#مابين الحب والخيانه 🔥🔥الحلقه 1
للكاتبه:شيماء الشيخ
تأليف:شيماء الشيخ واماني ❤️
ملاك:هلا انا ملاك م 97 مكملتش قرايتي للاسف باسبب هلبا ضروف ولحد الان قاعده ندور في خدمه مناسبه عايشه مع صديقتي حياة لاني يتيمه وعندي اخت وحدا بس توا تتعرفو عليها في الايام الجايه ولما وصلة للسن القانوني الملجاء لزوني اني وياها تعدبنا هلبا في حياتنا ولي زادني خطيبي فسخ مني اليوم لانه امه قالتله فوتها بنت الشوارع لقينا سقه واجرناها وعايشين الحمد الله حياة هانيه مواصفاتي متوسطة الطول جسمي زي عارضات الازياء عيوني بنيات وشعري متوسط الطول وناعم لونه بني ولون بشرتيبيضه وعندي غمازات ❤️
حياة:هلا انا حياة م 98 يتيمه بابا مات وامي تزوجت ولوختني من لما كان عمري سنتين ومنعرف عليها شي غير اسمها بس تخصصي مهندسة ديكور واليوم عايشه احلى ايام مع صديقتي العزيزه الاء مواصفاتي عيوني كبار لونهم ملونات متوسطه الطول وجسمي زي العارضات وشعري طويل وقمحيه بشرتي ❤️
ملاك:قووة روحها وخشت مستشفى الامراض العقليه وهيا قلبها واجعها خشت وسالت الممرضه رقم كم الغرفه وقالتلها الممرضه الغرفه رقم 25 مشت وفتحت الغرفه وشبحتها 💔
اي شبحت اختها المجنونه اختها الوحيده سما لي تكره ملام لان ملاك حطتها في مستشفى الامراض العقليه باسبب انها قتلت بنت بالغلط وخشت في حاله نفسيه ومن الوقت هداكه وهيا عمرها 14 وتوا عمرها 18 تتخيل في اشباح وحجات غريبه لذالك ملاك قررت ترفعها للمصح لي مصلحتها 💔
سما:اول ماشبحتها نصدمت وتهجمت عليها اطلعي برااااا اطلعي ياحقيره عمري ماني مسامحاتك اطلعيييييي 😡
ملاك:اهدي حبيبتي انا جيت هني على خاطرك انتي بس 💔
سما:رفعت عليها الموس وجرحت ملاك في ايدها وجو الممرضات وعطوها مهدئ وشويه شويه بدت تهدا وهيا تردد كلمه وحدا نكرهككك نكرهكك
ملاك:مسحت دموعها وطلعت مشت ركبت في الباص وهيا تبكيي وصلها لي حوشها وطقت الباب
حياة:جايه وفتحت الباب ملاك خيرك تبكي وجهك زي خريطة سويسره 😨
ملاك:حضنتها ونهارت بالبكيي 💔
حياة:مشيتي شفتيها صح
ملاك:هزت راسها بامعنى اي
حياة:يابنتي كم مرا نقولك معاش تمشيلها هدي 7 مرا تمشيلها وترجعي حالتك حاله وبلا هدف
ملاك:قلتت نجرب حضي المره هدي لاكن مزال تكرهني باشن نفهمها اني خشبتها للمصح لي مصلحتها بس 💔😭
حياة:ياقلبي خلاص اهدي وسكرت الباب وخشو
ملاك:اني خاشه ندوش لاني تعبت هلبا اليوم مشيت لي محل الفيلوات وقالولي لقو موضفه حضي زي الزفت اليوم وبدت تبكي
حياة:انتي على سبله خشي دوشي وارتاحي ولي فيها خير ربي يجيبها ❤️
ملاك: حضنتها ربي يحفظك ليا وميحرمنيش منك ❤️وخشت دوشت ونهارت بالبكي في الدوش وطلعت لبسة توته ورقدة
حياة:بعد ما كلمت حبيبها رقدة حتى هيا ❤️
في مكان بعيد عليهم 🔥
رعد:اقسم بالله كان متتصرفش لما ننهي دين امك انت ولي معاك 😡
الموضف:حاضر استاد رعد 😨
أدم:خش اعصابك لا تطربق معاش نعرفو كيف نلموك 😂
رعد:اشر للموضف بامعنى اطلع
رعد:تي اقسم بالله حاله الشركه هدي بانيها بامجهودي وفي الاخير توضف ناس زي لحمير ياخربولك كل شي عليك هم وخلاص ورفع شعره الكثيف لي ورا 🔥
أدم:فوتك منهم توا قولي شن صار باتجي معانا اليوم لي السهره 🤤
رعد:غكني منها معنديش خلوق لي شي توا
أدم:تي غير هيا باكونو في بنات وجووو را 🤤
رعد:ياصير خير
أدم:شرب من القهوه وبتسم
