وبعد تلك الجمله تذكرت نيره شئ احزنها بشده وتجمعت الدموع في عينيها فعلم آدم لما حزنت فجأه هكذا
امسك آدم يد نيره بلطف لتنظر له نيره بدموع
ادم:ممكن تنسى الموضوع ده خلاص ده ماضي وعدا
نيره بدموع: انا.. انا مش خايفه على نفسي.. انا خايفه عليك.. خايفه انه يقتلك زي ما اقتل بابا.. خايفه يحرمني منك يا آدم... خايفه يحرمني من حبيبي وحنيتك وحضنك وضحكتك يا ادم
آدم بأبتسامه وحضنها : متقلقيش ياحبيبتي انا عمري مهبعد عنك يا قلبي انا مصدقت أقرب منك واجوزك متخفيش يا نيره
نظرت له نيره بدموع: خد بالك من نفسك
ادم بحب: متقلقيش.. وبعدين انتي قلبتيها نكد ليه كدا لالا انا مبحبش الناس النكديه ده انا حتى كنت هقولك بكره ان شاء الله هخدك تتفرجي علي البيت بتاعنا انا جهزته بفرش بكله ولو حاجه معجبتكيش تختاري اللي انتي عايزاه واجيبهولك
نيره: اكيد هيعجبني طالما انت اللي اخترته
آدم بحب: انا بعشق عيونك اللي زي القهوه ده
نيره: وانا بحب عيونك اللي زي السما الصافيه
قطع حديثهم شيماء
شيماء: آدم يلا الوقت اتأخر
آدم بضيق: ماما دايما بتقطع اللحظه الرومانسيه كدا
نيره بخجل: بكره نتكلم
آدم : دا انا عندي مواضيع كتييير عايزين نرغي فيها سوا ها مواضيع كتير
نيره بخجل: احم... يلا سلام
ادم:سلام يا.. يا من تملكتي قلبي
ذهب آدم ليترك نيره بتلك الفرحه منذ وقت طويل لم تفرح هكذا بل لم تفرح نهائي هكذا
...
وجد آدم هاتفه يرن برقم معتز واااا
آدم بمرح : ايه يامعتز لحقت اوحشك
معتز بفرحه: طالما الغزاله رايقه كدا اقول مبروك صح
ادم بضحك : ااه وزغرط كمان
معتز: لولولولولي اعزري يا آدم معرفشي ازغرط
ادم: أخرس أخرس دا انت خرمت وداني
معتز: ايه يا آدم مش لازم افرح
ادم: تفرح تبقى تخرم وداني
معتز :ماعلينا ها. الفرح امتى
ادم: بعد بكره
معتز: اييييه! بالسرعه ده
ادم: بسرعه ايه دا انا كنت قولتهم بكره بس هما قالو آخر شويه فقولت بعد بكره
معتز: لا كتر خيرك جيت على نفسك اوي
ادم: كفايه تأخير بقالي 8 سنين متأخر كفايه كدا
معتز : ياختااااااي مستعجل على ايه دا انت هتشوف اللي عمرك مشفته ودع العزوبيه بكره بئا
ادم بضحك: لا لا نيره مش كده
معتز: كلنا كنا بنقول زيك كدا بس كلهم واحد كلهم..
قطع كلام معتز جيهان
جيهان بضيق: ايوا كلهم ايه بئا يا عمري ولا انتو عايزين تعملو سي السيد واحنا امينه بئا
معتز بخضه: ايه ده انتي جيتي امتي
آدم بضحك : طب اسيبك دلوقتي يا معتز
معتز: لا ونبي استنى متسبنيش لوحدك
جيهان:ليه أن شاء الله هكلك؟
معتز: مثلا
جيهان: نعم!!
معتز: اقصد لا طبعا ياحبيبتي انا كنت لسه هكمل كلامي واقول كلهم بعد الجواز حاجه تانيه بيبقو احلا من ايام الخطوبه كمان
جيهان: اااه بحسب
معتز بارتياح : شوفتي ظلماني ازاي
جيهان:معلشي ياحبيبي البيبي مخليني متقلبه المزاج شويه
معتز: ماشي يامتقلبه المزاج
جيهان: اه صحيح بتكلم مين
معتز: لسه فاكره ده ادم
جيهان: مش حد غريب يعني...
