احببتها لدينها

الفصل الثاني

حياة:بابا انا عايزه ننزل نخرج شويه قبل ما الدروس تبدأ أن شاء الله
حسام :طيب خدي رقيه وزين وانزلوا
حياة:لا طبعا لازم تكون معانا مليش دعوه
حسام :انا باجي من الشغل تعبان مش هقدر انزل
حياة: خد يوم اجازه من الشغل عشان خاطر بنوتك
حسام: انا هحاول  بس لو موفقوش خلاص
حياة :ماشي كده كده بكره الخميس أن شاء الله فخد اجازه بكره عشان الجمعه ترتاح في البيت
حسام :أن شاء الله وأمسك هاتفه واتصل بالشركه واستاذن واخد اجازه
حسام:وافقوا علي الاجازه حظك حلو
حياة بحماس :طب الحمدلله يالا بقي نفكر نروح فين

حسام :براحتكم بقا شوفوا انتو
زين :احنا هنخرج علي الساعه ٥ كده اكون جيت عشان مش هينفع اخد اجازه خالص
حياة :مش مشكله المهم نخرج كلنا مع بعض أن شاء الله

رقيه :احنا نروح المنتزه واعمل الاكل واخده معانا ونقضي اليوم ونرجع
حياة: فكره حلوه
صلوا العشاء وخلدوا للنوم وفي الساعه ٣ استيقظت حياة وصحت الجميع ليصلوا القيام قبل الفجر
زين :انا مش مصدق في حاجه غريبه
حياة :في اي
زين بضحك :انت اللي تصحينا الله اكبر ما شاء الله خايف احسدك
حياة :انا فرحانه ومش عايزه اتخانق فاهمشي عشان مش هعرف اسكت قوم بقا
ثم نزل زين وحسام لتأديه صلاه الفجر وقامت حياه ورتبت المنزل وجهزت الفطار وتناولوا الافطار وقامت رقيه لتطهو وصلوا صلاه الظهر
حسام :صحيح اي النشاط ده كله يا حياة
حياة : يا بابا انت وزين عليا النهارده طب اعمل اي اقوم متأخر تقولولي أني مش نافعه اقوم بدري تقولولي اي النشاط ده اعمل اي
رقيه:مزعلين بنتي حبيبتي ليه
حسام : لا يا حبيبتي كنت مستغرب بس😂
حياة :لا يا بابا اتعود علي كده عشان الدراسه هتبدا فلازم انظم وقتي ان شاء الله
حسام :ربنا يوفقك لما يحب ويرضى
حياة: يارب
وذهب حسام لصلاه العصر وأتي بالحلويات عشان الخروجه
حياة:بابا في المصاصه
حسام : هو انت متاكده انك عندك ١٨ سنه
حياة :ايوه
حسام:اومال انا حاسس ان معايا طفله ليه في واحده قدك تطلب مصاصه
حياة :البنت مهما تكبر هتفضل صغيرة صح يا مامتي
رقيه بضحك :طبعا طبعا
تقابل زين مع حسام في المسجد عن صلاه المغرب وأدوا الصلاة
حياة بفرحه :اخيرا جيت يالا بقا عشان ننزل
وحضروا حالهم ونزلوا
رقيه : امتي بقي يا زين نفرح بيك يا بني
زين :مش عارف يا ماما أن شاء الله خير
رقيه: ربنا يرزقك بالزوجه الصالحه يارب
وتغدوا وحلو كمان
حياة :زين قوم نتمرجح
زين :يا بنتي انت واحده كبيره علي المرجيحه
حياة :خلاص راحتك تعالي مرجحني ومتركبش
اخذ زين حياة ومرجاحها ورجعوا الي والديهم
زين :احكولنا بقي عرفتوا بعض ازاي
احمر وجه رقيه حياة اي يا ماما متتحرجيش احنا ولادك😂😂
حسام :كنت راجع من الشغل وشوفتها وبصراحه واول ما شوفتها حسيت براحه جدا وكانت لابسه فستان اسود عليه خمار احمر وكانت حلوه اوي الصراحه وبعدها علي طول رحت للرؤيه الشرعيه وهي ارتاحتلي واتجوزنا الحمدلله
زين :يارب اخد واحده زي ماما  القمر  يارب متكونش زي حياة
حياة : هو انت تطول تاخد واحده زي ونبي اسكت
زين : شكرا مش عايزه يارب لا 😂
وضحكوا وصلوا العشاء وتمشوا علي البحر شويه وذهبوا للمول ورجعوا البيت
حياة : النهارده كان يوم جميل الحمدلله
اتصلت حنين :حياة انا الخطوبه أن شاء الله يوم السبت أن شاء الله
حياة :بجد ربنا يتمم علي خير يا روحي ربنا يفرحك يارب
وخلدوا للنوم
وفي اليوم التالي بعد أن صلي حسام وزين الظهر استأذن زين من  والده  لكي يشتري بعض الأغراض