⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 40 ||
لينة : الو ..
المجهول : واش صرا ..
لينة : نظن شفت بعينك ..
المجهول : مرانيش مهبول نحط كميراتي فدار زوج متزوجين ..
وقت لي قاللها هاكا ارتاحت يعني مشافش كي ضربها .. حشمت .. رجعت هدرت ..
لينة : ماشي عارفة كان يعيط فتيليفون ..
المجهول : من الافضل تقولي الحقيقة .. سمعت صوت الكف ..
غرغرو عينها بدموع .. كل ما تتفكر بلي ضربها و هي بريئة قلبها يتقطع ..
لينة : ضربني ..
المجهول : علاش ..
لينة : لحقوه تصاور .. على اساس انا معا راجل وحدوخر ..
فهم عليها محبش يزيد يحرجها اكثر .. و رجع هدر ..
المجهول : راح نعرف شكون .. ركزي فمهمتك و وقت تكمليها راح يتكشف كلش ..
قص عليها لابال .. حطت تيليفون و راحت لغرفتها ..
تكسلت على السرير ديالها .. عنقت لمخدة لي لتما .. و رجعت تبكي حتا عيات و رقدت ..
عدا النهار كامل .. رؤيا فغرفتها فرحانة .. عزيز فالشركة .. نورا نهار كومبلي و هي برا .. و عماد الدين مرجعش لدار حتا طاح ليل ..
لحق لدار .. طلع ديراكت لدارو ..
فتح لباب و دخل .. كان الهدوء فالدار .. فهم بلي راهي راقدة .. حاول ميخممش فيها بعد لي عملاتو فيه و توجه لغرفتو .. اما قبل ميدخل .. احساس قوي قاعد يقولو روح شوفها .. مقدرش يقاومو و راح ..
فتح لباب بلعقل .. و دخل شافها مكسلة فوق البونك .. قدم ليها و ركز عينيه فوجها .. عينها رجعت زرقة مالكف ديالو .. نيفها احمر .. و باعدة تشهق و هيا راقدة ..
للحظة غاضاتو .. مينكرش انو ندم لي ضربها .. اما كل ما يتفكر عملتها يعصب اكثر ..
رجع خرج زدو غلق لباب موراه .. و تعدا لغرفتو ..
حط راسو على سريرو و رقد ..
طلع النهار .. نفس الروتين .. ناضو كامل و اجتمعو على الطابلة .. رؤيا متشوقة تشوف لينة و هي خارجة من هاد الباب .. اما امالها ضاعو وقت لي شافتهم حابطين كعادتهم .. قدمو فيزوج لطابلة و ريحو قدام بعضاهم كالعادة .. رجع الشر يطاير من عينها .. عصبت علخر ..
لينة ملي قعدت فالطابلة و هي محبطة راسها باش مينتبهوش على عينها .. رغم انو غطات لي تقدر عليه بالفوندوتان اما قعدت تبان .. هدرت رؤيا معاها ..
رؤيا : لينة وشبيك تحت عينك ..
خزرو كامل فعين لينة و شافوها ..
عماد الدين كان يسنا تقوللهم انو ضربها و يسمغدع البخص من عند جدو .. اما تبسمت معاهم و هدرت ..
لينة : اه والو لبارح طحت و خبطت روحي فالكرسي ..
رجعت رؤيا كملت تاكل ..
بعد ما كملو كلاو كامل .. عماد الدين خرج و راح .. و لينة طلعت لدارها و طلعت موراها رؤيا ..
دخلت لينة لدارها و بعد مدة دخلت موراها رؤيا .. لقاتها فالكوزينة واقفة .. تصدمت لينة كي شافتها ..
لينة : علاش دخلتي بلا مطبطبي ...
رؤيا : راني فداري المستقبلية لي ديتيهالي يا روحي .. و بالاكي تقولي ماشي عارفة سبة لي خلات عينك زرقة ..
لينة : نتي لي بعتيهملو صح ..
رؤيا : ايه انا و للاسف منجحتش خطتي ..
ضحكت معاها ليها تحاول تعصبها ..
لينة : ههه للاسف و مزالني مرتو ..
عصبت رؤيا و قدمت للينة و هدرت و هي تهدد فيها ..
رؤيا : احسنلك اخرجي مالدار .. عماد الدين ديالي ..
ميقيمتهاش لينة و هدرت باستهزاء ..
لينة : ان شاء الله ..
زادت عصبت رؤيا اكثر .. رفدت موس كان قدامها .. و هدرت ..
رؤيا : راح تروحي على طريقتي ..
و غرست الموس فكرش لينة .....
〰️〰️〰️〰️〰️〰️〰️〰️〰️〰️
اوبالاتي 🔥
اواه اسمعو انا شكيت عزيز عندو كاش حاجة فالمورثات تاعو .. كي مرتو كي بنتو فيزوج قتالات .. مهم ادعو للينوش تسلك .. و فرايكم عماد الدين راح يفيق لرؤيا .. ولا راح تهرب ..
خلولي كالعادة توقعاتكم طواال عراض ..
و خلو كومنتار كااامل هنا فالرد راني نكتب غير نحط نجمجملكم
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
