غدر الزمن

مشهد

الممرضه: دكتورة ايلاف اجتنه حاله اسعاف

ايلاف: اوك

طلعت متجهه لغرفة الشخص الي مسوي الحادث ، دخلت للغرفة ونصدمت

كان هو نفس الشخص الي حبيته وتعلقت بيه ، الشخص الي عوضني عن ماما و بابا

،الشخص الي ما كنت اتخيل حياتي من دونه والي حبيته من طفولتي

بقيت واگفه واني اباوعله والصدمه مبينه عليه ، قاطع افكاري صوت الممرضه وهي تگول..

الممرضه: دكتورة اتصرفي المريض نزف دم هواي

دكتورة ايلاف: اي يله نقلوه لغرفة العمليات

طلعوه من الغرفة متجهين بيه لغرفة العمليات

دكتورة ايلاف: شنو سبب اصابه المريض

الممرضه: حادث سيارة

دكتورة ايلاف:اوك

دخلت الغرفة العمليات وبديت بالعمليه ، بعد مرور 3 ساعات طلعت من غرفة العمليات بعد ما نجحت العمليه و طلبت من الممرضين ينقلونه لغرفة خاصه

*************

گاعدين اني واهلي بالاستقبال واجاني اتصال من رقم مجهول ، رديت ..

احمد: الو

المتصل: حضرتك اخو علي عباس

احمد: اي نعم اني اخو علي

المتصل: اخوك سوى حادث وهسه هو بمستشفى ××××

احمد: شنو ، اوك

فصلت المكالمة وامي گالت..

الام: ها يمه شبيك و وشبيه علي

حنين(زوجة علي): اي احمد شبيه علي

احمد: علي بالمستشفى مسوي حادث

الام: يا يمه علي ، يمه وليدي

احمد: يمه اهدي

حنين: احمد اريد اروح للمستشفى

احمد: لا بس اني اروح

الام: لا يمه اني اريد اروح للمستشفى اشوف اخوك

احمد: اوك يمه يله لبسي عباتج ولحگيني للسيارة انتي وحنين

طلعت من البيت وصعدت بسيارتي واجتي امي وحنين و اتجهنه للمستشفى ،

بعد فترة وصلنه للمستشفى وسألت عليه و گالولي هو بغرفة رقم ٥٥٦ ، رحنه اني

وامي وحنين متجهين لغرفته ، دخلنه للغرفة ونصدمنه من الي شفناه

*************

گاعدة بمكتبي ادرس على حاله جراحيه ودخلت الممرضه وگالت..

الممرضه: دكتورة ، مريض غرفة رقم ٥٥٦ بلش يستعيد وعيه