مريم....اني ضليت صافنة عليهة شدا اسوي هاي جان يصيح احمد ولج كلبة عوفيهة بعدني ستوني دا ريد احجي نزل علية دك وضرب اني كلت لو هسة لو ما اكدر بعد احجي دفتعة بكل قوتي
وكوتلة ......لك طايح الحظ اني اختك ولك اني ربيت علة ايدك تصدك هاي الي مدري منين جاية ولك هاي هي ساس البلة ولك هاي دا تجذب عليك ولك والله مارحت وياهم همة خطفوني والله هي تجذب عليك والله هي جانت دايما عدها علاقات وحتة واني احجي وابجي
ليان.....سويت نفسي كانو مريم منتفة شعري وكرفصت روحي وضليت ابجي اجة احمد ضربهة بعدين دفعتة وضلت تكولة انو اني مجذبة علية اني كمت من مكاني نجبي ادب سزز حقيرة شون تتهميني هيج اني لو صدوك مثل تددعين علية جان سوو بية مثل ما سوو بيج بس انتي كول الشغلات الي سويهة دا تذبيهة براسي وضليت اوز براس احمد لمن كام جنزهة اتجنز عدمهة العافية صدوك طفة نار السنين الي بكلبي كوتلة يلة حبيبي كوم عوفهة ختولي امشي دنصعد😉فوك صعدنة وعفناها مثل الجلبة
مريم....ظلت تلعب بعقل احمد وتوز راسة لمن كام جنزني تجنز عدمني العافية هوة العتب مو علة ليان العتب علة الي سمو اخوية بلكوة زحفت للمخزن ومحسيت علة روحي راسن نمت من التعب ومرت الايام وصار سنة ونص علة حادثت الاغتصاب واني كمت ولا حجاية احجي حدي تنظيف وطبخ وللمخزن بس ليان دايما تحرض احمد علية عمود يضربني واني حجاية متطلع من حلكي ومرة من المرات ابوية واحمد طالعين وامي وليان شفتهم يردون يطلعون جان امي صيح
ام مريم....مريم مريم بصوت عالي
مريم..نعم
ام مريم....عوظ احنة حنطلع نظفي البيت ومن اصير الماربية سوي عشة احنة ما راجعين لليل
مريم....اشرت براسي بمعنى نعم جان ليان تكولي
ليان.... نظفي الغرفة عدل اذا اجيت ولكيت كشاية بالغرفة حسابج عسير
مريم...اشرتلهة بمعنى نعم طلعو وقفلو الباب وراهم وسدو الشبابيك طبعا احمد حاط للباب والشبابيك قضبان حديدة اخاف اشرد 😏 ضليت اباوع من ورة القضبان علة الناس علطريق علة البنات الي بنفس عمري ديرحون للكلية كمت ابجي لانو جان حلمي اكمل دراستي وادخل طبية بس كولش تهدم صارلي سنة ونص مطالعة من البيت ومحد من اهل المنطقة الجديدة يدري عدهم بنية كولهة تدري اني متت حتة اهل المنطقة القديمة كول ظنهم اني ميتة واني صدوك متت مات كولشي بداخلي مكمت احس باي شي ومرة من المرات خالتي جانت يمنة خالتي هي الوحيدة الي تدري بية اني عايشة وانو اهلي سوو بية هيج تعاملهة وياية شوية احسن من اهلي بس متحسهة ظاتتعامل وية بت اختهة دتتعامل وية غريبة بس كولة اهون من اهلي خالتي اسمهة خديجة خالتي حالتهم كولش زينة احسن من حالتنة بكومة
خديجة ...ام احمد خيتي شلونج شخبارج
ام مريم...هلة خيتي بخير الحمدالله شخبارج فراس شونة
خديجة...الحمدالله اني بس والله فراس كولش متعذب بالغربة
ام مريم...ليش اسم الله شبي
خديجة....والله يا عيني هوة هناك مو كاعد بالشقة مالتة فماعدة منو يظاري جاب خدامات بس كل خدامة يجيبهة تمد ايدعة وتبوك من فلوس من اثاث وهوة خطية سودة علية كولش مل من هلوضعية
ام مريم...يا سودة علية الله يساعدة
مريم....رحت دا اسوي جاي لخالتي وجبت ويا كليجة وقدمتلهيا جان خالتي تكوللهة لامي
خديجة.....عيني ام احمد اريد اطلب منج طلب
ام مريم..اطلبي عيوني الج
خديجة..تسلم عيونج حبيبتي بس اريد مريم اخذها هناك تخدم ابني فراس
ام مريم...ضجت من كالت هيج كوتلهة لا حبيبة مريم هنانة ضل يمي فايدتنة تخدمنة اذا راحت منين اجيب خدامة الية
خديجة......حبيبية كولشي وسعرة انطيكم 20 مليون تخدمة بهل4 اسنين ها شتكولين
ام مريم ....اشوف احمد وابو احمد ونردلج خبر
خديجة..يي حبيبة مو طولين بساع بساع لانو اني خطية علمودة معندة احد يخدمة
ام مريم...الله كريم خيتي
مريم...اني واكفة واسمع حجيهم منطفت بكلمة بصدوك نقهرت لانو اني شنو سلعة ويبيعوني لو اني خدامة يودوني منا ومنا اخدم ربي لطفك بية ورة يومين تجيني امي وتكولي
ام مريم....عود خلي بعلمج حترحين لامريكا عمود تخدمين ابن خالتج واحسبي حسابج حيكطع مهر قانونيا وشرعيا علمود يسحبوج
مريم...ماما ليش هيج دا اسون بية اني مو بنتكم لو جايبيني من الشارع
ام مريم...انجي وما اسمعلج حجاية فاهمة انتي وحدة نكسة قذرة جنة مخدوعين بيج
مريم.....مطولت خلك وية امي كبل ركت للمخزن ضليت ابجي نوب صارت المغربية توضيت ورحت صليت واندعيت ربي يفرجها علية بلكن لن رب العالم مطلعني من الظلام للنور ياااااارب ورة شوية جابتلي امي الجنطة عمود احط بيهة ملابسي واخوية وابوية مكيفين حيدزون بنتهم تخدم وياخذون العشرين مليون.....وللمأساة بقية
🌷🌷🌷🌷🌷🌷🌷🌷
أنت تقرأ
#دفنوني ثم حييت من جديد
Storie breviمنقولة وكاملة❤️ رواية عراقية حقيقية رائعة تستحق القراءة
