تحسابوني نبي نحكي على الصحبة و كيف حالك و من هذا الكلام و يوميات و كذا😂 لا يا جماعة لا ... نعرف أن الأسم عبيط و الرواية راح تكون اعبط و فيها غموض كبير ❤ و فيها أكثر من قصة ❤ شن قصة (الأقارب عقارب💔) و شن قصة (أحببته فأحبه السرطان💔) وشن قصة (شن جيبني عندكم💜) و شن قصة (حبيتك يا مجرم😂) و راح تكون النهاية مش معروفة ❤ كمية الغموض الي فيها كبيرة↗🌚 نتمنى أنكم تتابعوها و نتمنى أنها تعجبكم 💜💜

#سيانيد المقدمة فيه يوم هكي تحس ان الدنيا كلها خططت انها تعفلقك وتقعد علي اعصابك طول اليوم هاده بديت يومي بعركة معا خطيبتي مستعجلة عالزواج اني كنت حاط ف راسي لما نكمل قراية طب نخدم وندير فلوس ! بس بعد تعب سنين وقراية وجهد ! ملقيتش وين نخدم حاجة اضحك صح ! خدمت محاسب حاجة بعيدة بكل علي مجالي الي ضيعت سنين من عمري نقرا فيه ! مشيت ل خدمتي زي كل يوم وكنت علي اعصابي بسبب العركة معا خطيبتي ! المدير لسانه طويل كان لو تعطل يبدا يلقح ومش عاجبه وكنت متحمله بس اليوم هاده صار العكس اني الي عيطت عليه وطلعت ركبت سيارتي واني خلاص بننفجر حد يبتسم ف وجهي ممكن ننزل نتعارك معاه علاش ابتسملي ! درست ف سيمافرو نستنا ف الاشارة الخضراء درسو زوز سيارات وسكرو الطريق ! نزل واحد منهم بسلاحه ! خفت فالحظة هادي قلت زعما ع خاطر تعاركت معا المدير بيرفعوني ! درت السيارة ع D وبنخبط سيارة وبنهرب منهم علي الاساس ..بس ف لحظات عرفت انه مش اني الهدف !...تلفتت ايساري نشوف من الروشن ف سيارة الي جنبي بنت ملامح الخوف ع وجها شافتلي بنظرة ساعدني ! حطيت يدي ع الباب عقلي يقولي شن تنزل ! متشوفش بيهم بسلاحهم ! انتا شن دخلك ! وقلبي مش راضي يخليها يرفعوها علاااش اني منعرفهاش !! بقلم محمد مالك ملاحظة: معني الاسم ( نوع من انواع السموم )

الروايه منقوله رعببب ..........

منقوله

منقوله رعب......