كل المقاومات لي كان يعملهم راحو فهاديك دقيقة ..
قدم ليها بلعقل .. عينيها مركزين فعينها ..
معا كل خطوة يعملها دقات قلبها تزيد تتسارع اكثر ..
وصل عندها .. قاعد يخزر فيها .. نظرتو فيها لهفة كبيرة .. معادش قادر يشد روحو عليها .. اما هي كانت خايفة معملت ولا حركة تراقب فيه بعينها برك ..
حبط راسوو بلعقل لرقبتها .. وقت قاس لحمها شفافو .. غمض عينو . طبع بوسة حنينة على رقبها ..
جسمها كلوو رعش .....
〰️〰️〰️〰️〰️〰️〰️〰️〰️〰️
اوبالاتي 🔥
خربشتلكم المشاعر علابالي 😂 مي نتوما لي قلتولي ديريلنا شوية رومنسية راني درتلكم شوية ههههه مي مكلاه تنساااو واش دارت رؤيا الكارثة الكبرى .. خلولي تشووو توقعاتكم طوااال عراض ..
نروح نشرب قهوتي و دوايا و نولي نكتبلكم كيما وعدتكم نكملهالكم قبل متدخلو تقراو غدوة يا لوكان نسهر معاكم لزوج تاع ليل و باذن الله راح نكون عند وعدي ..
و خلووو كاااامل كومنتار هنااا فالرد باش كي نعاود نولي و نحط نجمجملكم 🥺🥺 و عميراتي حابة كل وحدة فيكم تقرا تحط ستاتي على لكرو تقوللهم بلي راني نكمل فالكرونيك و رحعت باش يلحق كامل لقروب ايا طلعولي شوية المورال
#ليلوشة
أنت تقرأ
⚜️ الأسيرة و المتدين ⚜️
حركة (أكشن)⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
