بسمة أمل( إسكريبتس)

كن قنوعا ولا تنظر الى ما في يد الاخرين

السلام عليكم ورحمة الله وبركاته 😍
صلوا على شفيع الامه نبينا محمد افضل الخلق 💓
مهما كانت حالتك دلوقتي قول الحمد الله 💝 لو الدنيا جات عليك قوم صلي وارمي حمولك على ربنا وادعيله هو مستنيك ترفع ايدك في كل وقت وهتتحل متقلقش 🤩💗
نخش في صلب الموضوع على طول 😘😘

كنان : بصي ياماما عاوزين نتكلم معاكي عن بابا عشان زعلانين منه... عشان كل ما نقوله عاوزين حاجه يقول لا...اي البخل اللي هو فيه ده.

كيان : ايوه ياامي احنا عاوزين نتكلم مع حضرتك عن والدي وانه دايما مش بيعاملنا كويس ومش حنين علينا .

لام ريماس : لي بتقولوا علي باباكم كده
لا علي فكره بابا حنين اوي وبيجيبلنا كل اللي احنا بنطلبه.... وبيأمن احتياجات البيت ومش مقصر في حاجه .

كيان : ايوه ياامي بس قاسي في معاملته معانا
وحضرته مش بيقعد معانا الا وقت قليل وكل كذا يوم .

كنان : ده لولقي وقت اصلا ... وعلي طول متعصب او مدايق.

الام ريماس : لازم تراعوا شعور ابوكم... هو دايما مضغوط عشان يامنلنا كل حاجاتنا ودايما متعصب او مدايق من مشاكل شغله.... وهو مش مقصر في طلبات البيت ودايما بيوفر كل اللي نحتاجه ... ووقته كله لشغله مش بيلحق يقعد معاكم شويه عشان كده وعشان يوفر عيشه كويسه ويوفر مستقبل احسن انما بقا عن احتياجاتكم انتم هو بيعملها علي اد مابيقدر... وبيركز علي الاهم .

ماسه : وطلباتنا مش مهمه يعني .

الام ريماس : هو بيركز علي الاهم ياماسه... وهو بيجيبلكم اللي تطلبوه برضو... بس مش بعد مايجيب لكنان موبايل وبعدها بيومين يكسره وبكل سهوله كده يطلب غيره...ولما بابا يقوله انزل اشتغل
عشان يعرف قيمة الفلوس ويحافظ علي حاجته... يبقي كده بابا غلطان وكنان يطلع الحق علي بابا وانه مبيحبوش ومقصر معاه !!! .

كيان : بس هو ولا بيجيبلنا لبس ولا بيقعد معانا اصلا .

الام ريماس : ما يبقاش دولابك مليان لبس وكل شويه تقول عاوز لبس....ومعنديش لبس انت اللي مبتعرفش تنظم هدومك وكل شويه عاوز تغير لبس وخلاص.... هو ابوك قاعد علي بنك.... ماتراعي شعوره شويه خلي عندك دم.... انت لو بتشتغل
هتحس بقيمة الفلوس وبقيمة اللبس والموبايل وكل حاجه عندك ومش مقدرها.

نظرت ماسه لكنان وجدته صامت ولا يتحدث كان علي راسه الطير... ونظرت لكيان وجدته كذلك
علمت انهم عليهم الحق....لكن هي لها كل الحق...فهي
لاتبحث عن ثياب او مال...هي فقط تريد الحنان من والدها وان يجلس معها بعض الوقت .

ماسه بحزن ظاهر : بس ياماما مبيقعدش معانا اصلا
هو عشان يامنلنا طلباتنا يشتغل طول اليوم...وميلاقيش وقت يقعد معانا....ولما بيجي
منلحقش نقعد معاه.
الام ريماس : لازم تقدري ان بابا بيشتغل وبيتعب عشانكم... وحتى هو كمان عاوز يقعد معاكم برضو بس بحكم شغله بيفضل طول اليوم بره... و بيجي بالليل تعبان وانتم بتكونوا نمتم... هو بيشتغل اكتر من شغلانه عشان يوفرلكم كل اللي تحتاجوه ... لازم تقدروا كده عشان كده مبيلاقيش وقت ومبيلحقش يقعد معاكم...