#خو_مرت_بوي
#الجزء_التالت
مقعمزه في تركينه وضهري كان يوجع فيا
يدي كلها علامات
خشت عليا ميسم قالتلي تستاهلي وفوق من يلي داروه امه جت
ماكنتش مهتمه بي كلامها كان وجعي كبير مش قادره حتا نوقف
خشت ام ناصر
مرت بوي//بعد يلي دارا ولدك اليوم غلط كيف قدام ناس معقوله لالا شن سايبه الحكاية يامريومه
ام ناصر//ولدي كلمني عليها ويبيها ولدي مش متع دوا اهيا والبنت مربيه وماشاء الله عليها زي امها الله يرحمها
مرت بوي تعصبت//تفاهمو مع بوها راه بوها حامق ومش ناوي خير
ام ناصر//احني نبو الحلال ونبو البنيه لي ولدنا ويلي تبو احني فيه
مرت بوي//الراي الاول والاخير لي بوها
طلعت ام ناصر
وميسم جت لي امها تسأل فيها خير
كنت في دار نبكي ونادي على امي يلي مستحيل تسمعني
نسمع في صوت بوي يقول خلاص راجل ناوي الحلال نزوجها ونرتاح منها ومن همها عيت منها
مصدومه فيه ونبكي معقوله لي هالدرجه كارهني راني بنته لحمه كبده
مرت بوي قالتله بالك فهمتها هكي يبي يتستر قولهم مافيش نصيب
بوي يقولها الولد نسألو عليه ولاه عاجبك يلي صار اليوم فكينا من كلام ناس
فتح عليا الباب وقالي ربي ياخدك حرقتي دمي طيحتي راسي
هديكا ليله ماقدرتش نرقد واني نبكي وحاطه يدي على فمي حتا ماحد يسمعني
مع صبح
نوضتني مرت بوي وتعيط عليا طيبي الفطور وضمي الحوش واغسلي البساطات
حاسه رجليا بيتكسرو وهيا وبنتها مقعمزين يهدرزو ويشبحولي
خشيت المطبخ حطيت طنجره واني حاسه بي دوخه
خشيت دوشت وطنجره كانت على نار
حولت حوايجي كان ضهري كله اتار ضرب بي سبته ورجليا مورمات من ضرب
خشيت تحت دوش واني نعيط بعدها طلعت سمعت مرت بوي تحكي بي تليفون وتقول اسمعي مافيش نصيب بوها مايبيش الموضوع يتعاود تان ولدكم يلي دارا غلط وبوها مش حايرحمه لو عاود الموضوع خطبه اهيا
فتحت عيوني😳 وخشيت نبكي😥😭 معقوله حتا ناصر يلي بيطلعني من ظلمكم هذا استخصرتي فيا شن تبي مني بكيت لعند تعبت شن ينفع البكي
خش بوي واني خايفه نتقابل معاه لانه مش حايرحمني من كلامه وقسوته
ميسم قالتله نبي هدية لي صاحبتي عيد ميلادها اليوم
بوي قالها دللي واني كم ميسم عندي توا نطلع نجيبلك تاقم فناجين
ميسم قعدت تضحك قالتله تاقم فناجين شن نبي نغلفلها اني نبي بوكي ورد وشكلاطه
بوي قالها بوكي شن شكلاطه فهمتها توا نطلعك وانتي اختاري
كنت نسمع فيه كيف معاملته مختلفه على معاملة معاي
بعد طيبت الغدي حطيت سفره كانو كلهم مقعمزين بوي ومرته وليد وميسم
كيف قعمزت بناكل
مرت بوي قالتلي شن ديري عندك عين تاكلي ركبتي لي بوك ضغط
حتا لقمه وقفت ماقدرتش ناكل حاولت نتجنبها
بوي قالها خلاص ياناديه خليها تاكل توا ماتفكرينيش في ليله يلي امس
ردت عليه قالتله مش وأكله اني امس معقوله قعدت لعند ترعش وجهك تغير
بوي خيرك كولي ياناديه خلاص حالي به
قلتله خلاص اني حانوض تغدو انتو اني ماخاطريش
نضت وخليت سفره نستنا في بوي ينادي عليا بس ماعبرنيش كليت شربت حيه ميته هوا اويني في حوشه بس محسوبه بنته عليه
بديت كل ماننزل لي محل ونجيب في الخبزة وبضاعة الحوش نشوف في ناصر كان كل مايشوفني يلفت وجها مش نفسه💔 يلي قبل يشوفلي بي شغف وحب
تكسر قلبي حاسه روحي مخنوقه ومش قادره نحكي
واني راجعه لي حوش لقيت سيارة خالتي فريحه فرحت انها روحت كانت مسافره مع ولدها
ركبت نجري لقيتها تغمرتها نجري وقعدت تقولي بنتي العسل ندوشه استاحشتك طبعا جبتلك معاي حاجات
قالتهالي بي صوت واطي لانه كانت ميسم وامها معانا
هدرزنا وقالتلي اليوم بنطلع ندهورك
خشيت لي داري طلعتلي خالتي فريحه عبايه وشاح كانت العبايه حلوا هلبا وجايه عليا بي ضبط لبستها وطلعت ومرت بوي ماقدرتش تتكلم وميسم كانت متكنطيه لما شافتني لابسه العبايه
ركبت مع خالتي فريحه ورفعتي لي مطعم ماقدرتش نحكيلها يلي صار معاي مع انها سألتني هلبا وحاسه بي شي
وقعدنا نتمشو عالبحر ورفعتني لي حوشها
كان عندها اسطبل 🐎🐎
مشيت نجري نتفرج عليهم واني فرحانه ونسمع منذر يقولها امي روحتي
قلتله اني اهيا يامنذر شن جو
منذر جوي معاه مليح هلبا وهوا عايش برا كان ومتزوج
قالي اوووه وينك معادش تسألي
جت خالتي قالتله تغديت
قالها لا والله نستنا فيك نبي تطيبك عيت من ماكلة المطاعم وعارفه مرتي نور ماتعرفش طيب كله خدمه
قلتله والله اني حانطيب هيا
قعدت خالتي تقولي لا اني وكيف
خشيت المطبخ وقرضت البصل بندير رز مسقي
قعمز منذر عاطاولة المطبخ وقعد يشوفلي
واني مبتسمه نقوله نعلمك طيب
قالي هي عادي خلي ندوق ماكلتك بالك تعجبني
ضحكت قلتله بالك صار وقعدت نشرحله وكان قريب عليا ويضحك
فتحت الميه وحطيت رز نغسل فيه ونصفي
وكيف تلفتت بنشوف طنجرة وجهي جي في وجها و
وانفتح الباب
يتبع
ترقبوووني
