احببتها منذ الصغر

البارت 11

زفوا عدنان للغرفة واني و سارة و زينب بدينة نظف بالبيت بعدين صعدت الغرفتي
ولبست فستان قصير ابيض ورشيت عطر وكثرت مكياج ،دخل عمار للغرفة وگال..

:اروح فدوة لمريتي
:ههه واروح فدوة لزوجي

رحت وحضنتها وبستها بشفتها ونومتها على السرير واعتليتها واخذت شفايفها بين شفايفي وو

وهسه نعوفهم يكملون ليلتهم
___________________

رجعت للبيت دخلت الغرفتي و بقيت ابجي واگول...

مريم:سويتها عدنان ، ازوجت وحدة غيري ، لا و من منو ، من نور ، اقرب صديقة

الي ، صدگني راح ادفعك ثمن هذا الشي السويته بيه ، واثنينكم راح تتعاقبون انت

ونور ، انت راح اعاقبك لان قبل سنتين من ابوي راد يزوجني لأبن عمي اجباري

اني بوقتها ترجيتك حتى نهرب اني وياك ونتزوج بس انت رفضت ، اني اجيت

لاربيل مو لان احبك واجيت اكمل حياتي وياك ، لا ابد ، اني اجيت لاربيل حتى انتقم

منك لان بسبك ادمرت حياتي كلها ، لك اني عشت بهاي السنتين بحياة كلها تعذيب

من وراك انت لان بابا عرف اني احب شخص من غير طائفتنه بس لان انت مسلم

بابا رفض يزوجني الك وزوجني ابن عمي وعشت وياه اسوء ايام عمري لهذا

السبب اني قتلته اي اني قتلت زوجي ، واجيت لاربيل لسببين ،

الاول هربت من اهل زوجي لان يعرفون اني الي قتلته وهذا المكان الوحيد الي

مستحيل يجي شخص منهم يدور بيه عليه ، والسبب الثاني اجيت حتى انتقم من الشخص الي سوه حياتي جحيم ،

وحتى نور راح تدفع ثمن هل شي ، لان لو هي ما ازوجتك كانت نجحت خطتي بتدمير حياتك ، بس مو مشكلة راح ادفعج ثمن الي سواه زوجچ
والايام بينه..
____________________

گعدت الصبح واني بين احضانة بقيت اباوع لمعاني وجهة بعدين بسته بشفته
وما احس الا اعتلاني وهجم على شفايفي بعدين گال..

:صباح الخير مريتي
:صباح النور حبيبي
:بعد شگد الولادتج
:بعد ٤ اشهر تقريبا
:اوك
گمت دخلت للحمام اخذت حمام دافئ ، خلصت طلعت من الحمام ولبست ملابسي ونزلت ، دخلت للاستقبال وگلت..
خلود: صباح الخير
ابو عمار وام عمار: صباح النور

رحت للمطبخ بديت اجهز الريوگ واجتي زينب وسارة هم ساعدني لان اني حامل
وما اگدر اشتغل هواي

جهزنه طاولة الاكل وزينب صعدت الريوگ لنور وعدنان واني هم صعدت وياها
لان ادري بنور خجولة وما راح تعرف تحجي شي وياها
_________________

گعدت من النوم واني اشوف حبيبتي نايمة بحضني ، بتسمت عليها وبستها وگمت دخلت للحمام اخذت حمام دافئ وطلعت وشفتها بعدها نايمة ، لبست ملابسي ورحت
يمها وگلت..
:حبيبي ، نونو يله صار الصبح كافي نوم
:امممم
:هاا تردين انزل واعوفج انتي تنزلين وحدج
:لا لا گعدت
:ههههه
رحت حضنتها وبستها بعدين دخلت للحمام واني بقيت گاعد انتظرها