💕أنت قلبي٢💕

الحلقة ٨٨

#انت_قلبي٢
#بوسي_مصطفى
_______________
الحلقة ٨٨

في التليفون... 📞
امل : طيب انت فين دلوقت؟
هشام : في المستشفى.
أمل : طيب اديني العنوان يا هشام.
هشام : هتيجي لوحدك و لا ايه؟!
أمل : لا هاجي أنا و بابي
هشام متغيرش هدومك علشان هننزل نروح لهشام مراته
في المستشفى.
هشام : هو بابي جه؟
أمل : ايوه لسه جاي اهو اديني العنوان بقى.

هشام الكبير : بتقولي حاجه يا امل؟
امل : بقولك متغيرش هدومك علشان نازلين..
طيب يا هشام مسافة السكه يا حبيبي و نبقى عندك.. سلام.
و قفلت أمل مع ابنها..
هشام : هننزل نروح فين؟
أمل : بقولك ياسمين في المستشفى تعبت و هشام اخدها على هناك شكلها هتعملها الليلة.
هشام : طيب ألبسي و أنا هنزل اشغل العربية.
_____________

في فيلا آسر..
آسر بفرحه : مبروك يا حبيبتي.
سهر : هههههههههههه
يا ترى مليكة لما قالت لسيف عمل ايه؟
آسر : اكيد فرح طبعاً.
سهر : فاكر يا اسر لما حملت في مليكة عملت ايه وقتها؟
آسر : هههههههههههه
لا مش فاكر.
سهر : أنا بقى فاكره.
آسر : ما انتِ عارفه الذاكرة عندي بعافيه شوية
ههههههههههههه
سهر : مليكة كانت فرحانه اوي.
آسر : خليها تخلي بالها من مذاكرتها مش معنى انها اتجوزت
و في بيبي جاي في السكه تهمل في دراستها دي اخر سنه
يا حبيبتي يعني كلها كام شهر و تتخرج..
سهر : قولتلها كل الكلام دا يا آسر مش هتنام بقى؟
آسر : هنام حاضر.
سهر : ايه مالك؟
آسر : منه...
سهر : مالها منه؟
____________

في غرفة منه و في التليفون 📞
منه : لا ما هو انا مش هفضل متعلقة كده يا سلمى قولي
لـ اخوكي يخلصني أنا عايزة ورقة طلاقي توصلني يروح
لـ المأذون يطلق في المحكمه يتصرف و يبعتلي ورقة طلاقي
أنا مش هفضل كده.
سلمى : حاضر يا منه بس اصبري.
منه : كل دا و شايفاني مصبرتش يا سلمى؟!
سلمى : حاضر هكلمه و اشوفه ناوي على ايه.
منه : ناوي على ايه فيه ايه؟!
اخوكي يخلصني و يبعتلي ورقة طلاقي دا آخر كلام عندي.
سلمى : طيب حاضر.
منه : تصبحي على خير.
سلمى : و انتِ من أهل الخير.
____________

في شقة سيف..
سيف : هههههههههههه
لا يا حبيبتي بألف هنا و شفا مقصدش طبعاً بس مش
من عادتك تاكلي الكمية دي.
مليكة : بصراحه نفسي مفتوحه اوي هات المخلل
اللي عندك ده.
سيف : اتفضلي.
مليكة : لذيذة اوي الشاورما دوق هتعجبك.
سيف : بقولك شبعان و مفيش مكان فاضي في معدتي
اصلا علشان اجازف و أكل بس حاولي متكتريش
من المخلل علشان معدتك ها.. اكيد فاهماني.
مليكة : الحمد لله
شبعت كفاية كده.
سيف : الو.. ايوه يا بابا؟
مليكة نظرت لـ سيف بدهشه.

سيف : لا لسه منمتش.. يوم الجُمعة بقى.
تمام يا حبيبي تصبح على خير.
و قفل سيف مع والدة.
سيف : ايه يا حبيبتي فيه ايه؟
مليكة : اصلك اتكلمت فجأة كده
معرفش اصلا انك بتكلم باباك..
سيف ببتسامة : التليفون كان في أيدي ضغطت اتصال بابا رد عليه كلمتين في السريع كده علشان يلحق ينام أنا عارف انه بيحب ينام بدري خصوصًا بقى بعد ما
رجع تاني يمسك حسابات المحلات بتاعت ماما.
مليكة : سيف انت هتنام؟
سيف : عايزة حاجه؟
مليكة : لأ بس...
سيف : ايه مالك؟
اوعي تقوليلي معدتك بتوجعك؟!
مليكة : يعني.
سيف : خلاص اشربي لبن.
مليكة : مش عايزة.
سيف : خلاص انزل اجيبلك دوا من الصيدلية.
لأ دوا ايه؟! صح انتِ حامل و مينفعش تاخدي أي حاجه
من غير استشارة الطبيب
ههههههههههههه
مليكة : انت بتضحك على ايه؟!
سيف : هكون أب يا ملوكه.
مليكة : انا في معدتي دي دلوقت اعمل ايه مش هعرف أنام.
سيف : اقولك على حاجه تخليكي تنامي؟
قربي بس خايفه ليه؟
مليكة : ها اديني قربت.
احتضنها سيف : كده بقى الوجع اللي حساه في معدتك هيخف.
مليكة : يا سلام!!
سيف : ايوه مش مصدقاني و لا ايه؟
مليكة : ايوه..
سيف : طب هشيل الحاجه دي و اجيبلك اللبن.
مليكة : هاتلي شوكليت معاك.
سيف : اممم هو انتِ لسه هتسهري لـ الشيكولاته كمان؟!
مليكة : خلاص يا سيف مش عايزة.
سيف : عيله هههههههههه
هجبلك اللي انتِ عايزاه حاضر.
__________________