#زواج_على_الورق
#الجزء_الاول
اني مريم عمري25سنه امي انسانه طيبه هلبا وبوي صاحب شركة تصدير وخوي نادر اكبر مني بي 5سنين مسافر يقرا برا
في يوم مع العشيه
جي صاحب بابا ومرته كنا عازمينهم على العشي كانت المرا طول الوقت تشوفلي لعند بعد تعشينا قالت لي ماما انه عجبتها ونبيها لي ولدي منتصر مهندس وبي خدمته وحوشه
ماما قالتلها مش حانلقو خير منكم لكن الراي الاول والاخير لي بوها
كان تفكيري مشتت زعما يطلع نفس تفكيري الولد او لا زعما نفهمو بعض لانه متاكده بابا حايوافق لانه صاحبه هلبا
وبي الفعل بابا طلع منسق كل شي والعيله كلها موافقه ويلي زاد خلاني نوافق انه بابا يشكر فيه الولد
وبي الفعل جي مقابله شرعيه وطلعتله ماسألش هلبا بس قعد يشترط انك تلبسي طويل وسواقه لا وخدمه في حدود المعقول اني نلبس في طويل شي مش جديد وخدمه مانخدمش ولا نسوق
قلتله تمام حسيته يصعب فيها بس الحق عجبني وارتحتله
وفقت
وماحكيناش بي تليفون كان زواج تقليدي
جي العرس وخصيصا يوم الحفله
كنت متوترا مانعرفاش هلبا كنت ماحكيناش هلبا
اول ماشافني بابا بي الفيلو عيونه دمعو حضنت وقعدت نبكي وامي تقولي خلاص معاش تبكي بنبكي حتا اني كان هذا
حضنوني الاتنين وطلعو
خش منتصر ابتسملي وصورنا وروح بيا
اول ماخشيت لي الحوش كان قلبي يدق على برا من الخوف
خش لي حمام واني قعدت نحول في فيلو وقفت قدام المرايا وقعدت نمسح في وجهي ونحول في توك يلي كانو معبين شعري
لبست روب طلع من الحمام كان يجفف في شعره بي الفوطه
خشيت الحمام غسلت وجهي وشفت لي مرايا تنهتت
طلعت لقيته مقعمز على السرير
كنت قدامه مافيش اي ردة فعل دارها قالي اسمعي اني
فنصت وقلبي مكسور
يتبع
ترقبوووني نكمل ولاه نوقف
