منقوله للكاتبه طيبه الربيعي حب يولد بين بنت كرديه وشاب عربي عراقي لكن الطريق طويل ومتعب .???

شفت عيونة نزلت على رگبتي .. اشتدت طبكة حواجبة اكثر ووجهة صار احمر .. كمزت من تيه العوجية وطاحت بالكاع .. وبثانية جان لازم بيدة الكلادة .. حجة بلهفة : منين جبتيهة هاي الكلادة .. حطيت ايدي فوك ايدة اريدة يعوفة لان شاد عليهة : عوفهة لا تنكطع .. هاي كلادة امي .. رفع عيونة بعيوني : ادري كلادة امج .. منين جبتيهة .. شلون وصلت الج ..

گعدت واني مدنگه ما اعرف شبيه عبالك اول مره أشوفه لو أگعُد مقابيله و أكُل ، حاولت أتجاهل وجوده ، بس وين واني أحسن نبضات گلبي يدُگن بإذاني ، داحس عيونه عليه تراقبني ، اريد اكذب إحساسي ، رفعت راسي ، وطلع إحساسي ميكذب ، شفت عيونه عليه ، تمنيتكم تشوفون عيونه شلون بيهن ندم واعتذار وحزن تمنيت احضنه وابوس عيونه و أگله والله مزعلنه عليك ، بس لا تخليني أشوف هذا الحزن بعيونك ، عيوني انملت دمع و اني بعدني ما منزله عيوني منه ، شلون ويه عيوني الراح تفضحني ، دنگت راسي بس هلعبره الخنگتني شلون بيها ،

هل يجتمعان اليث والگمر هل الحب سيغلب كل الضروف ليتنا مثل الطيور ! إن ضاقت بنا الأرض؛ حلقنا نحو السماء.. بقلم ود الباشا ماحلل احد ياخذ قصصي بدون ذكر اسمي (ذمه)