كان يشوفها شلون كانت قريبه منه واهي تبوسه ع خده، ضغط ع ايده بقهر وغيرة قطع عليه صوت عهد اللي صعدت: هااي رد عليها بهدوء: هلاا سكتت لما حست انه مو رايق، واهو حرك بهدوء حاولت تقطع الصمت: اممم كان سرحان ويفكر، يعني عهد تحب، تحب شخص غيره، تحب شخص معاها بالجامعه وكل يوم تشوفه غمض عيونه بقوه واهو يتخيل شلون يشوفون بعض كل يوم قطع عليه صرخه عهد: ولييييييددد فتح عيونه وضرب بريك بسرعه كانت فاتحه عيونها بصدمه وخوف، من الشاحنة اللي طلعت جدامهم، قعدت تتنفس بقوة وليد انتبه ان الشاحنة راحت بطريجها بعد م انتبه لها قبل لا يصدم فيها، تذكر اللي يمه، لف عليها بخوف: عهد مسك ايدها: صار لج شي هزت راسها بـ لا، واهي للحين تحس بصدمة راح ع جنب ووقف السيارة، لف عليها بخوف ومسك ايدها: عهد انتي بخير بشنو تحسين عهد هزت راسها بلا: انا بخير فتح لها ماي ومده لها: هاج شربي شوي شربت الماي دفعه وحده من الخوف، قعدت تتنفس وحست عمرها هدت لفت عليه: شفيك وليد وليد بندم: اسف عهد بس كنت افكر بشي وما حسيت بنفسي عهد تنهدت: زين مو مشكله يلا نروح وليد: صج انتي بخير عهد ابتسمت له: ايه لا تحاتي م صار شي وليد تنهد براحة وحرك السيارة، وللحين يسب نفسه شلون م انتبه للطريج، وعهد معاه بسيارته
ببيت منيرة دشت هيفاء ع امها، كانت لابسة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نادتها بحماس : يما يما منيرة انتبهت لها: شفيج هيفاء: قدمت أوراقي بالجامعه وقبلوني منيرة: شنو، انتي من صجج ، شنو كنا متكلمين هيفاء قعدت يمها: عفيه يما انا ابي ادرس مثل البنات، ولا تحاتين الدراسة مو ع حسابنا منيرة بحدة: وانتي تعتقدين أن بس اكو فلوس الدراسة، وين لبسج ووين اكلج ومنو راح يشيلج واييبج هيفاء نزلت رأسها: يما لا تكسرين فرحتي، انا مابي اشتغل انا ابي ادرس واييب شهادة منيرة طالعتها: وبعدين من وين لج هالملابس هيفاء: استعرتهم من عند رفيجتي منيرة هزت راسها بيأس منها، وهيفاء دشت دارها تنهدت منيرة واهي تتذكر شاللي صار اليوم بالمدرسة بعد م قالت لها المديرة تشرف ع العمال
نرجع لورا شوي،،،،،،،، ( طلعت منيرة رايحة تشوف العمال، دشت واهي تشوفهم يدخلون الأغراض قعدت ع الكرسي ليما يخلصون، بعد م خلصوا قطع عليها صوت: لو سمحتي قامت بسرعه واهي تشوف شخص واقف جدامها :تفضل الشخص: المديرة مو موجوده؟ منيرة :امبلا، بس مشغولة الحين، بس انا واقفه باسمها عشان اشرف عليكم الشخص: اممم اوكي، معاج استاذ عمر من الوزارة، وهذي أوراق كل حسابات الأغراض اللي يبناها لكم منيرة شالت الاوراق: اوكي استاذ عمر، الحين اشيل الأوراق للمنسقة عشان تشيك عليهم وبعدها راح اييبها لك استاذ عمر: اوكي راحت منيرة واهي مستغربه من نظراته، وبنفسها: شفيه هذا عيونه زايغه دشت للمنسقة وبعد م خلصت طلعت له، ومدت له الأوراق: تفضل استاذ عمر استاذ عمر: مشكورة، انتي هني معلمة منيرة باختصار :لا قطع عليهم صوت المديرة: هلا استاذ عمر تفضل استاذ عمر ابتسم: يا هلا فيج ام مروان المديرة: سوري كانت معاي حصة، تفضل اشرب قهوة بمكتبي استاذ عمر وعينه ع منيرة: اوكي م اقول لا المديرة ابتسمت :منيرة ممكن تسوين لنا قهوة منيرة: إن شاء الله استاذة راحت منيرة تسوي قهوه، وعمر دش مع المديرة استاذ عمر باستغراب: هذي منيرة تشتغل هني المديرة: ايه اهي تشتغل بالنظافة استاذ عمر عقد حواجبه: بس مبين للحين صغيره شحقة تشتغل هالشغلة المديرة: تبي العيشه اهي وبنتها استاذ عمر: ليش اهي متزوجة المديرة: ايه متزوجه من لما كانت صغيرة وتطلقت، ومعاها بنتين وحدة متزوجه ووحده للحين واهي تصرف عليها استاذ عمر هز راسه واهو يفكر قطع عليهم دخول منيرة واهي يايبه لهم القهوة قعد يتأملها وف باله فكرة، قدمت لهم القهوة وطلعت قعدت برا بروحها تفكر، استاذ عمر اول م طلع راح لها استاذ عمر: ممكن اتكلم معاج منيرة عقدت حواجبها: تفضل استاذ عمر: انا ادري بظروفج، سألت المديرة عنج وان عندج بنت، وانا بصراحة كنت ادور احد يساعدني بشغلي، انا صج مرتبط بالوزارة، بس عندي شركة خاصة فيني، ف إذا تبين تعالي اشتغلي معاي منيرة انصدمت : بس انا ماعرف لشغلك استاذ عمر: م عليه انتي تعالي وبعدها راح تتعلمين هزت راسها، واهو مد لها كرته فيه رقمه وعنوانه وكل معلوماته: انطرج باكر، وراح وتركها مع افكارها) رجعت من أفكارها واهي محتارة، تذكرت بنتها هيفاء، م لها حل غير أنها توافق عشان تحقق أمنية بنتها وتدرس وبنفس الوقت تلبس شي حلو عشان م تتفشل جدام البنات ابتسمت وراحت لهيفاء تقولها عن الخبر
