مريم.....مر اسبوع وخلص السابع مال وفاتي هه الي اهلي سوو علمود حسب ميكولون يطمون عارهم ومحد يدري بالسالفة ويوم اسوء من يوم وصحتي من سيئ الى اسوء ورة الاسبوع اهلي قررو انو ينتقلون من المنطقة يخافون اخاف الجيران تحس علية ويكولون ضمو عارهم انتقلنة واني الشغل كولة وكع فوك راسي صخام نظفي هاية صخام شيلي هاية ويكوموني ويكعدوني باهانة وكلومية اتمنة الموت حالتي النفسية فدنوب ووزني نزلت من 55 لل43 فدنوب صرت ومامر يوم علية الة واني انكع مخدتي بدموعي كولومي اكولة لرب العالمين ربي اني ليش هيج نظلمت ليش الي ظلموني همة اعز ناس الية ياربي اذا اني مسوية ذنب كولش جبير هيج فاغفرلياه ياربي اتمنة هذا كابوس ....مرة من المرات اني جنت دا ابجي طبعا الغرفة الي خلولياها زغيرة يادوب امدد بيهة وهم مخزن ووصخ بس اني عدلتة شوية ونظفت عود بلكوة صار ينكعد بي فالمخزن جوة غرفة احمد مادري اني صوتي ينسمع يمة جنت دا ابجي وما احس الة واحد جايب الحزام وعلة وجهي وظهري زوركني طلع احمد الي حرامات اكول عنة اخو الاخو سند وحزام ظهر بس اني اخوية بالعكس يظرب ويصيح ويفشر انجي اريد انام ساقطة ادبسزز كولة منج انتي الي تنطين عين للولد وبعدين تكعدين تتبجبجين انلصمي يلة ..بصياح يحجي
مريم.....ولك احمد اني اختك شون تظن بية هيج اني تربايتكم
احمد...تخسين تكونين تربايتنة مو هاي رنا ماصار وياها الي صار ليش بس انتي عبنج تنطين عين للولد وبعدين تظلين تتمسكنين امشي ولي دفرتهة بطنهة وكعتهة بالكاع
مريم...انتو حتة مسمعتو مني الي صار شنو هيج تحكمون علية والله ياخذ حوبتي منكم.....مرت 6 اشهر واني نفس حالي بيوم من الايام اني كاعدة اصلي بالمخزن طبعا هوة ملجئي الوحيد صار وجان اسمع صوت هلاهل كملت وجان اسمع امي تكولة اي الف مبروك تشوف الخير يمة اني شريد بهلدنية بس افرح بيك واريد شوفت جهالك الي فتهمتة احمد يريد يزوج بس منو وشكت مدري مر شهر واحمد تزوج واني مادري منية عروستة واعتقد متدري بية اصلا واني علية بس انظف وطبخ وبوكت جيت الخطار اطب بالمخزن وازوج احمد وضل اسبوعين هوة بالشمال شهر عسل رجع احمد من شهر العسل هوة ومرتة وامي وابوية يباركولهم سمعت صوت البينة مو غريب علية جان يصيح علية احمد ..مريم مريم بصياح ونتر تعاي
مريم....تفاجئت حاجي لمرتة علية رحت ركض للاستقبال وجان اتفاجئ ليان صديقتي معقولة شوكت وشون
احمد....باعي لولو تحطيهة تاج فوك راسج وتخدميهة واذا سمعتها تشكي منج قسما امحيج من الوجود
مريم...اشرت براسي بمعنة نعم واباوع لليان تباوعلي بطرف عينهة استغربت ليان ليش تباوعلي اجيت دا اريد احضنهة وابوسهة من كد ما مشتاقتلهة جان تدفعني وتكولي
ليان...عوووع وخري لتتقربين مني والله وتالي وكت الخدم يسوون هيج وية اسيادهم لتنسين نفسج ترة انتي خلك خدامة
مريم....ضلت الدمعة بعيني ليان صديقة عمري هيج اسوي وياية ليش وشون ضلت بس الدموع مغوركة بعيني بس مبجيت جان ما احس الة علة راشدي علة وجهي من احمد ويكولي احترمي اسيادج اني كبل رحت للمخزن وضليت ابجي ...مرة من المرات محد اكو بالبيت بس اني وليان نزلت وكعدت تتامر علية اني كوتلهة ليان انتي شنو الي غيرج هي وياية ليش هيج صرتي تعامليني ولج اني وياج عشرة عمر واخوية شجابج علية
ليان...ههههه لا عيني لا تغيرت ولا شي انتي جوة رجلية ودايما اني جنت دايسة عليج بس انتي فطيرة جنت دايما اضوج منج من نمشي الولد كولهة تباوعلج وكلهة تحبج ودايما يجاهلوني ويضلون حايرين بيج وبيوم استلام النتائج خابر اخوج علية علمود يسالني عنج بس ياترة اني شنو كولتلة اممم😈اي اي اذكر شنو كوتلة مكوتلة بس الحقيقة كوتلة انو انتي جان ولد يباوعلج وانتي معولتي واخذتي الرقم منة وخابرتي بالرجعة اجة اخذج وراح وكوتلة انو اتفقتي وية بنين ورة ما اختفيتي كوتلة انو هوة ماخذج بارادتة وانو اتصلتي علية وكولتيلي انو الاتفاق بينج وبينة جان بس 3 ساعات بس هوة سواها يومين وضليت كول فترة اوز براسة بعدين صارت بناتنة علاقة علة الفون دردشة بعدين تطورت وصارت لقائات وحبني وحبيت وتزوجنة وها انا هنا
مريم...تحجي ليان واني مصدومة معقولة هاي صديقتي صديقة الطفولة كوتلهة انتي مستحيل نفسج ليان لا انتي وحدة ساقطة واجيت اداريد احجي بعد جان يطب احمد هي راسن سوت نفسهة هي المضلومة كرفصت روحهة وضلت بجي وراسن فتحت شعرهة ونكشتهة وتتبجبج وتكولي والله مسويت شي بس كولت الحقيقة اني صافنة عليهة ....يتبع وللمأسات بقية
🌷🌷🌷🌷🌷🌷🌷
