#زواج_على_الورق
#الجزء_التالت
كيف بنغير انفتح الباب تلفتت كان منتصر خليت روحي عاديه قلتله نحسابك طلعت
كان يشوفلي من فوق لي تحت قالي ماصارليش
قرب واني قلبي بيطلع مني
منتصر حس روحه ضعف
قالي ماتحاوليش تغريني او تحسابيني بي نغير راي انتي فاهمه
وطلع
اني كانه من حط موس في قلبي جمدت
وقفت قدام الباب قلتله مش ليك لي نفسي هذا كله اصلا نحسابك طالع فا متصدقش روحك
وسكرت الباب
تنهتت وكيف حسيت روحي بنبكي في داخلي ماتبكيش مريم خليك قويه ماتضعفيش قدامه يامريم انتي قويه هوا اكيد يدير هكي حتا يستفزني
تسطح منتصر على صالون وكان تفكيره في مريم كيف كانت جذابه ومغريه
فاق على روحه شن دير انت يامنتصر مش معقوله تضعف خليك قوي مجرد زواج مؤقت
واتصل بي غزل كان يرن بس مافيش رد
قعمزت على سرير اول فكره خطرت عابالي انه نخدم نصرف على روحي حتا مانحتاج حد ونطلب نطلق منا
حاسه الوقت متعي عالفاضي يمشي
.................. .........
ام منتصر واخيرا الحمدالله زوجناه الولد وفاتها يلي موجع راسنا بيها والله ساحراته مافيش غير هكي
بو منتصر قالها تعرفي تحشمت يقول لي راجل بنتك مانبيهاش ولا يفضحنا راجل صاحبي اني قلتله يبيها هذيكا بنسحب منا كل شي سياره الحوش حسابه في البنك ويدور كيف يدبرها
ام منتصر قالتله اي هذا يلي خلاته يفيق على روحه قال والله نتزوج اهيا وحانتزوج هذيكا قلتله به عارفاته مش حايقدر كلام بس وواضح انه الحمدالله مرتاح معاها
بو منتصر قالها الحمد لله يدي على قلبي كنت هيا بنمشي لي شركه توا
....... ............. ............ ...........
نادر على سكايب يحكي مع بوه وامه
نادر شن جو مريم ليا فتره عليها
بوه ضحك قاله حتا احني معادش شوفناها
امه قالت ربي يهنيها توا عاد تزوجت قبل ديما هيا يلي تكلم فيك
نادر قالهم اي توا نكلمها
........................... ..................
فتحت الدار لقيت منتصر طالع
قمت شعري فوق درت قهوا وتليفوني اتصل
لقيته نادر ابتسمت وفتحت الخط طول قلتله نادر استاحشت صوتك كيف حالك
قالي كان استاحشتيه راك كلمتيني المهم كيف حال وحال منتصر
قلتله الحمدالله كويسين وانت شن حالك شن خدمتك
قالي عال العال شن وخيتي مرتاحه ماتبي شي شن منتصر جنبك نكلمه
تنهتت ودمعتي نزلت قلتله لا طلع قبل شويه
قالي خيرا صوتك هكي احكي في حاجه
قلتله مافي شي شن حال صحيحتك تعرف ليا وقت معادش كلمت ماما وبابا
قالي كيف كلمتهم قبلك المهم طمنت عليك توا بنمشي لي زباين
قلتله الله يسلمك وسكرت
وانغمرت بي البكي ضلمت روحي ياريت رفضت زواجه اهيا ياريت خدمت وتزوجت واحد يحبني ويقدرني مش عايش معاي مجرد خيال فقط
وتفكرت القهوا على الغاز فاضت
.................................................
قاعده في الحوش بروحي بين الحيوط حاسه روحي مخنوقه نفس الروتين تعبت من البكي حتا لي من بنشكب مافيش حاولت نعالج المشكله بروحي يلي اني فيها كنت ديما نصلي وندعي ربي يرشدني لي طريق الصواب
لعند مع ليل
لبست روب لونه عنابي لي فوق ركبه وشعري مفتوح ودرت مكياج وبرفان 💄💥
كل شي درته عمدا حتا مانبينش انه تأترت بي كلامه
قعدت نتفرج لعند انفتح الحوش
وانفتح باب دار غطيت روحي
قالي مش حايطول الوضع نوعدك
قلتله ياريت مايطولش
ملامح وجها تغيرو وفتح الكجر يلي جنبي وتجي عيني على ونلقا فنصت
وهوا توتر
يتبع
ترقبوني
😍😘
