💕أنت قلبي٢💕

الحلقة ٩٠

#انت_قلبي٢
#بوسي_مصطفى
______________
الحلقة ٩٠

استكمالاً لـ اخر مشهد في الحلقة الماضية.

في التليفون... 📞
سلمى : لا انت الظاهر مش واخد بالك يا إياد
انت عارف يعني ايه ابنك يرتبط بملك؟؟ يعني هايدي تدخل بيتنا و انت تروح لـ ابنك تلاقيها هناك عادي و نتجمع في المناسبات
و طبعا مش كده و بس هتلاقي في كل مناسبه تعمل مشكلة
و دي مبيطقش سهر لو شافتها في مكان ممكن تقتلها انت متخيل اللي ابنك بيفكر فيه دا هيودينا لفين و متقوليش البنت غير أُمها و ملهاش ذنب و كل دا
علشان هي نسخه من أمها انت متعرفش عملت ايه مع سهر.
إياد : كل دا أنا فاهمه و ممكن يحصل بس فكري معايا كده ابني بيحب بنت خاله و مش شايف غيرها اقوله ايه؟
و لا أقف قصاد سعادته و اقوله بلاش يا عمار شوف غيرها الحياة مش هتوقف عليها.
سلمى : فاهمه انت بتقول الكلام دا ليه
إياد كل اللي قولته دا معاك برضه فيه بس مفيش سعادة هتيجي من ناحية هايدي صدقني عقل ابنك و قوله يبعد
عن الحوار ده بلاش يتسرع بكره يلاقي بنت جميله يحبها.
إياد : مش هكسر قلبه يا سلمى.
سلمى : انت حر انا عملت اللي عليه و نصحتك و بس
تصبح على خير.
____________

في التليفون..... 📞
ملك : لا عمتو نايمه كلهم اصلا نايمين.
عمار : طيب انتِ ايه اللي مصحيكي لحد دلوقت؟
سكتت ملك و مردتش.
عمار : انا اسف لو كان سؤالي ضايقك.
ملك : لا و هيضايقني في ايه؟
عمار : يعني تفكريه تطفل مني و لا حاجه انا بس كنت بطمن عليكي.
ملك : أنا كويسه و كنت سهرانه بذاكر علشان عندي امتحان الصبح بس خلصت مذاكرة و هنام.
عمار : طيب تصبحي على خير.
ملك : و أنت من اهل الخير.
عمار : اوعي تكوني زعلانه.
ملك : لأ مش زعلانه..
عمار : اوك.. سلام.
ملك : مع السلامة.
__________

في شقة سيف...
سيف يدخل ببتسامة : سلام عليكم.
مليكة تترك القلم و تقفل الكتاب : وعليكم السلام..
يقرب سيف منها و يطبع قُبله على خدها : يا مساء الفراولة.
تاخد مليكة كيس الفراولة.
سيف : هههههههههههه
طب حاسبي.
مليكة : بجد بجد ميرسي اوي.
تقوم بسرعه تغسل الفراولة.
سيف : سبيلي واحدة.
مليكة : تعالي ألحق علشان مش ضامنه نفسي.
سيف بيقلب في الكتاب.... تخرج مليكة من المطبخ..
مليكة : بتعمل ايه؟
سيف : هو انتِ بتذاكري الحاجات دي ازاي؟؟!
مليكة : نفس السؤال بالنسبة لـ المواد اللي كنت بتذاكرها؟
سيف : اصل طول عمري محبش التاريخ.
مليكة : و انا بموت فيه.
سيف : مندهش بصراحه.
مليكة : أنا بقى بكره الكيميا.
سيف : لا مسمحلكيش.
مليكة : هههههههههههه
شوفت كل واحد متحيز لـ الحاجه اللي بيحبها.
سيف : هههههههههههه
عندك حق و بعدين هنخسر بعض
علشان تاريخ و كيميا خلينا في المحمر و المشمر ده.
مليكة : ايه دا يا سيف؟
سيف : دي فخده ضاني بقى
و برياني و دي العلب اللي فيها الخلطه معرفش اسمها ايه
ههههههههههههه
و سلطة و زبادي و اتنين عصير جزر و برتقان هدخل اغسل ايدي و ظبطي السفرة كده.
مليكة : اوك بس مش هاكل.
سيف : ليه و انا هاكل دا لوحدي؟!
مليكة : أنا قولتلك تجيب أكل معاك؟
انا قولت عايزة فراولة بس.
سيف : تصدقي انا فعلا غلطان.
مليكة : مليش نفس ما انت عارف.
سيف : خليكي يا مليكة ملكيش نفس دايماً انتِ حره.
مليكة : متزعلش يا بيبي هاخد حته صغيرة بس هاتها
من غير دهن خالص.
جه سيف و قعد  و ببتسامة : طيب افتحي بُقك.
مليكة وضعت ايدها على بُقها و جريت على الحمام.
سيف : لا بلاش تاكلي احسن.
مليكة : غصب عني.
سيف : طب خدي الدوا و لا دا كمان فيه مشكلة.
مليكة : حاضر هاخده.
سيف : روحتي لـ بنت خالك؟
مليكة : اه.. تعرف غيرت اسم بنتها.
سيف : عادي يا حبيبتي بتحصل سميتها ايه؟
مليكة : ريتاج.
سيف : حلو الاسم.. ياترى احنا بقى ولد و لا بنت؟
مليكة : متحيرنيش من دلوقت في الاسم.
سيف : هههههههههههه
عملتي ايه النهارده.
مليكة : نص نص.
سيف : امممم لا عايزين نشد حيلنا بقى.
مليكة : اكتر من كده أنا اتهد حيلي خلاص.
سيف : هههههههههههه
لا اجمد كده يا وحش.
مليكة : مذاكرة و امتحانات مع جواز و حمل و حاجه ايه
لوز اللوز.
سيف : هههههههههههه
ايه يسطا دا انت خلاص قلبت؟!
مليكة : هههههههههههه
هعمل ايه لازم اقلب من اللي انا شايفاه.
سيف : تعالي ننام علشان تقومي الصبح رايقه.
مليكة : انت لحقت تاكل؟؟
سيف : ما انتِ مش عايزة تقعدي و تفتحي نفسي
هشرب العصير و الأكل خليه لبكره كفايه اللي أكلته.
مليكة : الأكل دخله التلاجه.
سيف : هههههههههههه كويس كنت هنساه هنا.
_________