سالي : يا ماما علشان خاطري وافقي ادخل الجامعه
الام :جامعة ايه بلاش كلام فاضي
سالييا ماما الجامعه هي مستقبلي ذي ما انتي عارفة انا مش هتجوز مش هاخد واحد يذلني بالمرض
الام : اخواتك مش هيوافقو ويلا كفايه رغي وروحي جهزي الغدا لاخواتك
= دخلت المطبخ وهي دموعها نازله ذي الشلال هي تعبت من كل التحكمات دي ليه هما بيعملو معاها كدا يعني فيها ايه لو راحت الجامعه وجربت انها تبني مستقبلها بنفسها طول عمرها بتسمع كلامهم ومش بتعارض لكن هما دايما بيتعبوها.....
(سالي بنت جميله عندها 19سنه ابوها متوفي اصيبت بمرض البرص وده بيخليها تحس بالنقص وخصوصا من نظرت الناس ليها ...
سالي :اتفضل الاكل اهو
اخوها :ومالك قرفانه كده ليه
سالي بحزن :معلش تعبانه شوية
اخوها باستهزاء :يا سلام وايه اللي تعابك انتي اصلا مش بتعملي حاجه ما فيش منك فايده غوري من وشي ده انا اصلا قرفان منك ...
=مشيت من عنده وهي دموعاها علي خدها هي اتعودت على كده بس خلاص طاقتها خلصت مابقتش قادرة تستحمل نفسها ده كله ينتهي
الام: تعالي يا سالي عايزاكي
سالي :خير يا ماما
الام : في عريس متقدملك
سالي :انتي عارفة راي في الموضوع ده وانا تعبانه ومش قادرة اتكلم
الام :لا هيجي وهتشوفيه
سالي باستسلام : اللي تشوفيه
جه معاد ان العريس يجي بس مجاش لما عرف بالمرض الحكايه مش فارقة معاها كسرت النفس زادت والجرح بقا اكبر نفسيتها تعبت من كل حاجه
=دخلت المطبخ حضرت العشا لاخواتها وامها
الام :اقعدي كلي يا سالي
سالي :معلش ما ليش نفس
اخوها :مالكيش نفس ليه زعلانه ان العريس ما جاش انتي اصلا ماحدش هيبصلك بقرفك ده
سالي وهي خلاص جابت اخرها :قولي بس انا عملتلك ايه علشان تعاملني بالطريقة دي انا تعبت والله تعبت مابقتش قادرة اتحمل نفسي بس حد يدافع عني مره واحده يا ماما
الام :وطي صوتك
سالي:هو ده اللي همك يارب اموت وارتاح
اخوها :بتعلي صوتك عليا طيب والله لاموتك انا وارتاح منك
وقام مسك عصايه كبيرة ونزل فيها ضرب لحد ما العصاية اتكسرت عليها
سالي خلاص جابت اخرها ومش قادرة تستحمل
سالي :انا هموت نفسي واريحكم
وجابت السكينه من المطبخ وقطعت شريينها ثواني وكانت واقعه على الارض غرقانه في دمها
امها جريت بيها على المستشفى بس كان خلاص الوقت فات وحياتها انتهت كان نفسها تعيش زي اي حد في سنعها كان نفسها تبني حياتها بايدها
امها فضلت طول العمر حزينه عليها بنت في عز الشباب حياتها تنتهي بالشكل ده تنتهي بسبب مجتمع مش بيرحم شايف ان البنت مالهاش اي قيمه هي كان حلمها بسيط انها تعيش سنها لو كانت لقيت شوية حنان او اقل اهتمام ماكانتش دي هتكون نهايتها ذنبها هيفضل في رقبة اي حد جه عليها وظلمها
البنت اكتر حد حساس اكتر حد محتاج اهتمام وحنيه البنت اقل حاجة هتزعلها فما بالك بقا لما ما تلاقيش اللي تفضفضله وتكتم الزعل والحزن في قلبها قربو من بناتكم واولادكم علمو الولد ان اخته مش اقل منه لازم يعاملها كأنها ملكه وما ينفعش يهينها او يجي عليها ويظلمها هي تاجه وان معاملته ليها هي دليل رجولته فكام بنت اتظلمت من اهلها ومن المجتمع كام بنت انتحرت كام بنت مشيت في طريق غلط لان ما لقتش حد جمبها........
رفقا بالقوارير 🌺🌺
