💕أنت قلبي٢💕

الحلقة ٨٩

#انت_قلبي٢
#بوسي_مصطفى
_______________
الحلقة ٨٩

في المطعم..
إياد : أنا بقى جيت على هنا علشان بصراحه جعان أوي مفطرتش قولت فرصه يعني تاكلي معايا..
منه : بس أنا شبعانه.
إياد : يعني تاكلي أي حاجه.. اجبري بخاطري حتى.
الويتر يضع الأكل : حاجه تانية يافندم؟
إياد ببتسامة : متشكر.
يلا بقى يا منه الأكل ريحته تجوع أنا عارف انك بتحبي الأكل ده و طلبته مخصوص عشانك
منه : ميرسي بس انا بجد مش هقدر احط حاجه في بُقي.
إياد : هو الأكل لذيذ بس مش زي أكلك طبعاً.
نظرت منه لـ إياد بدهشه و سكتت.
بعد شوية...
إياد : الحمد لله
نطلب حاجه بقى نشربها
اوعي تقولي في دي كمان مش عايزة.
منه : لا انا هطلب نسكافيه.
إياد : و أنا هاخد سحلب.
شاور لـ الويتر طلب منه النسكافيه و السحلب.
منه : ضيعنا وقت كبير من غير فايدة ممكن بقى تدخل في الموضوع على طول علشان متأخرش.
إياد : هو هو نفس الكلام اللي قولتهولك يا منه معرفش ليه لازم حد يكون معترض على رأي التاني؟!
لما قررت قبل كده ننفصل كنتي معترضه و دلوقت لما حبيت نرجع تاني رافضه ليه بقى؟
منه : علشان مش كل حاجه بتيجي في الوقت و الميعاد اللي احنا عايزينه.
إياد : أنا مش راكب قطر و فاتتني المحطة اللي نازل فيها
يا منه!!
في أمور ممكن تتصلح مش لازم ننشف دماغنا في كل حاجه.
منه : بالعكس أنا كنت صبوره اوي حتى كنت مستغربه نفسي
بس يمكن وقتها كنت لسه بحبك.
إياد : و دلوقت؟
منه : مش عارفه...
بس اللي متأكدة منه إني مبقتش عايزة اي حاجه دلوقت
غير إني اعيش في هدوء و بس زي ما قولتلك.
إياد : يبقى أنا كده معملتش حاجه.
منه : المشوار جه على فشوش تقصد يعني؟
إياد : واخده على خاطرك و فاهم ده لكن عدي زي
ما أنا عديت كتير قبل كده.
منه : لما ابقى واثقه انك عايز ترجع علشاني وقتها ممكن افكر.
إياد : امال هبقى عايز ارجعلك ليه؟
منه : مجرد صورة بس قدام ولادك و اخواتك.
إياد : منكرش إن ضغطهم عليه خلاني اعيد حساباتي و أفكر تاني في حياتنا بس لو مفيش رغبه حقيقيه جوايا عمري ما هقعد قدامك دلوقت و اقولك الكلام ده.
منه : في إيدك تبدأ من جديد
في علاقة متنقصش من كرامتك و لا تقلل من احترامك لنفسك.
إياد : ما خلصنا من الموضوع دا بقى يا منه انتِ معندكيش غيره و لا ايه؟!
منه : اتعصبت ليه لما قولتلك الكلام ده؟!
إياد : هنفضل نعيد في نفس الكلام بدون فايدة
ملوش لازمه بقى الكلام في الموضوع ده.
منه : خلاص من غير عصبيه.
إياد :خلاص يا منه فكري في كلامي و مستني ردك.
منه : رايح فين؟
إياد : همشي.
منه : اووك.
إياد : مش هتروحي؟
منه : لا قاعدة شوية.
إياد : اوك بعد إذنك.
بعد خمس دقايق رجع مرة تانية.
إياد : نسيت التليفون و كمان محاسبتش.
منه : عادي مفيش مشكلة.
بيشاور إياد لـ الويتر.. ويدفع الحساب.
إياد : هشرب السحلب بتاعي و لا تشربيه انت ِ ؟
منه بتحاول متضحكش.
منه : لا انا بشرب النسكافيه بتاعي.
يشرب إياد كوبايته.
إياد : ما تيجي اوصلك.
منه : ميرسي.
إياد : ميرسي ايه؟
أنا هوصلك البيت الجو برد و مينفعش تقعدي كده لوحدك.
منه : و فيها ايه؟
إياد : خلاص براحتك.. بعد اذنك.
منه : اتفضل.
_____________-