أولا عايزة اقول حاجة عشان الهجوم فى التعليقات
الحلقات الخاصة دى جزء منفصل خالص عن الرواية مش متعلق بيها ، هى عبارة عن مشاكل زوجية بتحصل فى أغلب البيوت وأنا بعالجها بشكل كوميدى شوية ولكن مفيش حاجة اسمها هديت الحب لانه موجود وطبيعى اى علاقة بيحصل فيها مشاكل والحياة بتعود لطبيعتها تانى .
كفرصقر2
حلقات خاصة ( الخامسة )
...............................🌹
أصاب فارس حالة لا شعورية مما حدث من مريم وموقف ألماس منه .
وزواجه من مريم رغما عنه وكأنه فى غيبوبة لا يدرى ما به .
فالشيطان أغلق عليه عقله تماما ولم يفكر بجدية فوقع فريسة لبنت أغواها الشيطان وفريسة لزوجة هدمت كل حصون الثقة .
فأقدم على زواجه من مريم فأصبحت فى ليلة وضحاها زوجة فارس الدهشورى .
فأصبح حلمها حقيقة فهل ستضحك لها الأيام أم ستدور الدائرة عليها ويفيق فارس من غيبوبته ؟؟
..........
بعد عقد القران أقتربت مريم من فارس الذى كان جالسا على مقعده بعين شاردة حوله والألم يعتصر قلبه وغير مصدق ما حدث .
فأقبلت إليه تتغنج بجسدها أمامه ولا تعلم تلك الشقية إنه قد يراها ببصره ولكن قلبه أعمى عن كل النساء إلا عن حبيبته ألماس .
وضعت مريم يدها على شعر فارس تمسحه برقة ثم انحنت بجذعها إليه لتتأمل وجه عن قرب .
مريم بهمس....فارس حبيبى مالك قاعد كده ومش بتكلم ؟ حتى مقولتليش مبروك .
فانتفض فارس كالوحش الثائر وهب واقفا وأمسك بذراعها بقوة ولفه حول ظهرها فتألمت مريم وصرخت .....دراعى حرام عليك .
حد يعمل كده فى عروسته يوم دخلته .
فارس بغضب شديد....عروسة إيه يا زبالة أنتِ .
أوعى تفتكرى إنك بالتمثلية اللى عملتيها دى أو بحركاتك المكشوفة إنى تقدرى تأثرى عليه أو تهزى شعرة واحدة منى .
أنا مش شايفك أصلا ، أنتِ نكرة ولا تسوى .
تجهم وجه مريم وزفرت بضيق ....ليه ده كله إن شاءالله يا ابن الناس ، هو أنا وحشة ولا إيه ؟
ده أنا حتة قمر ويتمنانى أى راجل فى العالم وكمان صغيرة مش زى الست هانم مراتك اللى خلاص بتلعب فى الوقت الضايع.
فتفاجئت مريم بصفعة قوية على وجهها من فارس ، لتضع يدها بعدها على وجهها متألمة من شدتها.
فارس....إياكِ تجيبى سيرتها بإى شكل من الأشكال ، هى أنضف منك كتير والموضوع أبدا عمره مكان سن أو شكل ، دى حجات عمرك ماهتحسيها لإنك مفتقداها اصلا .
بكت مريم ثم أسرعت لغرفتها متأثرة مما قاله فارس ولكنها مازالت تحمل فى قلبها الغيظ من فرط حبه الشديد لزوجته .
مريم.........يااااه يا فارس ، ياريت أقدر اخليك تحبنى ولو واحد فى المية من اللى بتحبهم لمراتك .
ده أنت لو أتوزع كمية الحب اللى بتحبها لمراتك على كل الرجالة مكنتش وحدة أشتكت أبدا من جوزها .
.............
أنصدم حمزة من انهيار والدته بهذا الشكل أمامه
مرددا أمى أمى ثم حملها بين يديه للداخل لتسرع له زوجته رقية .