جيهان بصوت عالي قليلا:ازيك يا ادم
آدم بضحك:الحمدلله
معتز: بيقولك الحمدلله وبيعزمنا على فرحه على نيره بعد بكره
جيهان بضحك : والله انت وهو مجانين كان من يومين خاطب واحده وبعد يومين هيتجوز واحده تانيه
معتز: لزوم اللعبه بئا يا حبيبتي
ادم: طب سلاموعليكو انا بئا اسيبكو تشتموني برحتكو
معتز:لا ياعم متمشيش عايزين نشتمك وانت موجود عشان متبقاش نميمه
ادم: لا زكي يلا
معتز: طبعا يا ابني هو انا اي حد
آدم: ماشي يا اخويا سلام بئا اخوك عريس وعايز يجهز نفسه
معتز:ماشي اعرييس سلام.
ادم:سلام
....
نيره وهي تجد هاتفها يرن برقم داليا
نيره بفرحه: مكنتش اعرف انك بتعرفي تخططي كدا يا دودو
داليا برتياح: الحمد لله كنت خايفه تكوني زعلانه مني لسه
نيره: انا اكتشفت انك صحبتي واختي اوي انهارده ربنا يخليكي ليا
داليا: ويخليكي ليا هااا طمنيني نقول مبروك
نيره: جوووولي يا ختي.
داليا بفرحه: لووووووووولي اخيييرا يابنتي دا انا كنت فقدت الأمل
نيره: لا متفقديش الفرح بعد بكره
داليا: ايه ده بالسرعه ده
نيره : اه آدم بئا اللي خلاه كده ده كان عايزه بكره بس فولناله آخر شويه فخلاها بعد بكره
داليا: يلا كده احسن خير البر عاجلٌ
نيره: هييييح يلا بئا عقبالك يا دودو
داليا : لالا انا مش عايزه اتجوز دلوقتي خااالص
نيره: مش بمزاجك يابطه.... صحيح ده انتي فكرتيني بحاجه دلوقتي.
داليا: ايه
نيره بمرح:يوم الخطوبه بتاعكو ده اللي هي تمسليه عملت حادثه وفوقت لقيت ولا مززز كده وعرفت بعدها انه بيسافر ونزل مصر يزور صحابه وراجع تاني كنت منمره عليه بس يلا بئا مليش نصيب ايه رأيك لو شوفته تاني هقوله اني جيباله عروسه واشوفيه ااه واسمه يوسف
داليا بضحك: ااه لو آدم يسمعك..
نيره:لا بالله عليكي هيطلقني علطول
داليا بضحك: انتي لحقتي يابنتي
نيره: يلا بئا بقيت اسمي مدام مش هدايق من حد في الشارع لما ينده عليا ويقولي يامدام كنت الأول بضايق واقوله انسه من فضلك
داليا بضحك: انتي مجنونه والله.. روحي نامي كويس عشان بكره هعدي عليكي ونروح نشتري حاجات كتييير يلا
نيره: والله انتي بت جدعه ماشي مستياكي سلامووز
داليا بضحك : سلامجوافه ياختي
أغلقت نيره مع داليا وذهبت لتنام ولكن.. هل للقدر رأي آخر؟ هل ستستمر الفرحه طويلا؟
نامت نيره وهي في قمه السعاده لا تدري ماذا ينتظرها في يوم زواجها كذلك آدم
.......
في الصباح
آدم وهو يكلم نيره في الهاتف: وحشتيني
نيره بخجل: وانت كمان
آدم بعشق: انا منتظر بكره بفارغ الصبر
نيره: على فكره انت معطلني وانا لازم انزل داليا مستنياني تحت
ادم بضحك: ماشي يا مدام نيره بكره مش هتبقى فضيا الا ليا انا وبس.
نيره: احم سلام
ادم: سلام ياحبيبتي
أغلقت نيره الهاتف
نيره بصوت عالي: ماماااااا انا نزله
صباح: اللي يسمعك وانتي بتتكلمي آدم بصوت واطي وهدوء ميشفكيش وانتي بتندهي عليا بصوت قد كدا يعيني يا آدم ده انت هتتصدم
نيره : هقوله طلقني لو مش عجبك طلقني (بصوت أحمد حلمي)
صباح: مجنونه والله.... يلا هخلص منك بكره
نيره: ماشي ياماما عايزه تخلصي مني لينا كلام تاني بس لما ارجع عشان داليا مستنياني تحت
...
نزلت نيره لتجد داليا
داليا بسخريه: مالسه بدريه ياعروسه
نيره بضحك: ايه يا دودو كنت بلبس الجزمه.
داليا: دا انتي هتلاقي كنتي لسه ملبستيش اصلا
نيره: لا لا اوعي تفهميني صح
داليا : عارفه لو مكنتيش عروسه وفرحة بكره كنت قتلتك هنا
نيره: طب الحمد لله اني عروسه يلا بئا عشان انتي بترغي ومأخراني.
داليا: انا! ايوا صح انا اللي مأخراكي يلا يا ختي
...