هلا انا رعد عمري 38 لاكن يبان عليا اصغر بنيت شركتي بايدي واكبر شركه تعتبر في لبلاد اسمي معروف في كل مكان والمل يخاف مني كل الشركات تتمنى انها تكون شريكه ليا بنيت شركتي وتعبت فيها رغم فلوس بوي الهلبا لاكن اخترت نوقف ع رجلي عندي اخ واحد اسمه ادم وعندي صديقي اسمه اويس وهوا وادم زي القطوس ولفار ميتفاهموش ومعروف عليا مغرور ومتكبر 😌مواصفاتي شعري كثيف بني غامق طويل وعندي عضلات واسمراني شويه وعندي لحيه مش طويله زلاكن كنت خاطب لاكن فسخت لانها طلعت وحدا رخيصه وخانتني مع ولد عمهت ومن الوقت هداكه واني نكره لبنات نطلع مع خوي نبات مع لبنات ومعتبرهم اجسام بس نلعب بيهم ولنا نكمل منهم نلوحهم 🔥
هلا انا ادم خوي رعد عمري 29 عشت طول عمري واني عايش بافلوس بوي نصرفهم ع حجات تافها زي السكير وكل شهر با سباره جديده وشخصيتي تشبه لي رعد شويه ديما نسهر مع الشباب في الاستراحات نلعب بالبنات لعب لانهم بانسبالي العاب بس ويجرو ورا لفلوس 🔥 مواصفاتي طويل وعضلات وعندي لحيه وشعري طويل شويه 🔥
وطبعا طلعو ادم ورعد وسهرو للصبح وروحوفي اليوم التاني
حياة:حبي اني طالعه ندور ع خدمه لاني طلعت من الشركه
ملاك:وعلاااش 🤨
حياه:اا ولا،شي 🙄
ملاك:قولي الحق 🙂
حياة:اف به ديما وانتي كاشفتني تعاركت مع المدير والله قالي بري لي 4 حياش وصمميلهم الديكور وقعدت معاه كلمه باكلمه لين طلعت 🙃😒
ملاك:فالحه هي بري دوري اما شركه باتخدمك هي 😡
حياه:ياقلبي اني الف شركه تتمنى نخدم عندهم 😌
ملاك:وااضح انتي خدمتي في الشركه هدي وبا شياط الريق 😒
حياة:قصف 🙂المهم باي توا وطلعت
لبست سروال جينز وعبايه سوده طويله ومفتوحه من الاخير مفيهاش بطم ووشاح ابيض واسود وشنطه بيضه وكعب ابيض واسود ❤️وبخت برفان وطلعت
حياة:اول شركه خلي نخش باسم الله وخشت جاها مسج وفعدت ماشيه وتشوف لي التلفون
أدم:نفس الشي ماشي ومشبحش قدامه لين نخبط في حياة
وطاحو ملفاتها
أدم:خير فيتك انتي عميه متشبحيش 😡
حياة:نزلت ولمت ملفاتها وقفت وشبحتله وقالت. لا ابيع هيبة الصمممت برخص الكلام وشبحتله من فوق لي لوطه ومشت
أدم:حرقاته هلبا نضرتها وكيف جاي يلحقها لقاها مشت وقال اني ادم ال.. تشبحلي بنت فقر بانظره زي هدي 😡بس كلامها حلو عجبني 🔥وردد الكلمه لي قالتها لا ابيع هيبة الصمممت برخص الكلام
ومشى ركب سيارته وطلع لي صحابه
حياة:كملت طريقها وخشت للمدير
رعد:ادخل
حياه:السلام عليكم
رعد:كان متكي على كرسيه ويشبحلها من فوق بي لوطه وهوا رافع خشمه وين ملفك
حياة:عطاته الملف
رعد:قعد قريب ساعتين وهوا يشبح للملف وقاللها مبروك ابدي معانا من اليوم
وجاه اتصال وقال كيف تتجرا وتطلع من الخدمه تمام منين بانلقى بنت توا
حياة:جتها الفرصه استاد صديقتي تبي خدمه تقدر تخدم معاكم
رعد:وصديقتك عندها خبره
حياة:هزت راسها (كدابه)
رعد:تمام جيبيها غدوا نجربوها
حياة:فرحت شكرا لستاد وطلعت
اما رعد رفع شعره ورا وهوا مغرور وشايف روحه وطلع من الشركه وعوا وافع راسه ومش معدل ع حد
🔥😌
ركب سيارته ونطلق
ملاك:كدابه احلفييي
حياة:والله قالي جيبيها غدوا ❤️❤️
ملاك:حضنتها ااه اخيرا يارب ❤️❤️❤️
حياة:لاكن في مشكله
ملاك:شن
حياة:...
يتبع
عجبتكم الحلقه نكمل او نوقف نبي تفاعل قوييي عليها يلا انطلقو ❤️
أنت تقرأ
ما بين الحب و الخيانه
Random#مابين الحب والخيانه للكاتبه:شيماء الشيخ تأليف:شيماء الشيخ واماني ❤️ القصه تتكلم علي بنت يتيما اسمها ملاك كان التحب شخص موت بس صارت مشكله اكبيره البتعرفوها في الحلقات الجايه بتخليهم ينفصلوا
