بعد صلاة العشاء لليوم التالي ..
جهزت نفسها والعيال عشان تروح بيت عمها راشد ..
نزلت تحت وبيدها العباية: ماودك تروحي معي تتسلين مع ام فهد الي ناشبتن لي مثل العظم بالبلعوم ..
ام عبدالعزيز: ودي والله بجوها عشان ألعن جدفها مير اتصلت بي مها عسب تجيني ..
راغده: اها .. تمام ..
ام عبدالعزيز بابتسامة: وكل هالترتيب عشان مين ؟
راغده بحالمية: عشان ابو راشد ..
ام عبدالعزيز بضحكة: اوه .. اشوف تغيرت أمور كثيرة .. ههههههه
راغده جلست جنب أمها: طلبت مهلة اسبوع عشان ارتب حساباتي .. رغم اني حاسمتها بس أفكر كذا بترتيبات وشغل عدل ..
ام عبدالعزيز : حفلة يعني ؟
راغده بابتسامة: طبعا يمه .. حفلة بسيطة بيني وبينه بس للان ما فكرت فيها زين ..
ام عبدالعزيز: يمديك هالوقت .. أسبوع أكيد بتلاقين فكرة ..
راغده قامت: اي قبل لا انسى يمه .. الدكتورة سلمى عبدالله بتسوي محاضرة عن الحياة الزوجية .. ودك فيها ؟
ام عبدالعزيز: ياليت وأخذي مها معك يا بنتي .. منها تستفيد ..
راغده: ابشري بس اعطيها خبر واقنعيها لان المحاضرة بكره ..
ام عبدالعزيز: اوك ..ربي يحفظك ..
صعدت راغده مع ماريان والعيال توجهت لبيت عمها راشد ..
استقبلها ابو فهد بحفاوة وهو يضم العيال وفتح جيبه ومد لكل واحد منهم ٥٠ ريال..
راغده بابتسامة: تسلم يا عمي ..
ابو فهد يبوس فيهم: يستاهلون .. طمنيني عنك وعن خالك عساه طيب ؟
راغده: الحمدلله طيبين .. خالي بدر مثل حاله مافي أمل خلاص ..
ابو فهد يتنهد: مدري وش سالفة شباب اليوم طايشين مات ولد اخوي سطام بحادث بسبب السرعة .. وكأن الدنيا بتطير .. الحمدلله على سلامتك يا بنتي زين وماصار لك شيء ..
ام فهد رفعت حاجبها: اي قطو بسبع أرواح ..
راغده ناظرت ب أم فهد ببرود: ليه حاطتني فوق رأسك يا مرت عمي ؟ الله يصلحك بس " وبابتسامة "
امي تسلم عليك ..
ام فهد ناظرت زوجها ثم فيها: عليك وعليها السلام ..
راغده قامت ..
ام فهد بحده: شفت قلة ادبها ؟ وانت ليه ساكت ياحظي ؟
ابو فهد: بسك يا مرأة نجرة ومراكض ورى البنت وهي صادقة وش لك فيها ! خليها وفكري بخطبة بنتك وادعي ربك عسى ربي يوفقها ..
~~
استقبلتها هالة بفرحة: الحمدلله على سلامتك غدو والله كنا بنجيك بس تعب طلال اشغلنا ..
راغده: الله يسلمك حبيبي ..
هالة مسكت يدها: ادخلي داخل قبل لا يجون بنات عماني بعلمك وش الأحداث الجديدة ..
راغده شلحت عبايتها كانت لابسة فستان تيفاني بأكمام طويلة بقصة صدر فرنسية وماسك لين نهاية الفستان الطويل .. بأكسسوارات ذهبية ناعمة وكعب ذهبي ..
مكياج ناعم .. شعرها ويفي ..
هالة وهي تشوف راغده: هههههه تذكريني بنفسي لما اشوف ضرايري ..
راغده الي ماكان ببالها جنان ابدا كان كل همها يشوف زينتها طلال تحب نظرته لها وكأن اول مرة يشوفها بهالحلاوة ..
هالة مدت لها القهوة: في مناسبة جاية قريب ..
راغده بفرحة: ماشاء الله ..
هالة بحماس: ميس بتخطب واحزري من خطبها ؟
راغده بنفس فرحتها: ماشاء الله ومن سعيد الحظ ..؟
هالة: ولد عمها .. الي قلت لك ان صلتهم مع بعض مقطوعة ..
راغده بذهول: سبحان الله .. وكيف مو على أساس ان العلاقة بينهم رسمية ؟
هالة: من كم يوم جاوا يقولون الخلافات لابد تنتهي ونصير يد وحدة وبنتك يا راشد لولدي وليد ..
راغده ببهجة: ماشاء الله ذي والله النهايات السعيدة ..
هالة: اي بالله انا انصدمت ماصدقت الا لما ابوي راشد علمني .. شوفي كيف نصيبها ربي ما تمم عليها بأي خطيب لان نصيبها لولد عمها وليد ..
راغده: بس ايش ألي خلاهم يفكرون فيها الآن !؟ يعني فجأة كذا ؟
هالة: سمعت .. ان بعد الحوادث ألي صارت للعايلة من موت نوال وسطام ومن قبل مات اخوهم بسبب التدخين صاروا يدرسون الموضوع أكثر وأن لين متى العلاقة مقطوعة .. وان الدنيا صغيرة ، انت حي بكره ميت
راغده تنهدت: اي بالله .. أن الدنيا صغيرة اشياء كثيرة صارت العام وهالسنة فقدنا اشخاص كثيرة .. يارب مانفقد غالي ..
هالة: يارب الله يسمع منك ..
الا بدخول ميس وابتسامة الخجل بوجها ..
هالة وراغده: ههههههههههههههه
راغده: والله وهجدنا يا ميس..
ميس غطت وجها بخجل: انقلعووا ..كافي هالة تتريق علي ..
راغده: اي حيلك فيها ههههههه ..
ميس: لا راغده بجد هي كرهتني بعيشتي الحمد لله وهي مو ساكنة معي كان من صباح الله وهي سوالف وتريقة ومسخرة علي ..
هالة: وأكسر رأسك بعد ..
ميس صدت عنها: أقول بس وين الحلوين ؟
راغده: مع عمي ..
ميس: اي مبسوطة فيهم فرحته قد الدنيا ..
أنت تقرأ
قيود / كاملة
General Fictionتدور أحداث الرواية عن فتاة تخفي ماضي أليم ، سببه اعتداء من رجل سبب لها عقدة من جميع الرجال ! يعود المعتدي مجددا ، ليشكل خطر كبير عليها ولحماية نفسها تقرر الزواج من رجل لا يقوم بواجباته الزوجية كما ينبغي .
