حبيتج ضوه والدنيا چانت ليل
وشديتج علگ من الصعب ينحل
جنتي امنيتي الاوله بحظرة العباس
كون امريتي تصبح ربي صعبه انذل
ربيتج لحد ما صبح طولج غيم
وسگيتج نظره نظره وخصرج تبلل
اغار بداخلي المحروگ اذا تصفنين
احس بالج لغيري بهاي ما اقبل
رغم ادري اعله گلبج اسمي چان اشراع
وادري ابالج اسمي الحاضر والاول
حبيتج ولكن ماحسبت حساب
كلّش مو ابالي الدين يتبدل
سنيه واذا؟! قابل كتلتلي حسين؟
اهلي شبيهم يخلوني اتبهذل
وابوچ شسوه بيه بيوم سد الباب
ياخذ بنته شيعي بهاي ما يقبل!
عله دين الرسول ثنينهم يمشون
لكن رايهم منّه اليهودي افضل
شمدريني العشگ بي طائفيه تصير
العشگ ورده او محبه شلون يتحول
اليعشگ هسه لازم يسأل المحبوب
من اول لقاء بالغصب خل يسأل
من شيعة علي من سنة الفاروق؟
خاطر يرضي اهله وحته ماينذل
خربتو الاسلام العشگ مابي دين
جم عاشگ اگليبه بصوجكم منشل
ياربي اليخرب عشگ اي ثنين
ابو فاضل يسطره وكون يتبهذل
ياريت كومنت وفوت حتى يصيرلي حماس انزل قصائد حلوة تعجبكم وكولولي ياشاعر تحبوه حتى انزل الكم قصائده
