البارت الاول، تحياتي الكاتبة
(/A_E_N_A_S/),,,,,,,.دنيا كضيناها قهر
شوبشر مايرحم بشر
الناس متغيرة احس،،
،،واليوم اصعب من امس 🖤
👇،،✍️،،،👇
بغداد صبح ساعة 11_6 يوم الاحد
كعدت عل صوت امي تكولي اكعدي وياية حتى نروح
كعدت غسلت وجهي كلت مادام اليوم عيد المعلم ماداوم
واروح وي ماما اساعدة بتنضيف وهم اطلع اشوف ناس
لين احنة دائما نروح نفرات فيعني نمشي شوية نغير جو
غسلت وجهي واني صافنة على روحي بالمراية وكلت اليوم اكول
لماما من نرجع انشتري لوشن لين جو بارد ونغسل بامي كلش بارد واحنة باشهر 1 فأ واني صافنة فزين عل صوت امي
كلتلي يالفاهية يلا لتصفنين بدلي بسرعة وراية تنضيف لازم انضف بيتين بيت لحجية وبيت ثاني
(باوعتلهة)
كتلهة قصدج بيت ام تاج بس لبيت ثاني بيتمن
كالت ولله ام تاج حاجية لصديقتهة عني وكلتلهة وضيعتهة
تعبانة وامينة متمد ايدهة وخوش مرة وكفلتني عل
مسئوليتهة وقبلت الآمرة صاحبتهةعدهة ابنهة هستوة
مزوج ومرتة متنضف فاردتني انضفلهم وعزل وتنطيني
هل قاسمة الله واذا قبلت يية احجيهة بلكي ملابس من مرت ابنهة عل قياسج
لين هية طالبة مال اعدادي
بوعتلهة نعقج وجهي لين اضوج من امي تجيب
سيرة ناخذ ملابس استنكف بس مجبورة
كالت يلا لاتنعقجين حبيبتي الله يسهل ويجي ضلين تنطين ملابسج صدقة وتلبسين كلة جديد يلا بدلي حتى
اخذج وياية لبيت ام تاج
انضف انوب تنتضريني بالباب مال الامرة لين كالت البيت
قاسميلهم مشتمل ومادري اذا بس لمشتمل يتنضف ميحتاج ثنينة تنتضرين
بالباب علما خلص وإذا كل لبيت اصيحج اساعديني فهمتي
كتلهة اي ماما. لبست جبة وشال وطلعت وي ماما رحنة نفرات لى زيونة البيوت هناك تجنن اني امشي بشارع
وبس صافنة وتخيل عدنة بيت هناك واغلبيت لبنات هناك
مومحجبات ولايباوعن علية عبالك يعرفني من جبتي منضفة مو من عدهم وصلنة لبيت ام تاج
(طبعا امي
متعودة تنضف لى ام تاج لين هية الأمر كاعدة وحدهة واولدهة مسافرين كلهم يدرسون باخارج ومتكدر وحدهة
تنضف)
وصلنة لبيتهم دكينة الباب طلعت الحجية سلمت علينة وفتنة جوة بلشنة تنضيف
امي كلتلي نضفي المطبخ واني انضف الغرف نزعت
جبة ضليت باتراك وضافرة شعري جاي انضف
وصلت لشبابيك مال مطبخ كلتلي لحجية امسحيهن بالمعقم
وراحت فا المطبخ الشباك مالتة يطل عل حديقة جوارينهم فاواني
جاي المع باشباك واشوف ولد شاب يطلع عمرة 28
طلع باشورت مال سباحة
وبدون فانيلة فاصافنة علي شلون نزل بالمسبح مال لحديقة وجو ثلج شنهل قابلية
جان ينتبه علية فباوعلي جان يخزرني ويعقج وجهة
حجيت وي نفسي كبر هاذة لويش يخزر بي سويتلة هاي كلهة
لين اباوع علي شكد لوكي
اني ضليت صافنة جان يئشرلي يكلي شكو تباعين
اني كلت كبر حتى كبر صفكت بثنين أيدي
وغميتة وكلتلة اكو واحد من صبح وجو ثلج وينزل
للمسبح هاذة خبل موصاحي
من غميتة نصدم مني فافرلي بايدة يئشر علية خبلة
اني ضجت منة جان اتفل عل جامة واهو ديباوعلي وسديت ستائر مال شباك ورحت من شباك لستقبال
ردت اشوف ردت فعله
شفتة كلب وجهة ولف لمنشفة وطب لبيتهم كلت راح يجي ويشتكي لل حجية و لحجية تبطل امي
شلون ياربي كلت خل اخلص بسرعة وافلت كمت ركض ركض انضف فاخلصنة بساع جان لبست اجبة وامي لبست عباتهة وطلعنة لحجية طت لى امي فلوس و
كالت لحجية
صاحبتي بيتهم بصفنة لي ترديج تنضفين عد ابنهة نصدمت عبالك ضربني شرجي من الخوف امي طلعت واني طلعت
وراهة رجلية وحده طك بالثانيةكلت راح اترزل ويطردون امي. وصلنة لبيتهم امي دكت الباب اني وكفت وراهة
كلتلي انتضري يم الباب فاطلعتلهة مرة متوسطة بالعمر ودخلتت امي لبيتهم اني رحت
كعدت عل رصيف كلت مانتضر يم الباب خاف يطلع
لل حديقةالولد لتفلت علي ويشوفني ويسوي مشكلة واني كاعد عل رصيف صافنة
سمعت صوت وراية مال الولد يكول
عرفو ينطوج اكل بس معرفو يربوج لمفروض من ينطوج لخبزة تاكليهة ينطوج وياهة تربية. لين مامترابية ومتستحين لتفت علية؟
يتبع،،،،
اتمنى استمتعتو بالبارت ونال اعجابكم تقدير لل تعب
دوسو نجمة فدوة الكمر لديقرة لقصة
تصويت فضلاً وليس أمراً ونشر حسب تفاعل اذا
شفت تفاعل وتعليقاتكم الحلوة انشر البارت الجاي
أنت تقرأ
(فعجز لساني عن وصف حبي لك)
Randomا القصة 100/100حقيقية سمي نورس (امي سمتني عل اسم بيبيتي الله يرحمهة) عمري=18 الساني طويل بس للي يمسني بحجاية احب اصفن هوي يجي عل بالي حيات احلا من هيج هادئة وكتومة اني ساكنة بغداد كاعدة ابيت اجار وية اهلي احنة اربع نفرات اني واخوية الكبر مني عمرة...