وبعد مرور 7 ساعات
نيره بتعب: مش قااادره يا داليا
داليا: ومين سمعك انا خلاص تعبت اوي
نيره: هو لسه كتير
داليا: لا مش قوي يلا فاضل كام حاجه كدا
نيره بحب:بجد انا مش عارفه اشكرك ازاي من غيرك مكنتش عرفت اشتري الحاجات ده كلها
داليا: تشكريني ايه يابنتي ده انا اختك
نيره وهي تنظر لهاتف لتجد آدم كان يتصل بها عده مرات ولكن لن تسمعه.
نيره بخضه : ياخبر.. آدم اتصل عليا 10 مرات اما ارد
نيره: الو
آدم بارتياح بعد ردها وغضب:ايه يانيره بقالي ساعه بتصل قلقتيني
نيره : معلشي يا آدم مسمعتش التلفون
ادم: طب انتي فين دلوقتي
نيره: انا في كافيه**** بارتياح شويه وهنكمل
ادم: انا مش عارف اصلا انتي بتجيبي ايه كل حاجه جهزه وانا جيبها ناقص انتي بس
نيره:برضه لازم انزل
ادم: طب قدامك قد ايه
نيره: مش كتير
ادم: طيب وابقى اسمعي التلفون عشان اطمن عليكي
نيره: ماشي سلام
آدم بحب : سلام يا ملاكي
....
وبعد ساعه
نيره بفرحه: اخيييرا خلصنا
داليا: كده اقد اقول روحيناااااااي يابت مش قادره
نيره بضحك: هبله والله.. يلا يا اختي
وصلت نيره لمنزلها بعد توصيل داليا لمنزلها
نيره بتعب: ياللي هنا انا جيت
صباح: حمدلله على السلامه
نيره : اااه مش قادره عايزه انام لمده اسبوع محدش يصحيني
صباح بضحك: اسبوع ده لو آدم سمعك هيموتك
نيره: اه صح انتي فكرتيني اطلبه واقوله اني وصلت
لم تكمل نيره كلامها لتجد آدم يتصل
نيره وهي ترد: والله لسه واصله وكنت هتصل عليك بس انت سبقتني بئا
ادم: اممم.. برضه لازم تتعقبي.
نيره: اتعاقب!
ادم: اه.. بس مش دلوقتي بكره هعقبك
نيره:بكره... اوعي تكون هتهرب ومش هتيجي الفرح
آدم بضحك: لا مش لدرجادي
نيره: ساعتها هروح انام لاني عايزه انام جدااا
ادم: لا بقولك ايه ادخلي نامي دلوقتي عشان تبقى فايقه بكره
نيره: ايوا انا هعمل كدا يلا تصبح على خير
آدم. بضحك: انتي ماصدقتي ماشي... وانتي من اهل الخير يا روحي.
بعد إغلاق نيره الهاتف ونامت من كتر التعب
...
بعد إغلاق آدم الهاتف ليتصل معتز به
معتز : ياعروسه ياعروسه انا العريس
ادم بضحك: انا موعود بالمجانين باين كدا
معتز : الله! الحق عليا اني بفرفشك
ادم: شكرا يا اخويا انا مفرفش خالص.
معنز: ماشي يامعلم اعمل حسابك بكره انا جيلك من الصبح
ادم: ماشي ياباشا تنور
معتز: جيهان هتيجي تقعد مع طنط شيماء وتروح معاها للعروسه وتعدي عليهم لما يخلصو
ادم:تمام
معتز: يلا روح ارتاح شويه.. سلام
ادم: سلام
بلغ آدم شيماء بأمر جيهان
شيماء: ماشي يابني ده تنورني... اصلا احنا هنروح لنيره علطول
ادم: تمام يا ماما
شيماء بدموع: اخيرا هشوفك عريس
ادم وهو يقبل يديها: ربنا يديمك ليا يا أمي
شيماء: ويديمك ليا ياحبيبي
ادم: انا هدخل آدم شويه ياماما
شيماء:ماشي ياحبيبي
......
جاء اليوم الموعود
صباح بفرحه: نيره قومي يلا ياحبيبتي
نيره بنعاس: يا ماما سيبيني شويه
صباح: قومي ياكسوله انهارده يوم فرحك
نيره وهي تقوم بنعاس: ماشي قايمه اهو
رن جرس الباب
نيره: اكيد البت داليا ده
فتحت نيره الباب لتجد داليا
داليا وهي تزغرط : لوووووووووولي يلا ياعروسه.. ايه ده انتي لسه نايمه لا فوقي كده ده احنا ورانا موال طويل
نيره: ادخلي الأول بس انا لسه صاحيه
