#خو_مرت_بوي
#الجزء_الخامس
فتحت عيوني بي وسع لما سمعتها قعدت نفكر به ليش ماقلتش حوش مش هوا عيد ميلاد اكيد صاحبتها حايكلموها كلهم مش بي صيغة شخص واحد
سمعتها بخت صنة خلت دار كلها ريحه قويه وطلعت
دماغي يرفع ويجيب شن قصدها بي شقه
نضت خشيت الحمام شفت مرت بوي تتصل بي خوها سمير الواطي قربعت الباب وغسلت وجهي
واني نخمم لو طلع يلي في بالي حانشد عليها حاجه ويبان من يلي يدير في العار
كان تفكيري مشتت
طلعت
وليد قالي جعان حطي لي عشي بسرعه
قولتله تعبانه دير سندويتش
قعد ينادي على امه
جت بي غلها تقول شن في خيرك
قالها ماتبيش ديرلي عشي واني جعان
شافتلي وخبطتني بي يدها عاكتفي قالتلي مش بي مزاجك وليد جعان حطيله العشي
قولتلها تعبت اني مريضه شن فيها لو خدي ساندويتش بينقص منا
قالتلي عاودي ديريله ورجلك فوق راسك خير ماندير شي مايعجبك
خشيت درتله شكشوكه واني حاسه بي دوخه غريبه واقفه بي سيف
حطيتله عاطاوله العشي كيف قام الخبز قال ياامي خالي سمير بيجي توا والله ماخاطري نسهر بنرقد
نفخت اني وخشيت سكرت دار عليا بي المفتاح
ونسمع في دوشة وليد وامه وراسي منفوخ
فتحت الكجوره ندور على بنادول فتحت اول كجر قلبت مافيش فتحت تان كان مصكر وقعد مقلزه فيه لعند انفتح ونلقا في تليفون كان مسكر واضح انه جديد
قعدت نفكر لي منو ميسم تليفونها مش هكي فتحته كان فيه باسورد
قعدت نجرب كتبت ميسم عربي وانجلش حطيت مواليدها جربت لعند فشلت وقالي محاولاتك غلط سكرته ورجعته
شكي في محله من وين جاباته واضح انه غالي هلبا ونتفكر الفتره يلي فاتت تنق على ايفون وامها ماعندهاش حقه
سمعت الباب يطق فتحت
لقيتها مرت بوي قالتلي ديري شاهي خوي برا
قولتلها مريضه ديريه انتي وعطيتها بي ظهري
جبدتني من شعري وقالتلي مانعرفش اني ديريه وبس انتي تخدمي وديري يلي نقوله
قعدت نبعد فيها ونقولها شعري
قالتلي بنقعمز نلقاه في جرتي شاهي
لبست بدلة صلاة وخشيت المطبخ درت شاهي واقفه نفكر في ميسم وبوي يلي مضحوك عليه مهما كان بوي
سمعتها تنادي عليا وتقولي جيبي شاه
جهزت سفرة شاهي وقعدت نادي على وليد نبيه يرفع بس وليد طلع شكله
طريت نخش واني نرعش وقف سمير وقالي خلي نشدها منك سفره وحط يده على يدي قفزت وطاحت سفرة شاهي عليه وكان سخون شاهي هلبا
جت مرت بوي تجري ودفتني وتقولي وين عيونك شن حالك سمير ياريتك انتي محروقه
سمير ماقدرش يعيط ويضعف قدامنا كتمها وقالها لا حالي به
قالتلي جيبي طاسه تانيه
قالها معادش نبي شاه اني
لميت المرش وهيا مفنصه فيا وهوا يبصبص هلبا
واني نلم
وهيا تقوله مافكرتش ترجع مرتك ياخوي
قالها خلاص اني كلمتي ماتنزلش اصلا نفكر نتزوج
قالها وشافلي
طلعت بسرعه وحاسه قلبي مقبوض
غسلت الماعين وطلعت الكناسه حشاكم لي جنان وكيف نحط فيها لصق فيا من ظهري انخلعت وكيف بنعيط حط يده على فمي وقعد مشبت فيا ويقولي نبيك اني نبيك مهمت ديري تحرقيني نبيك كنت ندف فيه باسني على خدي واني نعيط
دفيته بقوا وخشيت نجري نبكي
نسمع في مرت بوي تنادي مادورتهاش قعدت نخبط على خدي ونعيط
فتحت عليا الباب لقتني نعيط
قالتلي نكذ انتي غير شن درت في عمري حتا أمك خلاتك ليا ياريتك لحقتيها حشمتيني اليوم
كنت مغلوله اني كارهتها هيا وخوها قولتلها اطلعي من وجهي مش ناقصاتك ياريت ربي ياخدك انتي ونرتاح
عيطت عليا قالتلي به وطلعت
استغربت انها طلعت
بعد دقايق جتني وكان معاها ساقم اني مادورتهاش
وحطاته على يدي وهوا سخون يحرق نضت نعيط وندف فيها قعدت نضرب فيها دفتني على الحيط بقوا
سمعت صوت بوي فتح الباب
فتحت شعرها شفشفاته وقطعت قفطانها وطلعت تجري تعيط واني مصدومه فيها
بوي يقولها خيرك شن صاير وميسم تقولها امي وتحضن فيها
قعدت تعيط وتقوله بنتك بتقتلني شوف شن دارت فيا في مقام امها
طلعت وقلتله والله تكذب هيا حرقتني وريتله يدي
قالتله معقوله اني نحرقها تتبله عليا شوف قدامك شن صاير فيا والله ماتاخد حقي ماعاد قاعدتلك في حوش
بوي قعد يقولها صلي على نبي بضحكي ناس علينا استهدي
قالتله لا بنطلع وربي نخليلك صغارك معقوله وصلت لي هالدرجه تضربني هذا غير شخصيتك قويه وماترضاش فيا معقوله ماتحشم من حد بنتك حتا اني في مقام امها
اني نقوله والله كذابه ماتصدقها
ميسم صكري فمك وتوا قفطانها من مزقه انتي ياكلبه
بوي حول سبته بتعه واني نقوله افهمني والله مادرت حاجه هيا حرقتني دفيتها شوف الحرقه
شح لي شعري وقعديضرب بي سبته واني نعيط بي عبرتي ونقوله حرام عليك صدقيني مره
وهيا تزيد فيه تقوله عطيها ربيها هالقليله ربايه
وهوا يضرب في اي جيهة واني حاسه روحي بتطلع مافيش من يرفع يد بوي عليا مافيش من يحميني
ضربني لعند فشل واني بديت معادش نحس جسمي استزرق
خش لي دار ولحقاته مرت بوي
ميسم وقفت عليا قالتلي تستاهلي
حطيت راسي بين رجليا وقعدت نعيط وينك يااامي ياريت متت وارتحت تعبت يارب خودني والله اكبر من طاقتي تعبت
خشت ميسم وصكرت دار
واني في صاله مقعمزه
نسمع في بوي يضحك ومرته ويهدرزو بصوت عالي
كان ظهري متكسر حاولت نوقف مسكت في الحيط لعند وقفت 🥺
وكيف بنفتح دار سمعت ميسم تقول
حطيت يدي على فمي
#يتبع
توقعاتكم 🥀🌸
