⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 59 ||
رجليه مقدروش يحملوه من بعد ما سمع صوت الرصاصة .. طاح فلرض قاعد على رجليه .. صدى الرصاصة قاعد يتكرر فدماغو ..
صوت لينة يسمع فيه فوذنو ..
لينة : نحبك يا ملاكي الحارس .. فالوقت لي فطن عزيز .. حكم لينة من شعرها و جبد يدو منها .. كانتش تشوف مليح اما حاولت تهرب منو ..
لمحت المسدس .. راحت رفداتو بين يدها و صوباتو ليه .. تهدد فيه باش ميقربش .. اما هو صوطا عليها و حاول ينحيهولها .. و هو يحاول ضغط على زناد بلا ميحس .. خرجت رصاصة و تغرست فصدرو .. رصاصة وحدة كانت كفيلة بانها طيحو فالارض ..
اما لينة .. نزفت بزااف .. سمعت صوت رصاصة بعيد .. رجعت تشوف دنيا كحلة .. تباطؤ انفاسها و طاحت فلرض هي تان مغمى عليها ..
قوى روحو .. و رجع وقف على رجليه .. مسح دمعتو و تقدم لدار متردد .. خطوة للقدام و عشرة للور .. خايف تكون ماتت .. للمرة ثانية تواجه الموت و ميكونش معاها .. كانت ضحية كذب .. ضحية خالو .. استغلها ابشع استغلال و زاد شوهلها صورتها ..
رما يدو و فتح لباب ..
اول حاجة شافها فلرض هي الدم .. تسارعو نبضات قلبو .. زاد خزر شافهم فيزوج طايحين فلرض .. فيزوج عينيهم مغمضين .. بدون ما يفكر و بلا ميحس كان وصل عند لينة ..
رفدها بين يديه و خرجها .. حطها برا ..
حط صبعو على وريدها .. كاين نبض ..
ترسمت تبسيمة على شفافو .. عينيه لمعو .. مخلاتوش ..
رما يدو لخدها يخبط فيها بلعقل باش يفيقها ..
عماد الدين : لينة .. لينة ..
سمعت اسمهاا بعيييد .. فتحت عينها بلعقل .. تخزر فيه .. عرفاتو .. رغم انو رؤيتها مضببة اما عرفاتو ..
وساعت ابتسامتو وقت لي شاف عينها لي يعشقهم ..
خرجو ثلث كلمات من شفافها مكانش متوقعهم ..
لينة : نحبك يا ملاكي الحارس ..
ضحك بصوت و عينيه مليانيين دموع .. سمعها قاتلو نحبك قبل متقولهالو فالحقيقة ..
جبدها و ضمها ليه يشم فريحتها ..
رجع بعدها عليها .. و تعقدو حواجبو وقت لي شاف عينها مغمضين ....
〰️〰️〰️〰️〰️〰️〰️〰️〰️〰️
اوبالاتي 🔥
توقعاااتكم .. لينوش راح تعيش ولا لالا .. و عزيز زعما يكوون مات ولا نن .. هههه و عجبوني تحليلاتكم لشخصية المجهول رغم انو توقعت انكم راح تعرفوه مالحلقات لي فاتو و راح تفهمو حكايتو اما قليل لي عرلوه صح و عرفوو حكايتو صح .. نرووح نكتب و نرجع نحط ..
لي مزالهم ساهرين يخلو كومنتار هنا .. غير نزيد نحط نجمجملكم ..
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
