عطور منثورة

البارت العاشر

السلام عليكم…..

وحگ لجنت احبهن بيك ونباگن
بعد وجهي وي وجهك حلم يتلاگن 🤷🏻‍♀🔥.

—————————————.
رسل: أأمر

ابو وسل: ما يامر عليج عدو بنيتي اني اريد احجي وياج بخصوص الصار اليوم واريد اسمع منج ويا بابا القرار الج تعرفيني مستحيل اجبرج على شي ابد

رسل: حشاك يابه متطلع منك الله يخليك خيمه فوكانا

ابو رسل:اني مانيتي اقهرج لا وللله بس لازم نعرف الصار حته اعرف اتصرف

رسل بخنكه: بابا الصار صار مالي نفس احجي بي بس اريد اطلب منك طلب

ابو رسل: لالا هاهيه خيولي كولي بنيتي تاخذين عيوني

رسل بدموع: ماريده بابا الله يخليك طلكني منه ماراح اكدر اعيش ويا ولله

ابو رسل: ميخالف بنيتي بس لازم تفكرين يا بابا الحياه بيها مشاكل وتصير هيج شغلات مو من اول عقبه تكولين بطلت هوة غلططان من ساسه لراسه ولو اطيح بي افينلج حضه ولله بس ارجعي فكري حته ماكون ظالمج بشي وخاف تكونين عصبيه او متاذيه واكون مسايرج بشي غصبا عنج

رسل بعبره: لا لا ابوس ايدك بابا ولله قراري النهائي اذا تكلي ضلي على ذمته معناها دتكلي موتي والله اموت على البطيئ بابا الصار سوه بيناتنه ثغره مستحيل اكدر اتعدا ولو تزوجنه راح تبقه هالثغره مارااح اترجه منه خير الي اني بذمته وهوا رايح يخ.. مكدرت تكمل سكتت

ابو رسل: هز راسه بتفهم وكال هاهي التردي يصير ماكو احد بالدنيا يجبرج على شي واني عايش واشم الهوة الظاهر ماقدر النعمه النطتهيا وماصانها اني اعرف اتصرف اني ردت اخذ رايج حته ماكون اتسرعت وضلمتج بشي متردي

رسل: كامت باست راسه وهي تهمس الله يحفظك يا سندي ترخصت وطلعت لغرفتها لزمت كتابها وضلت تقره وتحاول تلهي روحها حته متبجي وتردد موو وكت انهيارج موكته وللله لازم احقق حلمي وامشي بمستقبلي مالازم اوكع ضلت تقره وتعبت عافته ومددت ورجعت لزمتها العبره محد راح يفهم هالشعور غير المجربه حست الباب تنفتح دخلت امها وسدت الباب حضنتها وضلت اتطبطب عليها الام اكثر شخص يحس ضلت تبجي بحضنها وتشكيلها بكلام ممفهوم والام تطبطب عليها وكانها تفهمها ضلت بحضنها الا ان داختت ونامت غطتها امها وهي ميته قهر ضلت تدعيلها وطلعت

رسل: حسيت وي الاذان كمت توضيت وصليت وكملت باقي الماده وراجعت صح مكمله بس بالي مشوش مو مستقر مشيتها شسوي صار الوكت بدلت ووكفت البس شالي باوعت لوجهي شاحب تنفسست بصبر واخذت غراضي وطلعتت لكيتهم كاعدين وضلو يباوعولي بقلق وكانو ينتظرون رده فعلي

رسل بهدوء: صباح الخير

الكل: صباح النور

رسل: جريت كرسي وكعدت صبيت جاي وبقيت اشرب وعيوني بالملزمه احسهم يراقبوني