💐الحلقة31"القسم 3"💐
❤✴❤
لثواني طويلة قعدت ساكتة ،تدور في الحكاية في مخها ،هي كانت مسكرة على روحها الباب وماتعرف شي بخصوص ايلي يصير لبرا ...ماتعرف شي بخصوص راجلها ولا بماضيه...كانت متصورة انها أكثر بشر تعذب وعاش وجيعة في ها العالم...لكن يقولو تسمع هم الناس تنسى همك ...أركان عاش أصعب موقف ينجم بشر يعيشو ...ليلة ونهار في كرهبة مغفصة ومع الموتى وزيد مازال طفل صغير وقتها ...كيفاش نجم يبقى في عقلو وكيفاش كبر طبيعي من غير مايكون مريض نفسي ،تمتمت وكاينها تحكي مع روحها
" ماتصورتش انو عانى لها الدرجة " رجعت تخزر لفريد وها المرة حماسها زاد "بو اركان يموت بالضبط بعد ماقرر ينحي التوكيل للفاضل ...الحكاية ماتحسهاش فيها ان؟! "
"حتى أركان كان يقول هكا ...وزيد ..." خزر لاجنابو لعل يشوف حد يسمع فيهم ، نقص في صوتو وهو يكمللها " قال انو وقت تقلبت بيهم الكرهبة ...الكاميون ايلي ضربهم كان حابس ع الحافة ...وفمة واحد كان واقف يشوف فيهم ..."
وساعت عينها "شنوة!؟؟..صحيحة ها الحكاية !؟ "
هز اكتافو وزم شفايفو " مانعرفش الحق...ممكن صحيحة وممكن وقتها كان يتخيل "
نفت بحركة من راسها " لا ...لا ...مستحيل يكون يتخيل ...الاكسيدون بفعل فاعل .." لعقت شفايفها " ماذبيا نرجع نبربش في ها الحكاية...تنجم تعاوني "
الصدمة كانت تنطق من وجهو " القضية عندها سنين تسكرت واعتبروه حادث انزلاق عادي ...انا قلت ها الكلام لاركان زادا..."
" أنا متأكدة انو الفاضل وعزوز عندهم يد في ااحكاية ...ومايهمش اذا تسكرت القضية والا لا...المهم عندي يتحاسبو علي عملوه..." تنهدت " وزيد ايلي خطف بنتي لتو لا لقاووه ...والصراحة مانستبعدش انو عايلة بالرجب وراء ايلي صارلها...سي فريد...انت عاوني بايلي تنجم ...وعم عبد الجليل...وانا ...يظهرلي التلاثة انجمو ناقفو في وجهم ...بالضبط كيف ماعملنا تو في اجتماع ناز "
ثبت فيها للحظات وعينيه مافارقتش وجها من بعد نفخ هواء قوي و حرك راسو يمين ويسار يقيس في الحكاية في مخو " موش عارف اخرتها شنوة...اما ...هاني معاك "
❤✴❤
يمشي ويجي كيف المجنون في الصالة ...كل عرق من راسو تكبس وصدرو ضاق بانفاسو ومعادش قادر يخمم حتى في ابسط الاومور...دخلت زينب وحالها تقريبا كان مشابه لحالو ...ملي سمعت الخبر وهي تحاول تلقى حد يقلها بايلي الحكاية ماهيش صحيحة ...وقفت مواجهتو وسألتو " كيفاش وحدة كيفها نجمت تبدل راي الاعضاء...على اساس ايلي معاك ثقة ومتأكد باش يصوتولك "
عطاها بالظهر موش حابب يحكي معاها "زينب ...ايلي فيا مكفيني ...فوتني ها الساعة "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Historia Corta★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
