(احببت قيوده)

الحلقه الثامنه عشر⁦❤️⁩

انت كل القصائد ،وكل الاماكن الدافئه ..والطرف الرقيق من الحياه⁦❤️⁩

في بيت صغير جدا ..تملائه عائله كبيره لتعطيه الامان والدفئ ..

كانت رهف تجلس مع عائلتها وتتحدث معهم وتضحك كثيرا ..وتواسيهم علي حالهم فهم فقراء ..لكن رهف تتحمل المسؤليه كامله منذ صغرها وهي تعمل هنا وهناك حتي تلبي لهم طلباتهم ..عائلتها مكونه من سته افراد ..وهم والدها وولدتها ..واختها الاصغر منها ..واختها الاخري التي تليهم ..واخواتها الصبيان وهم اثنين فقط ..عائله كبيره لكنهم يساعدون بعضهم البعض حتي يعشون في سلام ودفئ ومحبه ..

كانت رهف جالسه تتحدث مع والدتها في الغرفه ..
رهف بحنان ....قوليلي يماما لسه حاسه بتعب لان انا اخر مره تعبتي فيها حسيت انه التعب زاد اكتر من الاول وقولتلك كذا مره تعالي نروح لدكتوره صحبتي مختصه في مشاكل الكله وانتي مرضتيش ..
والدتها بحنان ...لا ياحببتي متاخفيش انا كويسه ..متشليش همي وخليكي في شغلك وركزي فيه ..
رهف بجديه ...يماما انا ماليش غيركو ازاي ماشلش هموكو ..
والدتها ...ربنا يخليكي لينا يابنتي وميحرمناش منك ابدا ..

كادت ان تتحدث رهف لكن سمعت صوت والدها وهو ينادي عليها ..لتخرج من الغرفه متجهه الي والدها ..سارت خارج الغرفه حتي وصلت الي ابيها لكنها صدمت ..

رهف بصدمه ....انت !!!!انت ايه اللي جابك هنا ..
والدها بجديه ....انتي ايه اللي بتقوليه دا يابنتي عيب دا ضيفنا ..
رهف بضيق ...ضيفنا ازاي يعني وايه اللي يجيبه هنا ..

تحدث راشد بخبث وهو ينظر لوالدها دون ان يعطيها اهتمام ..
راشد .....ها ياعمي قولت ايه ؟؟
والدها بجديه ....انا عن نفسي عمري مهلاقي احسن منك ..بس لازم اخد رأي رهف الاول يابني ..
راشد بخبث ....طبعا ياعمي اتفضل خد رأيها .

كانت رهف تنظر لهم باستغراب مما يقولون
ثم اردفت ....هو في ايه يابابا تاخدوا رأيي في ايه ؟؟
والدها بجديه ...الاستاذ دا شافك في الشغل واعجب بيكي وجاي يطلب اديكي يابنتي والصراحه كدا هو فاتحني في الموضوع باقالو يومين ..ولما سألت عليه طلع راجل كويس ..واظن مافيش احسن من كدا يابنتي ها قولتي ايه ..
رهف بضيق ...قولت ايه في ايه يبابا انت عارف دا كان **

لم تكمل رهف كلامها حين تذكرت اسرار المريض التي التزمت بها منذ اعوام ..وعهدت عليها ..

والدها بجديه ....كان ايه يابنتي انتي تعرفيه؟
رهف بتوتر ....ها لاء بس ...يابابا انا مش عايزه اتجوز ورافضه الفكره دي الوقتي ..
والدها بضيق .....لاء يارهف انا استنيت عليكي كتيير ماهو مش معقول هاتفضلي معانا تصرفي علينا وتتعبي طول عمرك ..لازم تتجوزي وترتاحي من الهم دا يابنتي ...واخواتك الصبيان هما اللي يشيلوا همنا كفايه عليكي كدا ...
رهف بجديه ....انا مرتاحه كدا يابابا ..ومستحيل اتجوز الوقتي ..
والدها بغضب ....انا اللي كلمتي تمشي هنا ..لان الظاهر لما بسيبك علي راحتك بتسوقي فيها وبتعرفيش مصلحتك فين ...وانا هاوافق علي الجوازه دي ...مافيش كلام بعد كدا ...