صحيت من النوم على صوت صريخ جامد وهزه ف الارض قومت من علي السرير وجريت معاهم لحد تحت وانا مش فاهم ف اي لحد ما سمعت الناس بتقول زلزال وقاعدين ف الارض وبيصوتو ومره واحده سمعت صوت جامد صوت حاجة بتقع وبعدها هزت الأرض اختفت بس صوت الناس بقى أعلى واعلى وكله بيبص على عمارتنا بصيت عليها معاهم ومن الصدمه مقدرتش اتكلم ولا اعمل اي حاجة انا مش مصدق انها وقعت ومن هنا تبدأ الحكايه
محمد 19سنه شاب طويل ابيض اللون شعره بني عنيه عسلي فاتح شاب رياضي عايش مع ابوه وامه ومعندوش اخوات
(....back....)
قعدنا ف الشارع لحد ما الشرطه اجت وسمعنا الجمله الشهيره معلش عيب اساس وهي كده كده كانت هتقع عشان اساس العماره غلط طب الوقت اروح فين انا وامي وابويا معندناش قرايب ولا صحاب قالو ملناش فيه اتصرفو قعدنا ف الشارع يومين وطبعا منغير اكل ولا فلوس ومش عارف اجيب علاج لامي.... امي مريضه سكر ولازم تاخد حقنه الأنسولين وإلا هتموت مش عارف اعمل اي ولا اروح فين بعد فتره عرفت ادبر مكان نعيش فيه َ ولقيت شغلانه بس كان فات الأوان وامي ماتت متخيلتش ف يوم انها هتمشي وتسبني انا قعدت اكتر من شهرين ف حاله صدمه ومش الصدق البيحصلنا والي زاد وجعي اني معرفتش ادفنها وعشت انا وابويا ف حاله بيت صغير اجرناه بمبلغ كان دين عند صاحب ابويا ورجعه بعد الحصل وعدت الايام والليالي واجي معاد تقديم الكليه وطبعا مدخلتش كليه عشان معيش. حق مصاريفها واشتغلت كاشير ف سوبر ماركت قريب وعشت انا وابويا ومرت 3 سنين على الوضع ده لحد ما قبلتها مكنتش شايف ولا مركز مع غيرها بنت جمله زي الملاك و عنيها عسلي فاتح قصيره وشبه الأطفال صوتها رقيق وخدودها حمره ورشيقه و محجبه اسمها رهف
كانت جايه السوبر ماركت تجيب حاجات وشفتها وكان معاها صاحبتها من ساعه ما شفتها وانا مش بفكر غير فيها وطنشت كل حاجه وكل الي شاغل بالي اوصلها ازاي عرفت من حوارها مع صاحبتها انها نقلت المنطقه قريب عشان جامعتها وهشوفها كتير ف السوبر ماركت انا كل الي كان شاغل بالي هوصلها ازاي او حتى هي هترضي بيا...مع الوقت بدأت تيجي كل جمعه تجيب طلبات وانا كنت خايف اكلمها كانت كل ما تيجي افضل ابص عليها مكنتش بشوف غيرها انا كنت شايفها ف كل حته وكل مكان لحد ما في يوم قررت أكلمها
محمد: لوسمحتي...
رهف:نعم؟!
محمد : كنت عايز حضرتك ف كلمتين بس اسمعيني الأول قبل ما تقولي اي حاجة ..
رهف :اتفضل..........
محمد :انا بحبك.
رهف: نعم انت بتقول ايه انت شكلك مجنون ولا شارب حاجة.....
محمد :لوسمحتي اسمعيني للاخر انا عايزك تبقى ليا انا بحبك
رهف: انت شايف نفسك بتقول ايه انا معنديش وقت للكلام ده
ولفت ضهرها ومشت حاولت اوقفها بس معرفتش مشت ومشفتهاش تاني..
كنت مضايق جدا ومخنوق سبت الشغل وروحت لقيت ابويا مستنيني...
اي يابني مالك.
