Alam ni Moises na nangyari na ito. Nabasa niya na ito. Pero nangyayari muli. Ang binatang si Moises, sa makabagong panahon, ay madidiskubre na kailangan niyang iligtas ang mga taong nakulong sa kabilang mundo. Sa pamamagitan ng pakikipag-usap sa nagliliyab na gripo sa CR, ginawang dugo ang baha sa kanal, pakikipaglaban sa demonyong usok, paglalabas ng tungkod sa kinagatang mansanas ni Eva, at higit sa lahat, ay ang paghati niya ng VOID SEA (ang pagitan ng dalawang mundo.) Sa tulong ng mga kaibigan niyang sina Emman, Noah, Adan, at Eva, ay lalakbayin at babasagin nila ang kabilang mundo para iligtas ang mga inalipin at nakulong na mga tao laban sa mga demonyong anghel at sa kaniyang kinikilalang Kuya Rameses. Pero parang may mali. Parang mali na iligtas niya ang mga taong ito at makinig sa boses na bumubulong sa kaniya. Parang mali na dinala niya ang mga kaibigan niya rito. Tila isa-isa silang bumabaliko ang istorya na dapat na nakasulat sa banal na libro.

SYNOPSIS: Kailangang kainin ni Kanlaon Mortel ang mga natitirang limang diyos sa Pilipinas. Yehey! Sounds exciting, right? Pero ang kapalit nito ay mabubura lang naman siya sa mundo kapag hindi nagawa. Kasama ang mga nakasalubong niyang mga kaibigan, maglalakabay sila sa buong Pilipinas at pupuntahan ang mga nakatagong mga diyos. Makakakita sila ng mga iba't ibang nilalang at hihingi ng tulong kung ano ang kailangan nilang gawin. May tikbalang na mga nagbabalat kayo bilang isang tao na mukha pa ring kabayo, may mga mananaggal na announcer sa may palengke. May dalawang libong palapag na hotel ng mga nilalang sa Pilipinas. May mga puno ng balete na isa palang portal. At marami pang iba.

Humihithit na naman ng vape ang isang kapre sa puno ng balete at naghihintay sa kanyang pasahero. May mga matang nanlilisik na naman sa paligid. May tikbalang na vegetarian. At may mga balete na portal. Si Neyo Rivera ay nakakain ng kakaibang handa sa araw mismo ng ika-labindalawa niyang kaarawan. Wala siyang kaalam-alam na sa isang handa na 'yun, magbabago ang kaniyang buhay. Sa pag dami ng mga "Berbalang" sa Pilipinas, matutuklasan niya na may kakaiba na kung ano sa kaniyang katawan. Si Neyo, Abby at Lewis, na kaniyang mga kaibigan, ay kailangang gumawa ng paraan kung paano niya mapipigilan ang paglabas ng kung ano sa katawan niya. At dahil diyan, naglakbay ang magkakaibigan at kung ano-ano pa ang kanilang natuklasang nakatagong mga nilalang sa Pilipinas.