⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 51 ||
تصدم فيها و جرأتها .. ماشي من عادتها تهدر هاكا ..
رمات يدها لنييفوو و حكماتو منو و هدرت ..
لينة : متقووليش حشمت .. ولا صباح كي ضربت نص ساعة و نتا تبوس فيا محشمتش .. تفووه قال متدين قال ..
حكمو الضحك على هدرتها .. بعد عليها شوية .. و رفد لباطة تاع دوا باش يقرا الاعراض الجانبية .. لقا تخدير .. هلوسة .... الخ ..
عماد الدين : اه يا ربي ماشي وقتهم ..
رجعت عنقاتو و جبداتو ليها و هدرت ..
لينة : علاش ماشي وقتي .. تسالني وقيل .. راني نعنق فراجلي نتا واش دخلك فيا ياك رزق رزقي ماشي رزقك ..
ضحك عليها بصوت مقدرش يشد ...
عماد الدين : لينة مراكيش فوعيك .. راح تندمي غدوة صباح نعرفك ..
لينة : بلع نتا خليني نبوس راجلي ..
و طلع ليه و طبعت بوسة خفيفة على شواربو و بعدت عليه و هدرت ..
لينة : علابالي حلوة بلا متقولي عيمادووش ..
عماد الدين : يا ربي صبرني خايف نغلط معاها ..
لينة : نعست ..
حاول ينوض من قدامها مقدرش .. رجع استسلم و تكسل قدامها ..
تنقاتو بيد و يد حطتها على خدو .. و هدرت و هي شبه راقدة ..
لينة : نحبها لحيتك يا ملاكي الحارس ..
تبسم على هدرتها .. حط يدو على شعرها يلعب بيه .. و اووب استرجع هدرتها ..
عماد الدين : ملاكي الحارس .. قاتلي ملاكي الحارس .. يعني انا .. و تفكر دعائها عليه ..
زادو تخربطو لخيوط فراسو .. علاش تحوس تحميه ..
شكوكو بداو يطغاو عليه .. رجع متأكد انو كاين حلقة مفقودة فالحكاية ..
قعد يخمم و يحاول يربط لاموور ببعضها اما ملقاش حل ..
رجع يخزر فيها و يهدر .. عارف انو مراحش تسمعو ..
عماد الدين : واش راكي مخبيا عليا يا لينة .. نظرتك حكاتلي كلش اما انا معرفتش نفسرها .. عاونيني و مظيلي اطراف لخيوط و انا راح نكتشفها وحدي ..
عاونيني يا تمري خليني نكون ملاكك الحارس على اكمل وجه ..
عدا يدو على خدها و صبعو على شواربها ..
ضمها ليه و عنقها .. و بقا يخمم و يحاول يحل المسألة ..
قطع على تفكيرو صوت لينة تهدر و هي راقدة .. اما مهمش عليها غير ثلث اسموات ..
لينة : عزيز .. رؤيا . المجهول ..
استغرب علاش قاعدة تقول فاسمواتهم ..
زعما عندهم علاقة بالموضوع .. و شكون المجهول .. و اووب كأنو واحد جا خبرو ..
عماد الدين : رؤيا .. رؤيا هي لي تكره لينة .. يمكن هي لي ساعدت السراق يدخل .. اما شكون بعتلي الايمايل ..
رما يدو لتيلبفونو كان قدامو .. و بعت اسم الايمايل لصاحبو و كتبلو ميساج " محتاجك تعرفلي مةقع الايمايل فاليومين لي فاتو " ....
〰️〰️〰️〰️〰️〰️〰️〰️〰️〰️
اوبالاتي 🔥
زدق زدق .. عمادووش بدا يولي كوناان .. يا جدكم راح يعرف قبل المهمة زعما ولا راح يصرا مشكل .. ههه نورا كانت سبب فهروب لينة .. و نظن رؤيا هي سبب فكشف باباها .. تحشاتلو عزيز يا خويا يا خويا اتديا تشوو خلو توقعاتكم ..
هربت لماما دك مغسلتش ماعن علاجالكم باش نزيدلكم حلقة بسك عارفة بلي راح نطول كاين جبل ماعن 🥺🥺 ..
صوو روحو اتعشااو و افروو صوالحككم و على كاش ساعة ولا ساعة و نص نتلاقاو هنا كبيداتي ..
خلو تعليق هنا فالرد متنساوش غير نحط نجمحملكم 💙🔥
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