مفيش حاجة رديت عليه ف عصبيه ودخلت اوضتي ورزعت الباب
الاب: يبني مااااالك في ايه متوجعش قلبي عليك كده
محمد: متتعبش نفسك انا تمام
و حاولت انام كتير معرفتش وكنت متعصب اوي وقعدت افكر ازاي ابقى شخص معاه فلوس عشان اخرج بره الزل والقرف ومع التفكير نمت صحيت الصبح وقررت انزل اكمل تعليمي واحاول اجمع مبلغ للكليه وانا كده كده محوش شويه وبالفعل الحمد الله قدمت واتقبلت ف كليه تجاره..
بعد مرور اربع سنين..
الحمد الله اتخرجت بعد تعب سنين كان نفسي ابويا وامي يبقو معايا سرحت وافتكرت يوم موت ابويا من سنتين..
ابويا بيرن كتير اوي اي الراجل ده مبيزهقش والله منا رادت وفضلت مكمل الي بعمله خلصت شغل بلليل وروحت..
ترررررن تررررررررن برن الجرس محدش بيرد اتخضيت عليه كسرت الباب لقيته مرمى ف الارض ومكنش معايا اوديه مستشفى كنت حطيت كل الي معايا مصاريف الترم للجامعه ومات ابويا زي ما ماتت امي...
قعدت اعيط بهستريا لحد ما نمت صحيت الصبح ونزلت ادور على شغل ومفيش طبعا عشان انا حظي مايل ورجعت كاشير تاني فضلت سنه ونص متمرمط لحد ما لقيت شغلانه كويسه ف شركه عملت انتر فيو واتقبلت كا محاسب مرتبي كان 2050 مرتب مكنتش احلم اني اخده فمكان مكنتش أحلم اني اوصله ومع الوقت اترقيت وجبت شقه جديد واترقييت تاني وتالت وكنت مبسوط ف خلال الست سنين دول لحد ماسبت الشركه وقررت افتح مشروعي الخاص فتحت شركه استيراد وتصدير ونجحت الحمد لله ومع الوقت بقي معايا فلوس ضعف الي كنت احلم بيها
بس عمري ما نسيتها ده هي حب عمري الي مقدرش استغني عنه كلمت باباها واخدت معاد وطبعا وافق عشان الفلوس وحددنا معاد الفرح منغير حتى ما توافق تقريبا ابوها مصدق يخلص منها بعد ما فركشت خطوبهتا الي فاتت وبالفعل اتجوزنا غصبن عنها بس انا متجوزتهاش عشان بحبها بس وعايزها ليا ف سبب تاني وهو اني انتقم منها واعرفها انها مكنش ينفع ترفضني زمان وبدأت قصه العذاب من اول اسبوع بعاملها معامله وحشه وبتأمر علي اي حاجه بتعملها بزعقلها واشتمها وكنت بزلها بس كل ده من ورا قلبي كنت بعمل كل ده وقلبي بيتكسر بدل المره الف لحد ف مره ضربتها جامد......
(................)
انتي ايه نزلك كده
نزلني كله ازاي يعني
ايه القرف ال انتي لبساه ده انتي عايزه تعريني قدام الناس
انا مش فاهمه انت ازاي بتعاملني كده عملتك اي انا مش كفايه متجوزني غصب عني انا بكرهك وبكره عيشتي معاك........... محستش بنفسي غير وانا بضربها بالقلم وبزعق بصوت عالي لحد ما شفتها بتعيط ومكسور قدامي مقدرش اكمل ف العايز اعمله فيها قلبي غلب عقلي سبتها ومشيت عشان ضعفي ميبنش قدامها اخدت عربيتي ومشيت فضلت ماشي مش عارف رايح فين لحد موصلت ف حته مقطوعه كلها شجر ومكنش في شبكه فضلت واقف حوالي ربع ساعه منغير هدف مش عارف اعمل اي قعدت اقول يارب انا غلطان اني حبيتها يارب حنن قلبها اتجاهي وقعدت ادعي ربنا لحد ما النهار طلع وشوفت الطريق ركبت العريبه وروحت دخلت البيت قعدت ادور عليها مش لاقيها وقعدت انادي عليها مبتردش دورت ف كل الشقه مش لاقيها لحد ما دخلت المطبخ لقيتها واقعه علي الأرض وفي دم كتير من كتر الدم مش عارف فين الجرح شلتها وانا مخضوض ومش شايف حوليا وروحت على المستشفى دخلت العنايه المركزه وانا مش فاهم ف اي الدكتور خرج اهو
دكتور كلمت الدكتور بقلق طمني ف ايه هي كويسه
دي محاوله انتحار قطعت شراين ايديها
انتحار؟؟....
