💕أنت قلبي٢💕

الحلقة ٨٧

#انت_قلبي٢
#بوسي_مصطفى
_____________
الحلقة ٨٧

في محلات نادين...
فيروز : غلطانه بس لما اشوفك يا ياسمين.
هدى : هي قالت محبتش اتعبكم و عارفه الظروف و معرفش ايه بس أنا كمان زعلت يعني احنا اخوات ازاي منروحش معاها و هي بتشتري حاجة نادين
دي كمان كانت لوحدها قالت نادين بتغلبني بس غلبتها اكتر علشان قعدت تصور في الحاجه
و طبعا أغلب الحاجات مكانتش بتعجب نادين.
فيروز : ياسمين اختي دي غاويه تعب كده دايماً
بس لما اشوفها
علشان بجد اتخنقت من موقفها ده.
هدى : و لا تعاتبيها و لا حاجه دي صوتها كان تعبان اوي
و هي بتكلمني عقبال ما تجهزي لحذيفه يا فيروز.
فيروز : عقبال زياد يا هدى.
هدى : اااه ابني دا تعبني دايماً يا فيروز.
فيروز : معلش هما الولاد كده اشقيه.
هدى : بابا كان كلمني إنه عايز يجي يقعد هنا في المحلات اهو يسلي وقته و وقت الدراسة يبقى يجي بعد الضهر.
فيروز : تصدقي بقى أنا كنت عايزة اقول الكلام دا من زمان بس خوفت باباكي يفهمني غلط.
هدى : و ايه الغلط اللي في كده يا فيروز بالعكس دا صح جدا بابا يا حبيبي حاسس بالوحده و خصوصًا بعد ما سيف اتجوز هو صحيح سيف مكانش بيقعد في البيت لكن على الاقل كان بيبات في البيت بيتعشو مع بعض كان حاسس بونس معاه لكن دلوقت قاعد لوحده و بقى مخنوق اوي
و دخل في حالة اكتئاب و انا بصراحه خايفه عليه من الوحده دي.
فيروز : يجي يقعد هنا هيسلي وقته و كمان يشغل نفسه
في الشغل و في الحسابات.
هدى : هههههههههههه
انتِ عايزة تزوغي بقى.
فيروز : بصراحه و مخبيش عليكي وليد عايزني في المصنع
و علشان اجي هنا اخلص الشغل و ارجع تاني المصنع الوقت بيضيع و بروح البيت هلكانه بس مش معنى كده إني هسيب الشغل خالص هبقى من وقت لـ التاني اجي اطل عليكم كده.
هدى ببتسامة : تشرفي و تنوري
هطلب كشري هتاكلي ايه؟
فيروز : لأ انا لسه مدياها طاجن باميه باللحمه الضاني قفلت معايا خالص.
هدى : هههههههههههه
لازم تقفل طبعاً.
فيروز : هههههههههههه
____________

في فيلا كريم.
ياسمينه : خلاص يا فريدة كفاية مش عايزة.
فريدة : دا عصير برتقان فريش هيروق بالك و يهدي أعصابك.
هنادي : و لا تزعلي نفسك
يا ياسمين يا اختي كده احسن
ما كان يحصل بعدين و نقول ياريت كان من الأول.
داليا : أنا رأيي من رأى هنادي
يا ياسمين بنتك لسه في حضنك لا راحت و لا جات كده احسن و متزعليش نفسك..
امل : قومي معايا يا ياسمين اوصلك.
سهر : سبيها يا امل انا هاخدها معايا.
ياسمينه : مش عايزة اتعبكم أنا هروح لوحدي.
فريدة : ازاي بقى؟!
أنا هطلع ألبس و اجي معاكي.
داليا : لا يا فريدة خليكي علشان ولادك.
فريدة : محمد و زين هيقعدوا هنا و هاخد جميلة معايا
ثواني و جايه.
طلعت فريدة تغير هدومها.
______________

في محلات إياد..
واحد صاحبه : بجد مش عارف ازاي مفكرتش قبل كده
في المشروع ده؟!
إياد : بصراحه الموضوع في دماغي من زمان بس خوفت اجازف و انا بحب اعمل الحاجه اللي ابقى مطمن ليها.
صاحبه : مفيش حاجه مفيهاش مجازفه يا إياد حتى تجارتك دي مجازفه هي كمان.
إياد : بس الفرق إني بفهم فيها و عارف ازاي اشغلها.
صاحبه : و مصنع الملابس مفرقش كتير برضه عن التسويق
و البيع عايز بس حد شاطر يعرف يدير المشروع.
إياد : و أنا مش هلاقي حد اطمنله زيك.
صاحبه : متشكر اوي على ثقتك الغاليه
اتمنى دا يبقى رأيك بعد ما المصنع يشتغل
ههههههههههههه
إياد : أنت هتقلقني ليه أنا هحط كل ما أملك في المصنع ده اوعي تخسرني.
صاحبه : هههههههههههه
يا عم متخافش أنوي أنت بس و أنا موجود في أي وقت كلمني بس هتلاقيني عندك  نخلص كل حاجه في وقت قصير اهم حاجه الفلوس تكون جاهزة.
إياد : مش كلها.
صاحبه : مفيش مشكلة نبدأ برأس مال كده على قدنا لحد
ما تدبر باقي المبلغ أنا معايا مبلغ مش بطال برضه اهو نسند بعض لحد ما نشغل المصنع
هتحتاج حاجه؟
إياد : لا يا حبيبي متشكر.
صاحبه : سلام عليكم بقى علشان عندي شغل انت عارف.
إياد : و عليكم السلام.
يخرج صاحبه و تخبط سلمى على باب المكتب.
إياد : ادخل.
سلمى : سلام عليكم.
إياد يقوم يسلم على أخته :
و عليكم السلام
اقعدي يا سلمى تشربي ايه؟
سلمى : على طول كده؟!
إياد : امال هتفضلي واقفه؟!
سلمى : لا هقعد علشان عايزاك في كلمتين.
إياد : طيب نشرب حاجه الأول.
______________