ﺧﻄﺒﻮﻧﻲ ﻏﺼﺐ ﻭﻟﻐﻴﺮﻙ ﺍﻧﺰﻓﻴﺖ
ﻭﺣﻔﺮﻭ ﻛﺒﺮﻱ ﻟﻤﻦ ﻋﻘﺪﻭﺍ ﺍﻟﻘﺮﺃﻥ
ﺟﺒﺮﻭﻧﻲ ﻭﺻﺮﺧﺖ ﺍﺣﻀﺮﻧﻲ ﻳﻞ ﺍﻟﻌﺒﺎﺱ
ﺍﻧﺔ ﻭﺣﻴﺪﺓ ﻭﻋﻜﻠﻬﻢ ﺗﺮﺳﺖ ﺍﻟﺪﻳﻮﺍﻥ
ﻃﺶ ﻣﺴﺘﻘﺒﻠﻲ ﻣﻦ ﻃﺸﻮ ﺍﻟﺠﻜﻠﻴﺖ
ﻭﺭﻛﺒﺔ ﻭﻧﺺ ﻛﻌﺪ ﻛﻞ ﺟﺮﺡ ﻧﺎﻳﻢ ﺟﺎﻥ
... ﺣﺘﺔ ﺍﻟﻤﺎ ﻳﺸﻮﺭ ﺑﻲ ﻋﻠﻚ ﺷﺪﻳﺖ
ﻃﺐ ﻟﻴﺤﻀﺮﺓ ﺗﻠﻜﺔ ﺍﺳﻤﻚ ﻋﻠﺔ ﺍﻟﺒﻴﺒﺎﻥ
ﻛﺮﻑ ﺷﻌﺮﻱ ﺍﻟﺘﺮﺍﺏ ﻭﻳﺎﺓ ﻣﻦ ﺍﻣﺸﻴﺖ
ﻣﺪﻳﻮﻥ ﻭﺗﻤﺸﺔ ﺑﻴﺪﺭﺓ ﺍﻟﺪﻳﺎﻥ
ﺟﻨﻲ ﺗﻴﺴﺮﺕ ﻣﺎ ﺟﻦ ﺍﻧﺔ ﻧﺰﻓﻴﺖ
ﺍﻟﻴﺸﻤﻨﻲ ﻳﻜﻮﻝ ﻓﻜﺪﺕ ﺑﺎﻟﺤﺮﺏ ﺧﻮﺍﻥ
ﻏﺺ ﺑﺎﻟﺤﻠﻘﺔ ﺍﺻﺒﻌﻲ ﻭﻣﺎ ﺑﺮﺩ ﻣﻠﻜﺎﻱ
ﺍﻧﺔ ﺣﺮﻭﺭﺓ ﺭﺻﺎﺻﺔ ﺑﺘﻔﻜﺔ ﺍﻟﻤﻌﺪﺍﻥ
ﻭﻣﻨﺤﻞ ﺷﻌﺮﻱ ﻋﻠﻤﺘﻨﻲ ﺍﻛﻄﻊ ﺭﺯﻕ ﻋﺎﺷﻮﺭ
ﺳﻮﺍﺩ ﺍﻟﺒﺸﻌﺮ ﻣﺎ ﻟﻤﺤﺘﺔ ﺍﻟﻨﺴﻮﺍﻥ
ﻣﻨﺴﻴﺮ ﻋﺎﻟﻨﺨﻞ ﺣﺴﺒﺎﻟﻬﻢ ﺟﻤﺎﺭ
ﻭﻳﺒﻠﻊ ﺭﻳﺠﺔ ﻛﻞ ﻋﺼﻔﻮﺭ ﺑﺎﻟﺒﺴﺘﺎﻥ
ﻫﻞ ﺷﺪﻭ ﻋﺒﺮﺗﻲ ﺑﺠﺮﺑﺔ ﺍﻟﻤﻬﻀﻮﻡ
ﻭﺑﺼﺪﺭﺓ ﻋﻄﺶ ﻓﻼﺡ ﻟﻠﻜﻴﻌﺎﻥ
ﻭﺟﻬﻚ ﺩﻳﺮﺗﻲ ﻭﻣﻦ ﺷﻮﻓﻮﻧﻲ ﺍﻛﻔﺎﻙ
ﻗﺼﺮ ﺻﻠﻴﺖ ﻟﻤﻦ ﻛﺒﺮ ﺍﻷﺫﺍﻥ
ﺍﺭﺑﺔ ﺑﻜﻮﺥ ﺍﻟﻜﺼﺐ ﻻﺯﻡ ﻗﺒﻠﺘﺔ ﺍﻟﻬﻮﺭ