قولتها وانا مستغرب وخايف انا مش فاهم ليه معقول انا السبب....
وبعدين سمعت صوت عالي من اوضتها والممرضه بتجري وبتقول للدكتور مفبش نبض الدكتور دخلها جري وانا واقف مش مستوعب ان انا ممكن اكون سببها ضيعها مني معقول انا السبب لالا مستحيل انا حبيتها جدا وبرغم من اني كنت قاسي معاها الا اني كنت قررت خلاص اوريها حبي ليها لالا اكيد انا في حلم.
خرج الدكتور وقال
البقاء لله ......
اي محستش بنفسي غير وانا على سرير ف المستشفي وفي جنبي ممرضه
هو حصل اي
حضرتك انهرت بعد سماع خبر وفات المدام
مدام اي الي ماتت انتو اكيد بتهزرو ده مقلب صح قولت كده وانا مرعوب لكون خسرتها
سبت المستشفى ومشيت روحت البيت وانا مش مصدق الي حصل دخلت الاوضه لقيت ورقه على السرير مكتوب فيها....
محمد انا قررت انتحر واخلص من حياتي وقرفها انت عمرك ما حبيتني اناا عارفه لأنك لو كنت حبيتني عمرك ما كنت هتعمل َ فيا كده انا اكيد منتحرتش عشان القلم الي اخدته فاكر يوم الفرح انت قولت اي إنك اتجوزتني عشان تذلني وتقهرني وانت عارفه اني بحب خطيبي ال انت خليته يبعد عني و تعالي أقولك بقى انا لي فكرت ف الانتحار بعد ما سبتني ونزلت انا جالي تلفون من رقم غريب
رديت.....
الو مين..
مش مهم تعرفي مين اعتبريني فاعل خير
افندم عايز اي
انا حبيت اعرفك ان جوزك المصون كان سبب ف موت خطيبك عمار مكنتش حادثه زي ما اتقال
نعم انت بتقول اي
هبعتلك فديو هيأكد كلامي محمد كان خاطف عمار عشان يكلمك يفسخ الخطوبه وكان بيعذبه لحد ما فسخ الخطوبه وبعدين اداله جرعه كوكاين زياده وركبه العربيه وشال الفرامل وخلاه سايق لحد ما وقع ف النيل طبعا انتي فاكره انه اختفى متعرفيش انه مات
بطل هبل اي الهري ده مستحيل
هسبتلك......
وقفل الخط ولقيت رساله جايه عباره عن فديوهين اول فديو فيه عمار مربوط ف كرسي ووشه كله دم من المنظر مقدرتش اشوف الفديو وقعدت اصوت واعيط واتشجعت وفتحت الفديو التاني لقيتك فيه وانت بتشربه الكوكاين وبتركبه العربيه وساعتها قررت انهي القرف الي عايشه فيه ده بس قبل ده كان لازم احسابك وبعت الفيدوهات دي للشرطه وزمانهم على الباب
خلص الجواب
من الصدمه مش قادر اتحرك ومره واحده لقيت الباب بيتكسر عليا ظابط وكام عسكري اخدوني وانا ساكت ومش قادر اتكلم ولا اتحرك مش مصدق ان حبي كان سبب موتها انا قتلته عشان تبقي ليا لوحدي والوقت ماتت وسابتني اخدوني على القسم وبعدين المحكمه حكمو عليا بالإعدام وقبل ما يعدموني قالولي عايز تقول حاجه واخر جمله ليا كانت
لقد كان حبي ضررا...
.... .النهايه.....
