ماضي لا ينتهي

الحلقة ٩٤

#ماضي_لا_ينتهي
#بوسي_مصطفى
_______________
الحلقة ٩٤

في شقة خيري..
سامية : عدي افتح الباب يا ابني.
عدي : حاضر يا ماما.
ليلى عينها من باب الشقة و منتظره عدي يفتح الباب.
شريف ببتسامة : سلام عليكم.
عدي : و عليكم السلام.
اهلااا بـ لوله مبتجيش ليه؟؟
كده بقى انا زعلان منك.
ليلى : و حضرتك مبتجيش ليه عندنا؟
نظر عدي لـ شريف.
شريف : شايف من غير ما اقولها حاجه اهو...
رد انت بقى و جاوب.
عدي : اصل يا حبيبتي برجع من الشغل تعبان.
ليلى : بابي كمان بينزل الشغل كل يوم و بيجي عندكم حضرتك بقى مبتجيش عندنا ليه؟
شريف : هههههههههههه ادخلي يا ليلى.
هو مش قادر ينطق اصلا.
عدي يهمس لـ شريف : بنتك لمضه اوي.
شريف : هههههههههههه
معلش يا حبيبي طالعه بس لـ عمها.
عدي : اللي هو انا  !!
تمام اتفضل ادخل بقى.
ليلى تقوم تاخد ليلى الصغيرة وتحتضنها : اهلاااا  لوله حبييتي وحشاني.
ليلى : حضرتك كمان يا عمتو مبتجيش عندنا..
شريف : هههه ازيك يا ليلى؟
ليلى : الحمد لله.
عدي : اقعدي يا لوله اما اجيبلك آسر تلعبي معاه.
ليلى الصغيرة : طيب بس متتأخرش علشان بابي مستعجل.
سامية : هو مين اللي مستعجل يا لوله؟
يقوم شريف ببتسامة يسلم على مامته ويُقبل يدها.
شريف : دي ليلى بس بتحب تهزر يا ماما.
ليلى الصغيرة : لا حضرتك قولت هتاخدني
الملاهي اوعي متوفيش بوعدك كده ازعل.
سامية : هههههههههههه
طب حضن بقى لـ تيته.
ليلى الصغيرة : حضن و بوسه كمان.
سامية : يا روحي متحرمش منك.
شريف شاف ليلى قلقانه :
ايه يا ليلى مالك؟
ليلى : مفيش انا كويسه..
تخرج رهف و معاها آسر تجري ليلى الصغيرة تاخده منها
و تلعب معاه.
______________

في منزل والد هيثم..
رانيا : معلش يا هيثم مش هقدر ابات هنا الليلة.
هيثم : حاسس بيكي طول الليل منمتيش.
رانيا : معرفتش ابدا أنام حاولت كتير لحد ما تعبت حتى مكونتش قادرة اقوم الصبح.
هيثم : خلاص اطلعي اهو حتى تاخدي الولاد معاكي.
تقى : بابي هي تيته هتفضل تعبانه قد ايه؟
هيثم : ادعيلها يا حبيبتي تخف.
ياسين : أنا بدعيلها تخف و تبقى كويسه.
هيثم : شاطر يا حبيبي.
يحيى بيخبط.
هيثم : ادخل يا يحيى.
يحيى : سلام عليكم.
يرددوا : و عليكم السلام.
يحيى : ماما عامله ايه النهاردة؟
هيثم : ليه انت كنت فين؟
يحيى : من الصبح بره كنت بشتري شوية حاجات ما انت عارف بقى الصحاب و كده و كل واحد عايز حاجه تفكره بمصر و الأكل بتاعنا رغم إن كل حاجه هناك
بس يا اخي مش زي طعم الحاجه اللي بتيجي من هنا.
رانيا : تاخد فطير معاك؟
يحيى : لا هيسيح مني.
رانيا : يسيح ايه بس؟!
لا طبعاً مبيحصلش الكلام ده.
يحيى : يعني السمن اللي بيكون فيه مبيسحش و يجي على الشنط بقى و كده اصل انا وسوس بصراحه و بفضل ابص كده كل شوية على الحاجه اللي بتكون معايا.
رانيا : لا متقلقش بكره اعمل كام فطيرة كده تاخدها معاك.
يحيى : متشكر اوي يا رانيا.
هيثم : ابقى افتكرينا بحاجه.
يحيى : هههههههههههه
رانيا : طبعاً هعمل لينا امال ايه.
يحيى : طب هدخل اطمن على ماما و اطلع انت بات
في شقتك الليلة انا بايت هنا.
هيثم : لا اطلع شقتك انا روقت الأوضة جوه متقلقش.
يحيى : انا يومين و مسافر هباتهم هنا مع ماما.
و دخل يحيى لوالدته.
رانيا : انا من رأيي تسيبه براحته
هو زي ما قال كلها يومين و يسافر خليه يبات هنا مع مامتك.
هيثم : لما يطلع بس نبقى نشوف.
يلا يا ولاد اطلعوا مع مامي..
_____________