ﻭﻳﻌﻴﺪ ﻟﻮﻥ ﻳﺸﺘﻢ ﺭﻳﺤﺖ ﺍﻟﺮﻋﻴﺎﻥ
ﻭﻣﻮ ﺷﺮﻁ ﺍﻟﻌﻄﺶ ﻳﺮﺗﻮﻱ ﺑﺤﺴﻮﺓ ﻣﺎﻱ
ﻣﻦ ﺍﻟﻤﺎﻱ ﺗﻴﺒﺲ ﺭﻳﺔ ﺍﻟﻐﺮﻛﺎﻥ
ﻋﻠﻴﻠﺔ ﻭﺟﻨﺤﻲ ﻣﻮ ﻛﺪ ﺧﺰﺭﺓ ﺍﻟﺼﻴﺎﺩ
ﻭﺷﺮﺟﻴﺔ ﻫﻠﻲ ﺣﻄﺘﻨﻲ ﺑﺎﻟﻨﻴﺸﺎﻥ
ﺑﺸﻴﺒﺖ ﺟﻨﺤﻚ ﺍﺳﺘﻌﺠﻞ ﻳﻤﻠﺞ ﺍﻟﻤﻮﺕ
ﺣﻤﺎﻣﺔ ﺯﻳﻨﺔ ﻭﻳﺰﻓﻮﻧﻬﻪ ﻟﺴﺠﺎﻥ
ﻳﺎ ﺭﺧﺺ ﺍﻟﺠﻨﺎﺯﺓ ﻟﺘﻨﺘﺮﻙ ﺑﺎﻟﺒﻴﺖ
ﺗﻨﻤﻞ ﻣﻦ ﺗﻀﻞ ﻣﺮﺍﻓﻜﺔ ﺍﻟﺮﻳﻜﺎﻥ
ﻳﺎ ﺩﺭﺏ ﺍﻟﻨﺠﻒ ﺳﺮﻓﻦ ﺗﺮﺍﺏ ﺍﻟﻜﺎﻉ
ﻋﺮﻭﺱ ﺍﻟﺠﺎﻳﺘﻚ ﻳﻢ ﻋﻠﻲ ﺗﺮﻳﺪ ﻣﺠﺎﻥ
ﻟﺘﻐﺴﻠﻮﻧﻲ ﺧﺎﻑ ﺍﺛﺎﺭ ﻭﻟﻔﻲ ﺍﻃﻴﺢ
ﺗﺮﺓ ﺍﻟﺒﺮﺯﺥ ﻳﻘﺪﺭ ﺷﺒﻜﺔ ﺍﻟﻮﻟﻬﺎﻥ
ﻣﺤﺴﺒﺔ ﺣﺴﺎﺑﻲ ﻻ ﺧﻠﻒ ﺍﻟﻠﻪ ﻉ ﺍﻟﺠﻨﺎﺯ
ﺍﺑﺪﻟﺘﻲ ﻣﺠﻔﻨﺔ ﻣﺎ ﺗﻌﺐ ﺍﻟﺪﻓﺎﻥ
ﺑﺎﻋﻮﻧﻲ ﺑﺮﺧﺺ ﻭﺫﻛﺮﻧﻲ ﻳﻞ ﺍﻟﻤﺤﺒﻮﺏ
ﺍﺫﺍ ﺑﺎﻋﻮ ﺍﻛﺒﺎﻟﻚ ﻛﺤﻞ ﻟﻠﻌﻤﻴﺎﻥ
ﻳﻮﻟﻔﻲ ﺍﻟﻜﺒﺮ ﺑﺎﺭﺩ ﺩﻓﻮ ﺍﺣﻀﺎﻧﻚ
ﻭﻳﻦ ﺗﺮﺓ ﻳﺒﺠﻲ ﺍﻻﻟﺤﺪ ﻣﻦ ﻳﻨﺸﻎ ﺍﻟﺒﺮﺩﺍﻥ
ﻣﺎ ﺍﻧﺴﺎﻙ ﻻ ﻭﺑﺮﺩﺕ ﺍﻟﺴﺮﺩﺍﺏ
ﻟﻮ ﺣﻄﻮﺍ ﺍﻋﻀﺎﻣﻲ ﺑﺴﻔﺮﺓ ﺍﻟﻐﺮﺑﺎﻥ
ﻭﻣﻦ ﺗﺰﻭﺭﻧﻲ ﺍﻣﻦ ﻣﺎ ﺍﺗﻴﺔ ﻻ
ﻋﻄﺮ ﺷﺒﻜﺎﺗﻨﺔ ﻳﺪﻟﻴﻚ ﺑﺎﻟﻌﻨﻮﺍﻥ
