⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 54 ||
الراجل : امرك زعيم ..
عزيز : متنساش طونوبيل .. اقطع خيوط لفرانات و حط فيها ليسونس ..
قطع الاتصال و تبسم بشر ..
رسم على وجهو ملامح حزن و دار راجع للجد .. و هدر ..
عزيز : بابا لازم تجي معايا لشركة ..
حكيم : علاش علابالك منقدرش نخرج بزاف نتعب ..
عزيز : صراو مشاكل معا مستثمرين و حابين يتلاقاوك نت شخصيا و الا متلاقاوش راح يتخلاو على شركتنا و راح نفلسو ..
خمم حكيم شوية .. اما ملقاش حل .. استسلم لقدرو و وافق يروح معاه ..
ناضو لزوج .. خرجو مدار و ركبو فطونوبيل ..
كانت مكسلة على سريرها .. ملت مالقعدة وحدها .. ستناتو ساعات اما مرجعش ..
قررت تحبط لتحت تبقا معا الغاشي احسن ملي تبقا وحدها ..
رفدت حجات خفيف لبساتو .. و حطت خيمارها على راسها كعادتها .. رفدت تيليفونها بيدها .. و خرجت من غرفتها .. تمشي و شادة فالحيط .. تحس فجسمها ثقيل عليها .. وجيعة صغيرة تحس فيها فكرشها ..
حبطت فدروج و وصلت لصالون ملقات حتا واحد .. لتفتت فدار كيفكيف مكاين حتا واحد .. فجأة جا فبالها يوم المهمة ..
قلبها رجع يخبط فوور .. لون وجها فثانية تبدل و رجع صفررر .. رجعو يدها يرعشو ..
رفدت تيليفون تعيط للمجهول .. يصوني اما ميردش .. مرة زوج ثلاثة اما مردش ..
زاد خوفها اكثر ( حتا انا راني خايفة مفهمتش علاش ) .. تسارعو انفاسها اكثر .. للحظة حست روحها راح دوخ من كثرة الخوف .. بداو يدها يرجفو اكثر .. دقات قلبها تسمع فيهم ..
فجأة تفكرت نهار عيطلها المجهول و طلب منها عفسة غريبة ..
▪︎▪︎ فلاش باك ▪︎▪︎
كانت قاعدة فغرفتها تتفرج .. صونا تيليفونها .. " المجهول "
لينة : الو ..
المجهول : لينة محتاجك ديري عفسة ..
للحظة خافت .. دارت فبالها انو اليوم هو يوم المهمة ..
لينة : واش صرا ..
المجهول : والو .. اما احبطي لصالون دك بلا ميشوفك حد .. روحي مور الفوتاي لي مقابل الساعة لكبيرة .. راح تلقاي ساشي محطوط تما .. فيه جهاز تعقب .. ارفديه .. الشاشة خليها عندك و خبيها مليح .. و الجهز الصغير هاداك ( جاي كيشغل قفلة صغيرة ) .. حاولي كيفاش تلسقيه فحكيم فبلاصة مطيحش منو و ميشوفهاش ..
لينة : اوكي رايحة ..
قص لابال .. حبطت تزرب .. ملقات حتا واحد فصالون كان الليل .. راحت وين قاللها .. رفدت الساشي و رجعت لغرفتها.. خبات هاديك الشاشة بين حوايجها و ستنات حتا سمعت الحس فالصالون و جعت حبطت .. قعدت قدام حكيم .. و فالوقت لي كانو يقصرو هزت العصا تاع حكيم و لسقت فيها الجهاز بدون ميحس عليها حد ..
نرجعو لواقعنا .. بعد ما تفكرت واش دارت .. لمعو عينها .. ظارت تزرب .. تحاول تطلع فدروج باسرع ما تقدر .. لوجيعة لي فكرشها قوات .. و جرحها تفتح بلا متحس عليه .. وصلت لغرفتها .. جبدت شاشة و شعلتها ..
تصدمت .. اشارة الجد قاعدة تبعد على الدار ...
〰️〰️〰️〰️〰️〰️〰️〰️〰️〰️
اوبالاتي 🔥
قلبي راح يحبس يا جدكم ملقري علابالي واش راح يصرا مي تحمست معاكم هههه يااا جدكم عماااد الدين مزااال معرفش .. و جرحها تفتح لووكان ميلحقش عليها و تموت هي و الجد .. يا جدكم راهي رايحة للموت برجلها .. خلولي توقعاتكم كااامل .. راني نكتب خلو تعليق هنا غير نزيد نحط نجمجملكم
اسمعو و لي مجمجمتش الحلقات تطلع تجمجمهم مراهمش متساااويين 🥺🥺
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
